Published:Updated:

உங்கள் சன்ஸ்கிரீன் பாதுகாப்பானதுதானா?

உங்கள் சன்ஸ்கிரீன் பாதுகாப்பானதுதானா?
பிரீமியம் ஸ்டோரி
உங்கள் சன்ஸ்கிரீன் பாதுகாப்பானதுதானா?

வானதி,சரும மருத்துவர்ஹெல்த்

உங்கள் சன்ஸ்கிரீன் பாதுகாப்பானதுதானா?

வானதி,சரும மருத்துவர்ஹெல்த்

Published:Updated:
உங்கள் சன்ஸ்கிரீன் பாதுகாப்பானதுதானா?
பிரீமியம் ஸ்டோரி
உங்கள் சன்ஸ்கிரீன் பாதுகாப்பானதுதானா?

டிக்கிற வெயிலுக்கு சன்ஸ்கிரீன் இல்லாமல் வீட்டைவிட்டு வெளியே போவதில்லை பலரும். அதனால், சன்ஸ்கிரீன் வாங்கும்போது எவற்றையெல்லாம் கவனத்தில்கொள்ள வேண்டும் என்பது பற்றி, சரும மருத்துவர் வானதியிடம் கேட்டோம்.

உங்கள் சன்ஸ்கிரீன் பாதுகாப்பானதுதானா?

* வெயில் காலத்தில் மட்டுமல்ல... மற்ற பருவ நிலைகளிலும்கூட சன்ஸ்கிரீன் நம் சருமத்துக்கு அவசியம். வெயிலில் இருக்கிற புறஊதாக் கதிர்களில் ஏ, பி, சி என மூன்று வகைகள் இருக்கின்றன. இவற்றில் ‘சி’யால் நம் சருமத்துக்கு எந்தப் பிரச்னையும் வராது. ஏனென்றால், ஓசோன் படலமே இந்தக் கதிரைத் தடுத்து நிறுத்திவிடும். மற்றபடி, புறஊதாக் கதிர்களில் ‘ஏ’தான் அதிகமாக இருக்கும். அதனால், இதுதான் அதிகபட்சமாக நம் சருமத்தைத் தாக்கும். ‘பி’யும் சிறிதளவு தாக்கும்.

ஒட்டுமொத்த விகடனுக்கும் ஒரே ஷார்ட்கட்!

உங்கள் சன்ஸ்கிரீன் பாதுகாப்பானதுதானா?



* புறஊதாக் கதிர்களில் இருக்கிற ‘ஏ’, நம் சருமத்தைக் கருமையாக்குவதோடு சருமத்தின் நோய் எதிர்ப்பு சக்தியையும் குறைத்துவிடும். வெயிலில் அதிகமாக அலைந்து திரிபவர்களுக்கு சருமம் சுருங்கி சீக்கிரமே வயதான தோற்றம் வந்துவிடும். இதற்குக் காரணம், புறஊதாக் கதிர்களில் இருக்கிற ‘ஏ’தான்.

* புறஊதாக் கதிர்களில் இருக்கிற ‘பி’, சருமத்தைத் தீய்த்துவிடும் தன்மைகொண்டது. கண்களில் கேட்டராக்ட் ஏற்படுத்துவது, சருமப் புற்றுநோயை ஏற்படுத்துவதெல்லாம் இதுதான். நாமெல்லாம் பெரும்பாலும் மாநிறமானவர்கள் அல்லது கறுப்பு நிறம் கொண்டவர்கள் என்பதால், புற்றுநோய் அளவுக்கு மாட்டிக்கொள்வதில்லை.

உங்கள் சன்ஸ்கிரீன் பாதுகாப்பானதுதானா?

* எஸ்.பி.எஃப் (Sun Protection Factor) என்பது மட்டும்தான் எல்லோருக்கும் தெரிகிறது. ஆனால், அது புறஊதாக் கதிர்களிலிருக்கிற ‘ஏ’விடமிருந்து நம்மைப் பாதுகாக்குமா அல்லது ‘பி’யிடமிருந்து பாதுகாக்குமா என்பது தெரியவில்லை. சிலர், ‘நான் தினமும் சன்ஸ்கிரீன் யூஸ் பண்றேன். ஆனாலும் கறுத்துப்போயிட்டேன்’ என்பார்கள். எஸ்.பி.எஃப் என்று நாம் பயன்படுத்துவது, பெரும்பாலும் புற ஊதாக் கதிர்களிலிருக்கிற ‘பி’யிடமிருந்து பாதுகாக்கும் க்ரீம்தான். நான் ஏற்கெனவே சொன்னபடி, இந்த க்ரீம் சூரிய ஒளியால் நம் சருமம் தீய்ந்து போகாமல் தடுக்கும். ‘ஏ’ இருக்கிற க்ரீமை பயன்படுத்தினால்தான் சருமம் கறுத்துப்போவது தடுக்கப்படும். அதனால், ஒரு சன் ஸ்கிரீன் க்ரீம் வாங்கும்போது, யு.வி.ஏ மற்றும் யு.வி.பி இரண்டிலிருந்தும் உங்களைப் பாதுகாக்குமா என்பதையும் படித்துப் பார்த்து வாங்குங்கள்.

