Published:Updated:

டாக்டர் எனக்கு ஒரு டவுட்டு?

டாக்டர் எனக்கு ஒரு டவுட்டு?

டாக்டர் எனக்கு ஒரு டவுட்டு?

டாக்டர் எனக்கு ஒரு டவுட்டு?

Published:Updated:
##~##

எளிமையான கீரையில் ஏராளமான சத்துகள் இருக்கின்றன. 'பப்பாய்’ என்ற புகழ்பெற்ற கார்ட்டூன் படத்தில்கூட குழந்தைகளுக்குக் கீரையின் நன்மையை உணர்த்த 'பசலைக்கீரை’தான் பாப்பாவுக்கு பலம் தருவதாகச் சித்திரிக்கப்பட்டு இருக்கும். இப்படி மகத்துவம் நிறைந்த கீரைகளை உட்கொள்வது பற்றிய பொதுவான சந்தேகங்களுக்குப் பதில் அளிக்கிறார் மருத்துவர் சுகந்தி. 

''பொதுவாக கீரையில் என்ன சத்துக்கள் உள்ளன?''  

ஒட்டுமொத்த விகடனுக்கும் ஒரே ஷார்ட்கட்!

''கீரைகளில் நார்ச் சத்துகள், வைட்டமின்கள் (கி,ஙி,சி,ரி), ஆன்டி ஆக்சிடென்ஸ், பல்வேறு தாது உப்புகள், இரும்புச் சத்து ஆகியவை அதிகம் உள்ளன.  வேக வைத்த கீரை நன்றாக ஆறிய பின், அதில் எலுமிச்சம் பழச்சாற்றைப் பிழிந்துவிடுங்கள்.  இதனால் கீரையில் உள்ள வைட்டமின் சி சத்து உடலில் கிரகிக்கும். தினமும் ஒரு கீரை உணவில் சேர்த்துக்கொள்வதன் மூலம் பல்வேறு நோய்கள் வராமல் நம்மைக் காத்துக்கொள்ளலாம்.''  

டாக்டர் எனக்கு ஒரு டவுட்டு?

''யாருக்கெல்லாம் கீரை மிகவும் அவசியம்?''

''கீரை அனைவருக்கும் தேவை. முக்கியமாக, குழந்தைகள், பெண்கள், கர்ப்பிணிகள், ரத்தசோகை உள்ளவர்கள் நிச்சயம் சாப்பிட வேண்டும்.  ரத்தசோகையைப் போக்குவதில் பசலைக்கீரைக்கும், முருங்கைக்கீரைக்கும் முக்கியப் பங்கு உண்டு.''  

''கீரையை அதிகம் சமைக்கலாமா?''  

''வெளியில் வாங்கும் கீரைகளில், அதிகமாக பூச்சிக்கொல்லி உரங்கள் பயன்படுத்தப்படுவதால், அதனை நன்றாக அலசிய பிறகே சமைக்க வேண்டும். அதிக வெப்ப நிலையில் அதிக நேரம் கீரையைச் சமைக்கக் கூடாது.  பசுமை மாறாமல், அதே சமயம் நன்றாக வெந்ததும் சாப்பிட வேண்டும். மண் சட்டி (அ) இரும்புச் சட்டியில் கீரையை சமைப்பதன் மூலம் சத்துகள் அப்படியே நம் உடலில் சேரும்.''

''இரவில் கீரை சாப்பிடக் கூடாது என்கிறார்களே, அது ஏன்?''

''கீரைகளில் அதிக நார்ச் சத்து உள்ளதால், அது ஜீரணமாக சற்று நேரம் ஆகும். இரவு நேரங்களில் அஜீரணப் பிரச்னைகள் வராமல் தடுக்க கீரையைத் தவிர்ப்பது நல்லது.''  

''எந்தெந்த கீரையை யார் எல்லாம் தவிர்க்கவேண்டும்?''

''முளைக்கீரை, பாலக்கீரைகளில் ஆக்ஸாலிக் ஆசிட் மற்றும் யூரிக் ஆசிட் இருப்பதால் சிறுநீரகப் பிரச்னை, கல் அடைப்பு, அலர்ஜி இருப்பவர்கள் தவிர்ப்பது நல்லது. உடல்ரீதியான பிரச்னை இருப்பவர்கள், மருத்துவரின் ஆலோசனைப் பெற்று சாப்பிடுவது நல்லது.  கீரை சாப்பிட்டவுடன் நிறையத் தண்ணீர் குடிக்கவேண்டும்.  

- சீ.து.அரவிந்த் குமார்