Published:Updated:

எடை அதிகரிக்க என்ன செய்யலாம்?

எடை அதிகரிக்க என்ன செய்யலாம்?
பிரீமியம் ஸ்டோரி
News
எடை அதிகரிக்க என்ன செய்யலாம்?

ஹெல்த்

டல் பருமனைப் போலவே உடல் எடை குறைவாக இருப்பதும் பிரச்னையே. எப்படியாவது எடையை அதிகரித்துவிட வேண்டும் என நினைத்து, புதிது புதிதான டயட் முறைகளைப் பின்பற்றுவது, கெட்ட கொழுப்பு அதிகமுள்ள உணவுகளைச் சாப்பிடுவது என்று சிலர் விபரீதமான முயற்சிகளில் இறங்குவார்கள். இதனால் உடலில் பல எதிர்விளைவுகள் ஏற்படலாம். ஆரோக்கியமான முறையில் எடையை அதிகரிக்க எளிய வழிமுறைகளைப் பரிந்துரைக்கிறார் டயட்டீஷியன் ராஜேஷ்வரி. 

எடை அதிகரிக்க என்ன செய்யலாம்?

என்ன செய்ய வேண்டும்?

* சர்க்கரைச்சத்து அதிகமுள்ள உணவுகளையும், கொலஸ்ட்ரால்  அதிகமுள்ள உணவுகளையும் தவிர்க்க வேண்டும். புரதச்சத்து நிறைந்த உணவுகளை நிறைய எடுத்துக்கொள்ளலாம். குறிப்பாக, முட்டையின் வெள்ளைக்கரு மிகவும் நல்லது. மஞ்சள் கருவில், கொழுப்புச்சத்து நிறைந்துள்ளதால், அதைத் தவிர்க்க வேண்டும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
எடை அதிகரிக்க என்ன செய்யலாம்?



* உணவில் மாற்றம் செய்யும்போது, நாம் வழக்கமாகச் சாப்பிடும் விருப்பத்துக்குரிய உணவுகளின் மீதான ஆர்வம் அதிகரித்துக்கொண்டே இருக்கும். இதை ‘ஃபுட் கிரேவிங்’ என்பார்கள். அதைத் தவிர்க்க மாற்று உணவுகள் பற்றித் தெரிந்துவைத்திருக்க வேண்டும். உதாரணமாக, சர்க்கரை அதிகம் சாப்பிட்டுப் பழக்கப்பட்டவர்களுக்கு அதைச் சாப்பிட வேண்டும் என்ற எண்ணம் அடிக்கடி தோன்றும். அதற்கு மாற்றாக, ‘டார்க் சாக்லேட்’ சாப்பிடலாம்.

* பழங்களில், வாழைப்பழம் மிகவும் நல்லது. நட்ஸில் பாதாம், வால்நட்ஸ் போன்றவை பெஸ்ட்.  திராட்சை, பேரீச்சம் பழம் சாப்பிடுவது ஊட்டச்சத்துக் குறைபாடுகளைச் சரிசெய்யும்.

* சிலர் அதிகமாக வேலை செய்வார்கள். ஆனால், உணவில் குறைவான கலோரிகளே இருக்கும். தேவையான ஆற்றல் கிடைக்காததால், எடை குறைந்திருக்கும். எனவே, உழைப்புக்கு ஈடான கலோரியை உட்கொள்கிறோமா என்பதில் கவனம் தேவை.  

எடை அதிகரிக்க என்ன செய்யலாம்?

* கொழுப்புச்சத்து குறைவான பால் அருந்தலாம். வாரத்துக்கு மூன்று முறை மீன் சாப்பிடுவது நல்லது. ஊட்டச்சத்து நிபுணரின் பரிந்துரையோடு, புரோட்டீன் டிரிங்க்ஸ் அருந்தலாம். 

என்ன செய்யக் கூடாது?

* எடை குறைவாக இருப்பவர்கள், உணவில் அதிக நெய் சேர்த்துக்கொள்வது, அதிகம் இனிப்பு சாப்பிடுவது, வறுத்த உணவுகளை அதிகம் சாப்பிடுவது, அதிக நேரம் தூங்குவது என எடையை அதிகரிக்க, பல முயற்சிகளை முன்னெடுப்பார்கள். இவை அனைத்துமே தவறானவை. ஆரோக்கியமற்ற எடையை அதிகரிக்கத்தான் இவை காரணமாகும்.

* மாவுச்சத்து அதிகமுள்ள, அரிசி போன்ற தானியங்களை உணவில் அதிகம் சேர்த்துக்கொண்டால் எடை அதிகரிக்குமென சிலர் நினைக்கிறார்கள். அடிப்படையில் சப்பாத்தியிலும் அரிசி சாதத்திலும் ஒரே அளவு கலோரிகள்தாம் இருக்கும். எனவே, உணவில் மாவுச்சத்தை அதிகப்படுத்திக்கொள்வதைத் தவிர்க்கவும்.

* உழைப்பு குறைவாக இருந்தால், உடல் எடை அதிகரிக்கும் என்ற எண்ணமும் தவறு. தினமும் உடற்பயிற்சி செய்யவேண்டியது அவசியம். வாய்ப்பிருந்தால், ஜிம் சென்று பயிற்சிகள் செய்யுங்கள்.

உணவில் மாற்றங்களை ஏற்படுத்திக் கொள்வதற்கு முன்னர், எடை குறைவதற்கான காரணத்தைக் கண்டறிய வேண்டும். சில நேரங்களில் மன அழுத்தம், ஹார்மோன் குறைபாடு, மரபியல் காரணங்களால்கூட எடை குறையலாம். முழு உடல் பரிசோதனை செய்து காரணத்தை அறிந்து தீர்வைத் தேட வேண்டும்.  கண்டிப்பாக மருத்துவர் அல்லது ஊட்டச்சத்து நிபுணரின் வழிகாட்டுதல் அவசியம்.

வெண்ணிலா