Published:Updated:

பசியின்மை பிரச்னையல்ல... அறிகுறி!

பசியின்மை பிரச்னையல்ல... அறிகுறி!
பிரீமியம் ஸ்டோரி
பசியின்மை பிரச்னையல்ல... அறிகுறி!

வாணி, டயட்டீஷியன்ஹெல்த்

பசியின்மை பிரச்னையல்ல... அறிகுறி!

வாணி, டயட்டீஷியன்ஹெல்த்

Published:Updated:
பசியின்மை பிரச்னையல்ல... அறிகுறி!
பிரீமியம் ஸ்டோரி
பசியின்மை பிரச்னையல்ல... அறிகுறி!

வேளா வேளைக்கு வெரைட்டியான உணவு கேட்பவர்கள்கூட வெயில் வந்துவிட்டால் மாறிவிடுவார்கள். வெறும் ஜூஸாகக் குடித்து வயிற்றை நிரப்பிக்கொள்வார்கள். ‘பசியே இல்லை’ என்பதே பதிலாக இருக்கும். வெயில் காலத்தில் பசியின்மை ஏற்படுவது சகஜம். கோடையில் இது ஏற்படுவதற்கான காரணங்கள், தீர்வுகள் குறித்து விளக்குகிறார் டயட்டீஷியன் வாணி.

பசியின்மை பிரச்னையல்ல... அறிகுறி!

காரணம்

கோடைக்காலத்தில் இயல்பாகவே உடல் உஷ்ணம் அதிகமாக இருக்கும். நாம் உண்ணும் உணவுகளும் உஷ்ணம் நிறைந்ததாக இருந்தால், செரிமானம் தாமதமாகி உடல் உஷ்ணம் இன்னும் அதிகரிக்கும். நோய் எதிர்ப்பு சக்தியின் உதவியுடன் உடல் சற்று குளிர்ச்சியான சூழலுக்கு வந்த பிறகே பசி உணர்வு ஏற்படத் தொடங்கும்.

ஒட்டுமொத்த விகடனுக்கும் ஒரே ஷார்ட்கட்!

பசியின்மை பிரச்னையல்ல... அறிகுறி!



தீர்வுகள்

* செரிமானத்தை தாமதப்படுத்தும் எண்ணெய் அதிகமுள்ள அல்லது வறுத்த உணவுகள், டீ, காபி போன்ற சூடான பானங்களை அருந்துவதைத் தவிர்க்க வேண்டும். உடல் உழைப்பு இல்லாதவர்களுக்கு இந்த நிலையில் பசியின்மை ஏற்படுவது இயல்பு. எனவே, முடிந்தவரை எளிதில் செரிமானமாகும் உணவுகளைச் சாப்பிடவும். 

பசியின்மை பிரச்னையல்ல... அறிகுறி!

* வெயிலில் அதிக நேரம் இருக்க நேர்ந்தால், உடல் உஷ்ணம் அதிகரிக்கும். எனவே முடிந்தவரை பகல் நேரத்தில் வெளியே செல்வதைத் தவிர்க்கவும்.

* உடல் உஷ்ணம் வியர்வையாக வெளியேறும்போது சோடியம், பொட்டாசியம் போன்ற எலெக்ட்ரோலைட்டுகளும் சேர்ந்து வெளியேறிவிடும். இது, உடலில் வறட்சியை ஏற்படுத்தும். எனவே, உடலுக்குக் குளிர்ச்சியூட்டும் இளநீர், நுங்கு, பானகம், பழச்சாறு போன்ற ஆரோக்கியமான உணவுகளை உட்கொள்ள வேண்டும். இல்லையென்றால், உடலிலுள்ள சத்துகள் குறையும்; ரத்த அழுத்தம் குறைந்து மயக்கம்கூட ஏற்படலாம்.

பசியின்மை பிரச்னையல்ல... அறிகுறி!

* சீஸனல் உணவுகளை, தினமும் சாப்பிட்டுவரவும். உதாரணமாக, வெயில் காலத்தில் கிடைக்கும் பூசணிக்காய், மாம்பழம், தர்பூசணி போன்றவற்றை அன்றாட உணவுப் பட்டியலில் சேர்த்துக்கொள்ளவும். குளிர்ச்சியான பழங்கள், காய்கறிகளை அதிகம் உட்கொள்ளவும்.

 * பகலில் அதிக நேரம் வெளியே இருப்பவர்கள் சீரகத் தண்ணீர், இஞ்சி மற்றும் எலுமிச்சை கலந்த தண்ணீரைக் குடித்துவந்தால் உடல் உஷ்ணம் குறையும்.

* பசி உணர்வு எல்லா நேரங்களிலும் வயிறு தொடர்பான பிரச்னையாக மட்டுமே இருக்காது. சில நேரங்களில் நம் எண்ணம், மனம் தொடர்பானதாகவும் இருக்கலாம். `மோர் குடி!’, `ஜூஸ் அருந்து’ என மூளை அறிவுறுத்தும் உணவுகளை உட்கொண்டாலே போதும்; கோடையில் ஏற்படுவதாகச் சொல்லப்படும் பசியின்மையை எளிதாக வென்றுவிடலாம்.

* இந்தப் பசியின்மையை, பசியே எடுக்காத நிலை என்றோ, அது ஒரு பிரச்னை என்றோ வகைப்படுத்திவிட முடியாது. காரணம் பசி, எல்லா நேரங்களிலும் உணவின் மீதான தேடலாக மட்டுமே இருக்காது. நீர்ச்சத்து, சூடான பானங்கள், குளிர்ச்சியான உணவுகளுக்கான தேடல்களாகவோகூட அவை இருக்கலாம். அந்த வகையில், சம்மர் சீஸனில் உடலுக்கு நீர்ச்சத்து அதிகம் தேவையாக இருக்கும். எனவே, அது தொடர்பான அறிகுறிகளாக அவை இருக்கலாம். அதாவது, நா வறட்சி, தொண்டை வறட்சி, அதிகம் வியர்ப்பது போன்றவை. வியர்வை அதிகமாகும்போது இளநீர், பானகம், ஜூஸ் போன்றவற்றை மனம் தேடும். அவற்றை அருந்தியதும், உடலுக்குத் தேவையான சத்து கிடைத்துவிடும். இப்படி உடல், தன் தேவையை ஏதோவொருவிதத்தில் வெளிப்படுத்துவதே பசி உணர்வு. ஆகவே, இந்த வெயில் காலத்தில் பெரும்பாலும் ஏற்படுவது பசியின்மை பிரச்னை கிடையாது.

ஜெ.நிவேதா