Published:Updated:

பருப்பு அடை

அம்மா ரெசிபி!

''என் வீட்டில் வாரம் ஒரு முறை அடை செய்து சாப்பிடுவது வழக்கம். குழந்தைகள் முதல் வீட்டில் உள்ள பெரியவர்கள் வரை விரும்பிக் கேட்கும் வெரைட்டியான உணவு இதுதான். மொறுமொறுவென முருங்கை அடையின் வாசமும், பயறு வகைகளின் சுவையும் நாவைச் சுண்டி இழுக்கும்.'' என்கிறார் ஓசூரைச் சேர்ந்த வீ.வித்யா. முருங்கைக் கீரை நவதானிய அடை செய்யும் முறையை விவரித்தார்.

தேவையானவை: பச்சரிசி - கால் கிலோ, கடலைப்பருப்பு, உளுத்தம்பருப்பு, கொண்டைக்கடலை, கறுப்பு சுண்டல் கடலை, காராமணி, பச்சைப்பயறு, துவரம்பருப்பு, பாசிப்பருப்பு - தலா 50 கிராம், சுத்தம் செய்து ஆய்ந்த முருங்கைக்கீரை - 2 கப், காய்ந்த மிளகாய் - 8, உப்பு - தேவையான அளவு.

பருப்பு அடை

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

செய்முறை: அரிசியுடன், காய்ந்த மிளகாய், பருப்பு, பயறு வகைகளைச் சேர்த்து 2 மணி நேரம் ஊறவைக்கவும். இதை மிக்ஸியில் தோசை மாவு பதத்துக்கு அரைத்துக்கொள்ளவும். மாவில் முருங்கைக்கீரை, உப்பு சேர்த்துக் கலக்கி தோசைக் கல்லில் அடையாக வார்த்து எடுக்கவும்.  

இந்த அடைக்குத் தொட்டுக்கொள்ளத் தக்காளி சட்னி அல்லது சின்ன வெங்காயச் சட்னி நன்றாக

பருப்பு அடை

இருக்கும்.

டயட்டீஷியன் குந்தலா ரவி:  

தானிய வகைகளில் கால்சியம், பாஸ்பரஸ், இரும்புச் சத்து, வைட்டமின் பி காம்ப்ளெக்ஸ், ரிபோஃபிளேவின் போன்ற சத்துக்கள் அதிகம் இருக்கின்றன. இவை வளரும் குழந்தைகளுக்கு ஏற்றவை. பயறு வகைகளை அதிகம் சேர்த்தால், சிலருக்கு வாயுத் தொல்லை வரலாம். ஜீரண சக்திக் குறைபாடு, வயிறு சம்பந்தப்பட்ட பிரச்னை உள்ளவர்கள் பயறு வகைகளைக் குறைவாகவும், முருங்கைக் கீரையை அதிகமாகவும் சேர்த்துக்கொள்ளலாம்.

எலும்புகள் உறுதி பெறும். நோய் எதிர்ப்பு சக்தி அதிகரிக்கும். உடலுக்கு வலு சேர்ப்பதுடன், கபம், பித்தத்தையும் குறைக்கும்.

படங்கள்: நா.வசந்தகுமார்

இதேபோல் உங்கள் வீட்டு உணவு அனுபவங்களை 'அம்மா ரெசிபி!’ பகுதிக்கு உங்கள் தொலைபேசி எண்ணுடன் உடனே எழுதி அனுப்புங்கள். கலக்கலான பரிசுகள் உண்டு

அனுப்பவேண்டிய முகவரி:

'அம்மா ரெசிபி’ டாக்டர் விகடன்,

757, அண்ணா சாலை, சென்னை  600 002.

மின்னஞ்சல்: doctor@vikatan.com