Published:Updated:

கற்றுக்கொள்ள வேண்டிய படிப்பினைகள்!

கற்றுக்கொள்ள வேண்டிய படிப்பினைகள்!

கற்றுக்கொள்ள வேண்டிய படிப்பினைகள்!

கற்றுக்கொள்ள வேண்டிய படிப்பினைகள்!

Published:Updated:
கற்றுக்கொள்ள வேண்டிய படிப்பினைகள்!

டாக்டர் விகடன் முதல் இதழுக்கு ஏகோபித்த வரவேற்பு. இதழ் வெளியாகும் முன்னரே கடைக்காரர்களிடம் சொல்லிவைத்து, வெளியான வேகத்திலேயே வாங்கிச் சென்ற வாசகர்களின் ஆர்வத்துக்கும் ஆதரவுக்கும் எங்கள் அன்பும் நன்றியும்!  

'அட்டையில் இடம்பெற்றிருந்த அழகுக் குழந்தையைப் போல முதல் இதழ் முழுவதுமே முகம் மலரவைத்தது’ என ஏகப்பட்ட கடிதங்கள், தொலைபேசி அழைப்புகள், குறுஞ்செய்திகள், மின் அஞ்சல்கள்... 'நோய்களைப் பற்றி பயமுறுத்தாமல், வரும் முன் காப்போம் என அன்பால் அரவணைக்கும் தாயைப் போல் டாக்டர் விகடன் தைரியம் வார்க்கிறது’ என்று பலரும் பாராட்டி இருக்கிறீர்கள். மகிழ்கிறோம்; நெகிழ்கிறோம்!

ஒட்டுமொத்த விகடனுக்கும் ஒரே ஷார்ட்கட்!

'அகம் - புறம் - சுகம்’ நாடும் அனைவருக்கும் தேவைப்படும் அத்தனை மருத்துவத் தகவல்களையும் வழிகாட்டுதல்களையும் எளிமையான நடையில், தகுதியும் அனுபவமும் அர்ப்பணிப்புக் குணமும் நிறைந்த மருத்துவர்களிடம் இருந்து பெற்றுக்கொடுப்பதே டாக்டர் விகடனின் பிரதான பணி. உயிர் காக்கும் மருத்துவர்கள் - உடல் நலம் நாடும் மக்கள் இருவருக்கும் இடையில் ஆரோக்கியமான உறவுப் பாலத்தைப் பலப்படுத்துவதே டாக்டர் விகடனின் பிரதான நோக்கம்.

அந்த வகையில், தூத்துக்குடியைச் சேர்ந்த கர்ப்பிணி ஒருவருக்கு நேர்ந்த பரிதாபமான முடிவையும்... அதையடுத்து நடந்த சோக நிகழ்வுகளையும்... இதுவரை இல்லாத அளவுக்கு மருத்துவர்கள் வீதிக்கு வந்து போராடியதையும் டாக்டர் விகடன் கவலையோடும் அக்கறையோடும் கூர்ந்து கவனித்தது.

இதுபோன்ற விரும்பத்தகாத நிகழ்வுகள் இனி ஒருபோதும் தமிழகத்தில் நடக்கக் கூடாது என்றால், என்ன மாதிரியான நடவடிக்கைகளை மேற்கொள்ள வேண்டும்?  டாக்டர் விகடன் இந்த இதழில் இது குறித்து விரிவாக அலசி இருக்கிறது.  தனியார் மருத்துவமனைகள் தொடங்கி அரசு இயந்திரம் வரை, நோயாளிகள் முதல்   மருத்துவர்கள் வரை, இந்தச் சம்பவத்தில் எல்லோருக்குமே கற்றுக்கொள்ள பல படிப்பினைகள் இருக்கின்றன. டாக்டர் விகடன் அவை ஒவ்வொன்றையும் சுட்டிக்காட்டி இருக்கிறது.

இப்போது நம் சமூகத்தில் பெரிய அளவில் அதிகரித்துவரும் இளஞ்சிறுமிகள் பூப்படையும் பிரச்னை குறித்து இந்த இதழில் விரிவான ஒரு கட்டுரை இடம்பெற்றிருக்கிறது. ஏழெட்டு வயதாக இருக்கும்போதே பூப்பெய்திவிடும் சிறுமிகளின் எண்ணிக்கை நாளுக்கு நாள் அதிகமாகிக்கொண்டே இருப்பது ஏன்? இது உடல் மற்றும் மன ரீதியாக அவர்களை எந்தெந்த வகைகளில் எல்லாம் பாதிக்கும்? பக்குவமாக அவர்களைப் பாதுகாப்பது எப்படி? டாக்டர் விகடன் வழிகாட்டுகிறது.  

டாக்டர் விகடன்... பக்கத்துக்குப் பக்கம் நலம் காக்கும் ஓர் இயக்கம். வாசியுங்கள்... நேசியுங்கள்... அன்போடும் அக்கறையோடும் உங்கள் கருத்துகளையும் எங்களோடு பகிர்ந்துகொள்ளுங்கள்!

என்றும் அன்புடன்

ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism