பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம்.

``உங்களுக்கு எடுக்கப்பட்ட சிடி ஸ்கேன், கபாலக்குழி எனப்படும் `க்ரேனியல் கேவிட்டி' பகுதியில் ஏதேனும் ப்ளீடிங் இருக்கிறதா என்பதைத் தெரிந்துகொள்வதற்கானதாகவே இருக்கும். அது ரத்தக்கட்டைக் கண்டுபிடிப்பதற்காகச் செய்யப்படுவதில்லை. சாதாரண அஜீரணத்தில் தொடங்கி, ரத்த அழுத்த மாறுபாடு வரை தலைச்சுற்றலும் வாந்தியும் ஏற்பட ஏராளமான காரணங்கள் இருக்கக்கூடும். உங்கள் விஷயத்தில் சி.டி ஸ்கேன் செய்த அடுத்த 3 மணி நேரத்தில் எம்.ஆர்.ஐ-யும் எடுக்கப்பட்டிருக்கிறது. எம்.ஆர்.ஐ என்பது உங்களுடைய பிரச்னைகளைத் துல்லியமாகக் காட்டும்.