உங்கள் சன்ஸ்கிரீன் பாதுகாப்பானதுதானா?

* சன் ஸ்கிரீனில் கெமிக்கல், பிசிக்கல் என இரண்டு வகை இருக்கின்றன. `கெமிக்கல்’ என்பது ஆர்கானிக் சன் ஸ்கிரீன்; `பிசிக்கல்’ என்பது இன் ஆர்கானிக் சன் ஸ்கிரீன். குழந்தைகளும் பயன்படுத்தக்கூடிய அளவுக்குப் பாதுகாப்பானது என்றால், பிசிக்கல்தான். ஆனால், இந்த சன் ஸ்கிரீனை முகத்தில், கைகளில் அப்ளை செய்திருந்தால், பார்ப்பதற்கு அப்படியே வெள்ளை வெள்ளையாகத் தெரியும். அதனால், நிறைய பேர் பயன்படுத்த மாட்டார்கள். ஆனால், தற்போது இப்படி வெள்ளையாகத் தெரியாதபடி இதைத் தயாரிக்கிறார்கள். அதனால், பிசிக்கல் சன் ஸ்கிரீனை தாராளமாக வாங்கிப் பயன்படுத்துங்கள்.

* வியர்வை வழிந்தாலும், தண்ணீர்பட்டாலும் சன் ஸ்கிரீன் எந்த அளவுக்கு நம் உடம்புடன் ஒட்டியிருக்கும் என்பதையும் தெரிந்து வாங்க வேண்டும். வாட்டர் ரெசிஸ்டன்ட் சன் ஸ்கிரீன் என்றால், 40 நிமிடங்கள் தண்ணீரில் இருந்தாலும் பாதுகாக்கும். வாட்டர் புரூஃப் சன் ஸ்கிரீன் என்பது 80 நிமிடங்கள்வரை அப்படியே இருக்கும்.

* தற்போது, மைக்ரோ டெக்னாலஜியில் சன் ஸ்கிரீன் ஸ்பியர்ஸ் (Sunscreen Spheres) வருகிறது. இது, யுவி கதிர்கள் முகத்துக்குள் சிறிதளவுகூட ஊடுருவ முடியாதபடி இடைவெளியில்லாமல் பரவியிருக்கும். சன் ஸ்கிரீனால் அலர்ஜி வருபவர்கள், சிலிக்கான் கலந்த சன் ஸ்கிரீனைப் பயன்படுத்தலாம்,

* நம் ஊர் வெயிலுக்கு எஸ்.பி.எஃப் 30 ஆவது இருக்க வேண்டும். எந்த சன்ஸ்கிரீனைப் பயன்படுத்தினாலும் மூன்று மணி நேரத்துக்கு ஒரு தடவை மறுபடியும் அப்ளை செய்ய வேண்டும். வீட்டிலிருந்து கிளம்புவதற்கு அரை மணி நேரத்துக்கு முன்னரே சன்ஸ்கிரீனை அப்ளை செய்துகொண்டால்தான் அதன் முழுப்பயனும் உங்களுக்குக் கிடைக்கும்.’’

ஆ.சாந்தி கணேஷ் 

`டீஸ்பூன் ரூல்’ தெரியுமா?

ன் ஸ்கிரீன் பயன்படுத்துவதில் `டீஸ்பூன் ரூல்’ என்று ஒன்று சொல்வார்கள். அரை டீஸ்பூனுக்கும் கொஞ்சம் கூடுதலாக எடுத்தால் முகம், கழுத்து, கைகளுக்கு அப்ளை செய்ய போதுமானதாக இருக்கும். ஒரு டீஸ்பூனுக்கும் கூடுதலாக எடுத்தால் முகம், கால்கள், நெஞ்சு, முதுகுப்பகுதியில் அப்ளை செய்யலாம்.