Published:Updated:

'காற்றில் பரவும் ரூபெல்லா வைரஸ்'

'காற்றில் பரவும் ரூபெல்லா வைரஸ்'

'காற்றில் பரவும் ரூபெல்லா வைரஸ்'

'காற்றில் பரவும் ரூபெல்லா வைரஸ்'

Published:Updated:
##~##

சுயநலமின்றி அன்போடும், ஆசையோடும் பழகக்கூடிய குழந்தைகளையும் முடக்கிப் போடக்கூடிய கோடிக்கணக்கான வைரஸ்கள் நம்மைச் சுற்றியே இருக்கின்றன. அவற்றில் முக்கியமானது ரூபெல்லா வைரஸ்! வளர்ந்த உலக நாடுகள் எட்டு வருடங்களுக்கு முன்னரே தடுப்பூசிகள் மூலம் 'ரூபெல்லா’ என்ற வைரஸ் தொற்றை முற்றிலுமாக ஒழித்துவிட்டனர். ஆனால், நாமோ தற்போதுதான் விழிப்புணர்வு கட்டத்தில் இருக்கிறோம். ரூபெல்லா வைரஸ் குறித்து புதுச்சேரியைச் சேர்ந்த குழந்தைகள் நல மருத்துவர் சந்தன் குமார் ஷாவைச் சந்தித்து பேசினோம். 

ரூபெல்லா வைரஸ் குழந்தைகளை எப்படித் தாக்குகிறது ?

ஒட்டுமொத்த விகடனுக்கும் ஒரே ஷார்ட்கட்!

'இது காற்றில் பரவும் தன்மை கொண்ட தொற்று நோய்க் கிருமி. நோய்த் தொற்றுள்ள குழந்தை பிற குழந்தைகளோடு நெருங்கி விளையாடும்போது, சுலபமாக அந்தக் குழந்தையின் உடலுக்குள் சென்றுவிடும். நோய் எதிர்ப்பு சக்தி குறைவாக உள்ள குழந்தையாக இருந்தால் உடனடியாக வைரஸ் அதன் வேலையை காட்ட ஆரம்பித்துவிடும்! பாதிக்கப்பட்ட குழந்தையின் சளியில்கூட ருபெல்லா வைரஸ் இருக்கும். குழந்தைகளை மட்டுமல்ல பெரியவர்களைக் கூட இது தாக்கும். ஆனால் பெரிய பாதிப்புகளை ஏற்படுத்தாது. கருவுற்ற பெண்களை 'ரூபெல்லா’ தாக்கும் போது அது கருவை பெரிய அளவில் பாதிப்படையச் செய்கிறது!'

'காற்றில் பரவும் ரூபெல்லா வைரஸ்'

இந்த வைரஸ் தொற்றின் அறிகுறிகள் என்ன?

'இந்த வைரஸால் பாதிக்கப்பட்ட குழந்தைக்கு முதலில் கடுமையான காய்ச்சல் ஏற்படும். பின்பு முகத்தில் சிவப்பு நிறப் புள்ளிகள் தோன்றும். 24 மணி நேரத்தில் அந்த புள்ளிகள் உடல் முழுவதும் பரவி கால்கள் வரை சென்றடையும். இவை அனைத்தும் நான்கு நாட்களில் சரியாகிவிடும். ரூபெல்லா வைரஸை 'நான்கு நாள் நோய்’ என்றும் மருத்துவர்கள் அழைப்பார்கள்.'  

ரூபெல்லா வைரஸால் கருவிலுள்ள குழந்தைகளுக்கு என்ன மாதிரியான பாதிப்புகள் ஏற்படும்?  

'காற்றில் பரவும் ரூபெல்லா வைரஸ்'

'பெண்கள் கருத்தரித்த முதல் 16 வாரங்களுக்குள் 'ரூபெல்லா வைரஸ்’ அவர்களைத் தாக்கினால் அது தாயைவிட கருவையே அதிகம் பாதிக்கும். வைரஸானது கருவின் முக்கிய உறுப்புகளை அடைந்து சேதப்படுத்த ஆரம்பிக்கும். இதயக் கோளாறு, கண் புரை, செவியின் கேட்கும் திறன் குறைபாடு, மூளைச்சிதைவு, நுரையீரல் மற்றும் சிறுநீரக பாதிப்பு என கருவில் உள்ள குழந்தையை முற்றிலுமாகச் சேதப்படுத்திவிடும். சில நேரங்களில் கரு கலைந்துவிட வாய்ப்புகள் அதிகம். அதையும் மீறி பிறக்கும் குழந்தை பல்திறன் குறைபாடுகளுடன் இருக்கும். 16 வாரங்களுக்கு மேல் ரூபெல்லா வைரசின் தாக்குதல் கருவை எந்த வகையிலும் பாதிக்காது.'

சிகிச்சை முறைகள் என்ன?

'ரூபெல்லா வைரஸ் தாக்குதலில் இருந்து குணப்படுத்த முடியாது. ஆனால், ஒருவருக்கு ஒருமுறை வந்துவிட்டால் மீண்டும் அவர்களுக்கு அந்நோய் வருவதற்கான வாய்ப்புகள் மிக மிகக் குறைவு. நான்கு நாட்கள் வரை இருந்துவிட்டுத் தானாகவே குணமாகிவிடுவதால் இதற்கு சிகிச்சை முறைகள் பெரியளவில் எதுவுமில்லை. இந்த நோய் காற்றில் வேகமாக பரவும் தன்மை கொண்டதால் பாதிக்கப்பட்டவரை தனி அறையில் வைப்பது சிறந்தது. வீட்டிலுள்ள மற்றவர்களும் சுகாதாரமாக இருப்பது அவசியம்.'

ரூபெல்லாவுக்கு தடுப்பூசிகள் உள்ளதா?

'இந்தியாவில் இதற்கான தடுப்பூசிகள் கிடைக்கின்றன. எம்.எம்.ஆர். என்று அழைக்கப்படும் இந்தத் தடுப்பூசிகள், 150 ரூபாய், 800 ரூபாய் என இரண்டு விலைகளில் கிடைக்கின்றன. குழந்தை பிறந்தவுடனே இவ்வகை தடுப்பூசிகள் போடப்படுகின்றன. குழந்தை பிறந்து 15 மாதங்களில் ஒரு தடுப்பூசியும், 5 வயதில் ஒரு தடுப்பூசியும் போட வேண்டும். ஆனால், ஒரு முறை தடுப்பூசி போட்டாலே அது காலத்துக்கும் ரூபெல்லா வராமல் தடுத்துவிடும். மேலும், அடுத்த தலைமுறையினரையும் இதன் மூலம் காக்கலாம்.'

நா.இளஅறவாழி,

படங்கள்: எஸ்.தேவராஜன்,

கேசவசுதன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism