Published:Updated:

புதுப்பித்தால் தப்பிக்கலாம்!

புதுப்பித்தால் தப்பிக்கலாம்!

புதுப்பித்தால் தப்பிக்கலாம்!

புதுப்பித்தால் தப்பிக்கலாம்!

Published:Updated:
புதுப்பித்தால் தப்பிக்கலாம்!
##~##

னிதன் தொடர்ந்து தன்னைப்  புதுப்பித்துக்கொண்டே இருந்தால்தான் அவனது உடல்நலம் நன்றாக இருக்கும். உடல்நலத்துக்காக நாம் எடுக்கும் பாலிசிக்கும் இந்த உண்மை பொருந்தும்.   

ஒட்டுமொத்த விகடனுக்கும் ஒரே ஷார்ட்கட்!

பாலிசி எடுப்பதைவிட மிக முக்கியம், எடுத்த பாலிசியை வருடா வருடம் தொடர்ந்து புதுப்பிப்பது.

கடந்த 2009-ம் ஆண்டுக்கு முன்பு வரை, ஹெல்த் பாலிசியை கெடு தேதிக்குள் புதுப்பிக்கத் தவறினால், பாலிசி அத்தோடு முடிந்துவிடும். சரியான தேதியில் புதுப்பிக்கப்படாமல், நிறைய பாலிசிகள் காலாவதி ஆவதைக் கவனித்த காப்பீடு ஒழுங்குமுறை ஆணையம் (ஐ.ஆர்.டி.ஏ) விதிமுறைகளைக் கொஞ்சம்

புதுப்பித்தால் தப்பிக்கலாம்!

தளர்த்தியது. 'பாலிசியைப் புதுப்பிக்கும் தேதியை நினைவில் வைத்துக்கொள்வது கடினம் என்பதால், கூடுதலாக 15 நாட்கள் கால அவகாசம் வழங்கப்படும்’ என்று 2009ல் ஐ.ஆர்.டி.ஏ. அறிவித்தது. இந்த 15 நாட்கள் அவகாசம் முடிந்த பிறகும் பாலிசியைப் புதுப்பிக்கத் தவறினால், உடனடியாக அந்த பாலிசி காலாவதியாகிவிடும்.

'எப்போது பாலிசியைப் புதுப்பிக்க வேண்டும் - என்பதை என் ஏஜென்ட் நினைவுபடுத்தவில்லை. சம்பந்தப்பட்ட இன்ஷூரன்ஸ் நிறுவனத்திடம் இருந்து நினைவூட்டல் கடிதம் வரவில்லை’ என்பது போன்ற சமாதானங்களை ஏற்றுக்கொள்ள மாட்டார்கள்.

சரியான தேதிக்குள் பாலிசியைப் புதுப்பிக்கவில்லை என்றால், முடிந்தது முடிந்ததுதான். 'சரி, மீண்டும் புதிதாக ஒரு ஹெல்த் பாலிசி எடுத்துவிட்டால் போயிற்று. இதில் என்ன பிரச்னை?’ என்று கேட்கத் தோன்றும். ஆனால், ஏற்கெனவே இருக்கும் பாலிசியைப் புதுப்பிக்காமல் விட்டுவிட்டு இப்போது புதிய பாலிசி எடுப்பதால், நாம் இழக்கும் சலுகைகள் ஏராளம்.

ஏற்கெனவே இருக்கும் நோய்களுக்கான க்ளைம்

ஒரு பாலிசியில் மூன்று வருடங்கள் தொடர்ந்து இருந்தால் மட்டுமே ஏற்கெனவே உள்ள சில நோய்களுக்கான சிகிச்சைகளுக்கு க்ளைம் கிடைக்கும். (மூன்று ஆண்டு என்ற கால வரம்பு ஒவ்வொரு இன்ஷூரன்ஸ் நிறுவனத்துக்கும் ஏற்றவாறு கூடவோ குறையவோ செய்யும்). பாலிசியைப் புதுப்பிக்கவில்லை என்றால், இந்த சலுகையை நாம் பெற முடியாது. உதாரணத்துக்கு குறிப்பிட்ட ஒரு நோயினால் பாதிக்கப்பட்டு இருக்கிறோம் என்பது தெரிந்து, அதற்காக ஒரு பாலிசி எடுக்கிறோம். இரண்டு வருடங்கள் தொடர்ந்து கட்டிவிட்டு, மூன்றாவது வருடம் கட்டத் தவறி புது பாலிசி

புதுப்பித்தால் தப்பிக்கலாம்!

