Published:Updated:

நலம், நலம் அறிய ஆவல்!

நலம், நலம் அறிய ஆவல்!

நலம், நலம் அறிய ஆவல்!

'பொதுவாக சிறுநீரகம், துப்புரவுத் தொழிலை மட்டுமே பார்ப்பது இல்லை. எரித்ரோபுரோடீன் (இ.பி.ஓ.) உள்ளிட்ட சில ஹார்மோன்களை சுரக்கிறது. இந்த இ.பி.ஓ.தான் எலும்பு மஜ்ஜைக்கு சென்று ரத்த சிவப்பு அணுக்கள் உற்பத்தியைத் தூண்டுகிறது. இதேபோன்று நம் உடலில் நீரின் அளவைக் கட்டுக்குள் வைத்திருக்கவும், தேவையான சத்துக்கள் வெளியேறாமல் தடுக்கவும், அளவுக்கு அதிகமாகும்போது அதை வெளியேற்றவும், எலும்பு உறுதியாக இருக்கவும் துணைபுரிகிறது. ஆனால், அதன் உன்னதமான பணிகளைப் புரிந்துகொள்ளாமல் அதைக் கெடுத்துக்கொள்கிறோம்' என்கிற சிறுநீரகவியல் மருத்துவர் வி.சந்திரசேகரன், சிறுநீரகத்தில் ஏற்படும் பாதிப்புகள், தவிர்க்கும் வழிமுறைகள் பற்றி கூறுகிறார்.

நலம், நலம் அறிய ஆவல்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

'சிறுநீரகப் பாதிப்பு ஏற்படுவதற்கு ஆயிரம் காரணங்கள் உள்ளன. இதை அக்யூட் (உடனடி) காரணங்கள், க்ரானிக் (நீண்ட காலம்) காரணங்கள் என்று இரண்டாகப் பிரிக்கலாம். தலைவலி, காய்ச்சலுக்காக, மருந்துக் கடைக்கு சென்று சுயமாக மாத்திரை மருந்து வாங்கிப் பயன்படுத்துவது, வயிற்றுப்போக்கு காரணமாக உடலில் நீர் இழப்பு ஏற்படுவது, குழந்தைகளுக்கு ஒருவித சருமப் பாதிப்பு, தொண்டை நோய்த் தொற்று காரணமாகவும்கூட உடனடி சிறுநீரக பாதிப்பு ஏற்படுகிறது. உயர் ரத்த அழுத்தம், சர்க்கரை நோய், சிறுநீரக நுண்வடிகட்டிகளில் வீக்கம், சிறுநீரக நீர்க் கட்டிகள், மரபியல், சிறுநீர்ப்பாதை நோய்த் தொற்று காரணமாக க்ரானிக் சிறுநீரகப் பாதிப்பு ஏற்படுகிறது. அதிலும் குறிப்பாக, சர்க்கரை நோயால் பாதிக்கப்பட்டவர்கள்தான், சிறுநீரகம் பாதிக்கப்பட்டு எங்களிடம் வருகின்றனர்.

சர்க்கரை நோய் கண்டறியப்பட்ட உடனேயே சிறுநீரகப் பரிசோதனை செய்துகொள்வதன் மூலம் இந்த பாதிப்பில் இருந்து தப்பலாம். பொதுவாக மேலே சொன்ன பிரச்னை உள்ளவர்கள், 40 வயதைக் கடந்தவர்கள் ஆண்டுக்கு ஒரு முறையாவது மாஸ்டர் ஹெல்த் செக்அப் செய்துகொள்ள வேண்டும். குறிப்பிட்ட கால இடைவெளியில் சிறுநீர் மற்றும் ரத்த பரிசோதனை செய்து அதில் யூரியா, கிரியாட்டின் மற்றும் சில தாது உப்புக்கள் அளவு எவ்வளவு உள்ளன என்று தெரிந்துகொள்ள வேண்டும். இந்த எளிய ரத்தம் மற்றும் சிறுநீர் பரிசோதனைக்குப் பெரிய அளவில் பணம் செலவாகாது. இதனால், எதிர்காலத்தில் மிகப் பெரிய பாதிப்பில் இருந்து தப்பிப்பதுடன், லட்சக்கணக்கில் செலவு செய்வதையும் தவிர்க்க முடியும்' என்ற டாக்டர், சிறுநீரகத்தைப் பாதுகாக்க உதவும் எட்டு பொன் விதிகளைப் பட்டியலிட்டார்.

'ஆரோக்கியமான உடல்நிலை, ரத்தத்தில் சர்க்கரை அளவைக் கட்டுக்குள் வைத்திருப்பது, ரத்த அழுத்தத்தைக் கட்டுக்குள் வைத்திருப்பது, ஆரோக்கியமான உணவுப் பழக்கவழக்கத்தைப் பின்பற்றுவது, போதுமான அளவு நீர் எடுத்துக்கொள்வது, புகைப் பழக்கத்தைக் கைவிடுவது, சுய மருத்துவத்தைத் தவிர்ப்பது, குறிப்பிட்ட கால இடைவெளியில் சிறுநீரகப் பரிசோதனை செய்துகொள்வது என்ற இந்த எட்டு விஷயங்களைத் தவறாமல் பின்பற்றினாலேபோதும், சிறுநீரகப் பாதிப்பு மட்டுமல்ல, எந்த உடல்நலப் பாதிப்பும் இன்றி ஆரோக்கியமாக வாழலாம்' என்கிறார் டாக்டர் சந்திரசேகரன்.

- பா.பிரவீன் குமார்

படம்: எம்.உசேன்

நலம், நலம் அறிய ஆவல்!