Published:Updated:

காலையில் ஆபரேஷன்! மாலையில் வீடு!

காலையில் ஆபரேஷன்! மாலையில் வீடு!

காலையில் ஆபரேஷன்! மாலையில் வீடு!

காலையில் ஆபரேஷன்! மாலையில் வீடு!

Published:Updated:
##~##

பொதுவாக அறுவைசிகிச்சை என்று மருத்துவமனைக்குப் போனால், மூன்று  நாட்கள் முதல் ஒரு வாரம் வரையாவது அட்மிட் செய்துவிடுவார்கள். அறை வாடகை உள்ளிட்ட பல செலவுகளையும் நோயாளி எதிர்கொள்ள நேரிடும். குடும்ப உறுப்பினர் ஒருவர் கூடவே தங்கி அவஸ்தைப்படவும் நேரிடும். அதிக நாட்கள் மருத்துவமனையில் இருப்பதால், நோய்த் தொற்றுக்கான வாய்ப்புகளும் அதிகம். இவற்றுக்கெல்லாம் தீர்வுதான் டே-கேர் சர்ஜரி. (Day-care surgery).

 இந்தப் புதிய முறையில் அறுவைசெய்துகொள்ள வேண்டிய நோயாளி மருத்துவரைச் சந்தித்துத் தேவையான பரிசோதனைகளைச் செய்துகொள்வார். அவரது நோயின் தன்மை, அறுவைசிகிச்சைக்கு

ஒட்டுமொத்த விகடனுக்கும் ஒரே ஷார்ட்கட்!

காலையில் ஆபரேஷன்! மாலையில் வீடு!

அவரது உடல் தயாராக இருக்கிறதா என்பன போன்ற விவரங்கள் ஆய்வு செய்யப்படும். புறநோயாளியாகவே அவர் இந்தப் பரிசோதனைகளைச் செய்துகொள்ளலாம்.

அறுவைசிகிச்சைக்கு நாள் குறிக்கப்படும், அன்றைய தினம் அதிகாலையில் அவர் மருத்துவமனைக்கு வந்தால் போதும். மருத்துவர், மயக்க மருந்து தரும் நிபுணர், உதவியாளர்கள் என அனைவரும் ஆபரேஷன் தியேட்டரில் தயாராக இருப்பார்கள்.  

காலை ஏழு மணிக்கு அறுவை சிகிச்சை நடக்கிறது என்றால், பிற்பகல் வீட்டுக்குச் சென்று விடலாம். அதன் பிறகு  ஒரு வாரம் கழித்து மருத்துவமனைக்கு வந்து ஆலோசனையைப் பெற்றால் போதும்.

பித்தப் பை நீக்கம், ஃபைப்ராய்டு கட்டிகள் நீக்கம், மூலம், ஃபிஸ்டுலா, ஃபிஷ்ஷர், ஹெர்னியா, விரைவீக்கம், வெரிகோசீல், வயிற்றிலேயே நின்றுவிடுகிற விதையை விதைப்பையில் நிலை நிறுத்துவது, விதையை நீக்குதல், குடல்வால் அகற்றுதல், சுன்னத் போன்றவற்றுக்கான அறுவைசிகிச்சைகள் டே-கேர் சர்ஜரி மூலம் செய்யப்படுகின்றன.  லேப்ராஸ்கோப்பி மூலம் செய்யப்படும் அறுவைசிகிச்சைகளில் பெரிய கட்டிகளை மெல்லியத் துளைகளின் வழியே கரைத்து அப்புறப்படுத்தப்படுகின்றன. வலியோ தழும்போ அதிக அளவில் இருக்காது என்பதும் இதன் சிறப்பு என்னவெனில், அறுவைசிகிச்சை செய்து கொண்டதை மற்றவர்களுக்கு வெளியில் சொல்ல விரும்பாதவர்கள், காலையில் அறுவைசிகிச்சை செய்துகொண்டு மாலையில் வீட்டுக்குப் போவது என்பது மிகவும் வசதியாக இருக்கும்.

வெளிநாடுகளில் பிரபலமான டே-கேர் சர்ஜரிக்கு இப்போது சென்னையின் பிரபல மருத்துவமனைகளில் நல்ல வரவேற்பு.

- லதானந்த்