அத்தனையும் தரும் அத்திப்பழம்...

##~## . ''ஆ ப்பிள், ஆரஞ்சு, சப்போட்டா, மாதுளை என ஒவ்வொரு பழத்தில் ஒவ்வொரு சத்து இருக்கும். ஆனால், ஒரே பழத்தில் உடலுக்குத் தேவையான சத்துக்கள் ஒருங்கிணைந்து கிடைக்கிறது என்றால், அது அத்திப்பழத்தில் மட்டும்தான். பாட்டி வைத்தியமுறையில் அத்திப்பழம் பல்வேறு நோய்களுக்கும் தீர்வு.'' - என்கிறார் விழுப்புரத்தைச் சேர்ந்த உணவியல் நிபுணர் ஜோதி.

. 'கால்சியம், புரதம், கலோரி என தினசரி உழைப்புக்குத் தேவையான சத்துக்கள் அத்திப் பழத்தில் அதிகம் உள்ளன. குறிப்பிட்ட நோய்க்கு மட்டுமே அத்திப் பழம் தீர்வு என்றெல்லாம் கிடையாது. உயர் ரத்த அழுத்தம் உள்ளவர்கள், சர்க்கரை நோய் உள்ளவர்கள், எலும்பு உறுதியில்லாதவர்கள், உடல் எடையைக் குறைக்க நினைப்பவர்கள் என அனைவரும் சாப்பிடலாம். அத்திப் பழத்தை ஃப்ரெஷ்ஷாகவும் சாப்பிடலாம், உலர்படுத்தியும் சாப்பிடலாம். உலர் பழத்தில்தான் அதிகச் சத்து உள்ளது. பொரியல் செய்வதுபோல பொரித்தும் சாப்பிடலாம், வேகவைத்தும் சாப்பிடலாம். சிலர், உலர் அத்திப் பழத்தை அரைத்து, பாலில் கலந்து குடிப்பார்கள். எப்படிச் சாப்பிட்டாலும் அத்திப் பழம் நமது உடலுக்கு நன்மைகளைத் தரும்'' என்கிற ஜோதி, அத்திப் பழத்தின் பலன்களைப் பட்டியலிடுகிறார்.

. ''இப்போதுள்ள ஃபாஸ்ட்ஃபுட் கலாசாரத்தில் சுவை அதிகம் வேண்டும் என்பதற்காக அதிக அளவில் உப்பு சேர்க்கப்படுகிறது. அதிக உப்பினால் ஏற்படும் உயர் ரத்த அழுத்த நோயில் இருந்து, அத்திப் பழத்தில் உள்ள பொட்டாஷியம் காப்பாற்றுகிறது.

. நாள் ஒன்றுக்கு மனிதனுக்குத் தேவைப்படும் 20-30 கிராம் நார்ச் சத்தில், 1.6 கிராம் நார்ச் சத்து, இரண்டு அத்திப் பழங்களைச் சாப்பிட்டாலே கிடைத்துவிடும். சீக்கிரமாக செரிமானம் அடையக்கூடிய தன்மையும் இதில் உண்டு.

. இதில் உள்ள கால்சியம், எலும்புகளையும் பற்களையும் உறுதியாக்கும். மேலும் இரும்புச் சத்து ரத்த உற்பத்தியை அதிகப்படுத்தும்.

. வைட்டமின் 'ஈ’ முதியவர்களுக்கு ஏற்படும் பார்வைக் குறைபாடு நோயில் இருந்து காப்பாற்றும்.

. அத்திப் பழ விதையில் உள்ள துத்தநாகம், தாமிரம் போன்ற தாது உப்புக்கள் வெண்புள்ளி, தோல் நிறமாற்றம் போன்ற நோய்களைக் குணமாக்க உதவும்.

. கல்லீரல் வீக்கம், ஆண்மைக் குறைவு, மலச்சிக்கல், மாதவிடாய்ப் பிரச்னைகள், அத்திப்பழத்தைத் தொடர்ந்து சாப்பிட்டுவந்தால், விரைவிலேயே சரியாகிவிடும்.

. உலர் அத்திப் பழங்களை வினிகரில் ஒரு வாரம் ஊறவைத்து தினமும் சாப்பிட்டால், மது போன்ற போதைப் பழக்கத்தில் இருந்து மீண்டுவரலாம்.

. இதில் உள்ள சோடியம், கெட்ட நீரை வெளியேற்றிவிடும். இதனால் வயிற்றுவலியிலிருந்து தப்பிக்கலாம்.

. - ஆ.நந்தகுமார்

. படங்கள்: தே.சிலம்பரசன், ஜெ.பி.ரினி

. வரலாறு...

. எகிப்து நாட்டில் முதன்முதலில் விளைவிக்கப்பட்ட இந்தப் பழம், பைபிளில் இடம் பெற்ற பெருமைக்கு உரியது. மிகவும் சக்தி வாய்ந்த பழமாகக் கருதப்படுகிறது. ராணி கிளியோபாட்ராவுக்கு மிகவும் பிடித்த பழம் இது.

அத்தனையும் தரும் அத்திப்பழம்...

Vikatan Correspondent