இளைஞர்கள் பலரை தர்மசங்கடத்துக்குள்ளாக்கும் ஒரு விஷயம், இளநரை. இருபதுகளின் தொடக்கத்தில் இருக்கும் ஒருவரை முப்பதைத்தாண்டிய மனிதரைப்போல காட்சியளிக்க வைக்கிறது இந்த இளநரை. இன்று சரிபாதிக்கும் மேற்பட்டோரை இளநரை பாதித்திருக்கிறது. இளைஞர்களை அழகு என்ற வரைமுறைக்குள் கொண்டு வரும் இரண்டு விஷயங்களில் ஒன்று முகத்தோற்றம், மற்றொன்று தலைமுடி. அதில் சிக்கல் வரும்போது, மனதளவில் அவர்கள் துவண்டுபோக வாய்ப்புள்ளது என்கின்றன சில ஆய்வுகள். இதுஒருபுறமிருக்க, இளநரை ஏற்பட மனஅழுத்தமே காரணம் என்கிறது மருத்துவம்.

இதேமாதிரி வாசகர்கள் கேட்ட கேள்விகளின் அடிப்படையில் எழுதப்பட்ட சிறப்புக் கட்டுரைகளை வாசிக்க... இங்கே க்ளிக் செய்யவும்

சில நேரங்களில், வயது காரணமாகக்கூட நரை ஏற்பட்டிருக்கலாம். ஆனால், அதை சிலர் இளநரை என்று தவறாகப் புரிந்து கொள்வர். அதுபோன்ற நேரத்தில், மருத்துவர் ஆலோசனையில்லாமல் சுயமருத்துவத்தைப் பின்பற்றுவர். இதைத் தவிர்த்து ரத்தப் பரிசோதனை மூலம் இளநரையின் சரியான பின்னணியைக் கண்டறியவேண்டும்.

மரபுகாரணமாக இருந்தால், அதைச் சரிசெய்வது இயலாத காரியம். அப்படிப்பட்டவர்கள், சரும மருத்துவரின் பரிந்துரையின்பேரில் சாயம் உபயோகப்படுத்த வேண்டியிருக்கும். ஊட்டச்சத்துக் குறைபாடுதான் காரணம் என்றால், எந்தச் சத்து என்பதைக் கண்டறிந்து அதற்கேற்ப மருந்து, மாத்திரைகள் பரிந்துரைக்கப்படும்" என்றார்.

* தலைமுடிக்குத் தினமும் எண்ணெய் வைத்துப் பராமரித்தால், இளநரையை எளிதில் தடுக்கலாம். இதன்மூலம் தலை வழுக்கையாவதையும் தடுக்கலாம். தலைமுடியின் அடர்த்தியை உறுதிசெய்ய முடியும். செக்கில் ஆட்டி எடுக்கப்பட்ட தூய்மையான தேங்காய் எண்ணெயைப் பயன்படுத்துவது இதற்குப் போதுமானது என்பதால், காற்று மாசுபாடு நிறைந்த பகுதியில் இருப்பவர்கள் அனைவரும் இதைப் பின்பற்றலாம்.

இதேமாதிரி உங்களுக்குத் தோணும் கேள்விகள், சந்தேகங்களை கீழே பதிவு செய்யுங்க!

* இளநரை பிரச்னை உள்ளவர்களை கவனித்தால், அவர்களது உணவில் உடல் உஷ்ணத்தை அதிகரிக்கும் உணவுகள் அதிகம் இருப்பதைக் காணலாம். அதேபோல அவர்கள், தேவையான அளவு பழங்கள் மற்றும் காய்கறிகளை எடுத்துக் கொள்ளாமல் இருப்பார்கள். எனவே இதுபோன்ற பழக்கங்களை இவர்கள் மாற்றி அமைத்துக் கொள்ள வேண்டும். செரிமானப் பிரச்னைகள், மலச்சிக்கலைத் ஏற்படுத்தாத உணவுகளை எடுத்துக்கொள்ள வேண்டும்.

* தினமும் வெள்ளை கரிசலாங்கண்ணி கீரைச் சாற்றை எடுத்து சமஅளவு தேங்காய் எண்ணெய் சேர்த்து, அதைக் கொதிக்கவைத்து தலைக்குத் தேய்த்துவருவது நல்ல பலன் தரும். எண்ணெய் தயாரிக்கும்போது, குறிப்பிட்ட இலையின் சாறு முழுவதும் ஆவியாகும்வரை கொதிக்கவிட வேண்டும். கரிசலாங்கண்ணிக்குப் பதில் மருதோன்றியின் இலை, கறிவேப்பிலையை உபயோகப்படுத்தலாம்.

* ஆயுர்வேத மருத்துவத்தில், எண்ணெய் மட்டுமன்றி மருந்து வகைகளும் உண்டு. ஏனென்றால் எந்தவொரு பிரச்னைக்கும் புறக்காரணிகள் இருப்பதுபோல அகக் காரணிகளும் இருக்கும். அவற்றையும் நாம் சரிசெய்துகொள்ள வேண்டும். அதற்காகத்தான் மருந்துகள் தரப்படுகின்றன. அந்த வகையில், ஆயுர்வேத மருத்துவரின் பரிந்துரைக்குப் பிறகு இரும்புச்சத்து நிறைந்த லோகம் என்ற மருந்து, நெல்லிக்காய், அகசி போன்ற ரசாயனங்கள் சேர்க்கப்பட்ட மருந்துகளைச் சாப்பிட்டு வரவேண்டும்.

* உணவில் கடுக்காய், சுண்டைக்காய், நெல்லிக்காய் போன்றவற்றைச் சேர்த்துக்கொள்ளலாம்

இவை அனைத்தையும் விட முக்கியமானது மனஅழுத்தம் இல்லாத, காற்று மாசுபாடில்லாத, மகிழ்ச்சி மற்றும் நிறைவான வாழ்க்கையை மேற்கொள்ள வேண்டியது அவசியம்.

இளநரை பிரச்னை உள்ள பலரும், தலைமுடிக்கு சாயம் உபயோகப்படுத்துவது மட்டுமே தீர்வு என்று நினைத்துக் கொள்கின்றனர். சரியாகச் சொல்ல வேண்டுமென்றால், அது தீர்வே தராது" என்கிறார் அவர்.