எடுக்கும்பட்சத்தில், இன்னும் ஒரு மூன்று வருடங்கள் பாலிசியைத் தொடர்ந்தால் மட்டுமே அந்த நோய்க்கான க்ளைம் பெறமுடியும்.

சிறப்பு சலுகைகள்!

பாலிசி எடுத்த வருடம் முழுவதும் க்ளைம் ஏதும் வாங்கவில்லை எனில், சில இன்ஷூரன்ஸ் நிறுவனங்கள் சிறப்பு சலுகைகள் கொடுக்கின்றன. சில நிறுவனங்கள் உங்கள் பாலிசி தொகையினை ஓரளவு அதிகப்படுத்தும். சில நிறுவனங்கள் நீங்கள் செலுத்தும் பிரீமியம் தொகையினை ஓரளவுக்குக்  குறைக்கும். இந்தச் சலுகைகள் நிறுவனத்துக்கு நிறுவனம் மாறுபடும்.

காத்திருக்கும் காலம்

புதிதாக எந்த ஒரு பாலிசி எடுத்தாலும் 30 முதல் 90 நாட்களுக்கு க்ளைம் பெற முடியாது. ஆனால், எதிர்பாராமல் நடக்கும் விபத்துக்கு க்ளைம் கிடைக்கும். சில நோய்களுக்கு முதல் வருடத்தில் மட்டும் க்ளைம் பெற முடியாது.

   இலவச மருத்துவப் பரிசோதனை

தொடர்ந்து பாலிசியைப் புதுப்பித்தும், அந்தந்த வருடங்களில் க்ளைம் ஏதும் பெறாத நபர்களுக்கு சில நிறுவனங்கள் இலவச மருத்துவப் பரிசோதனை வசதியைச் செய்துதருவது இங்கே குறிப்பிடத்தக்கது. தொடர்ந்து பிரீமியம் செலுத்துவதால் இவ்வளவு நன்மைகள் இருக்கும்போது, குறைந்தபட்சம் சலுகை காலத்திலாவது பிரீமியத்தை செலுத்துவது நல்லது.

க்ளைம் வாங்குவது எப்படி?  

- அடுத்த இதழில்.

மொபைல் எண் போல மாறலாம்!

ஒரு இன்ஷூரன்ஸ் நிறுவனத்தின் சேவை மற்றும் இதர விஷயங்கள் உங்களுக்குப் பிடிக்காமல் இருக்கலாம். ஆனால் இன்ஷூரன்ஸ் கம்பெனியை மாற்றும் பட்சத்தில் பல சலுகைகளை இழக்க வேண்டி இருக்கும் என்பதால், வேறு வழி இல்லாமல் அதே நிறுவனத்தில் தொடர நேரும். இனி அது தேவை இல்லை. நீங்கள் பாலிசி வைத்திருக்கும் இன்ஷூரன்ஸ் கம்பெனி பிடிக்கவில்லை என்றால், வேறு இன்ஷூரன்ஸ் கம்பெனிக்கு மாறிக்கொள்ளலாம். இன்ஷூரன்ஸ் ஒழுங்குமுறை ஆணையத்தின் சட்டப்படி பாலிசி முடிவடைவதற்கு           45 நாட்களுக்கு முன்பு வரையிலும் எந்த இன்ஷூரன்ஸ் கம்பெனிக்கு மாற விரும்புகிறீர்களோ, அந்த நிறுவனத்துக்கு விண்ணப்பம் கொடுக்கலாம் புதிய நிறுவனம் உங்களது விண்ணப்பத்தை நிராகரிக்கக் கூட செய்யலாம். ஆனால் 15 நாட்களுக்குள் இந்தத் தகவலை இன்ஷூரன்ஸ் நிறுவனம் உங்களுக்குத் தெரிவித்தாக வேண்டும். அப்படி ஒரு தகவல்  உங்களுக்கு வராவிட்டால், உங்கள் விண்ணப்பம் ஏற்றுக்கொள்ளப்பட்டதாக அர்த்தம்.

இனி ஏன் சலுகைகளை இழக்க வேண்டும்!