Published:Updated:

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!
பிரீமியம் ஸ்டோரி
கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

கிச்சன் பேஸிக்ஸ் - சப்பாத்திவிசாலாட்சி இளையபெருமாள், படங்கள் & வீடியோ: லக்ஷ்மி வெங்கடேஷ்

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

கிச்சன் பேஸிக்ஸ் - சப்பாத்திவிசாலாட்சி இளையபெருமாள், படங்கள் & வீடியோ: லக்ஷ்மி வெங்கடேஷ்

Published:Updated:
கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!
பிரீமியம் ஸ்டோரி
கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

தினம்தோறும் நம் சமையலில் முடிந்த வரை காய்கறிகள் மற்றும் கீரைகளைச் சேர்க்க முயல்கிறோம். இருப்பினும் குழந்தைகளைத் தினமும் கீரை மற்றும் காய்கறிகள் சாப்பிட வைப்பது அவ்வளவு எளிதல்ல. இவற்றைச் சப்பாத்தியுடன் சேர்த்துக் கொடுப்பதன் மூலம் குழந்தைகள் முதல் பெரியவர்களின் மனதைக் கவர்வதோடு மட்டுமல்லாமல், உடம்புக்கும் ஆரோக்கியத்தை அளிக்க முடியும்.

கோதுமையுடன் காய்கறிகள், கீரைகள், சோயா, ஓட்ஸ் சேர்த்துச் செய்யும் சப்பாத்திகள் உடல் எடையைக் குறைக்க உதவுவதோடு, நீரிழிவு உள்ளவர்களுக்குச் சர்க்கரையின் அளவைக் கட்டுப்பாட்டினுள் வைக்கவும் உதவுகின்றன. மேலும், வளரும் குழந்தைகளுக்கு மிகவும் சிறந்தவை. இவற்றில் புரதம், நார்ச்சத்து, இரும்புச்சத்து இருப்பதுடன் வைட்டமின்களும் நிறைந்திருக்கின்றன சென்ற இதழ் `கிச்சன் பேஸிக்ஸ்’ பகுதியில் நாம் கோதுமையில் இருந்து பேஸிக் மாவு தயாரித்து அதை உபயோகித்து விதவிதமான சப்பாத்தி மற்றும் ரொட்டிகள் தயாரிப்பது எப்படி என்று பார்த்தோம். இந்த இதழில் கீரைகள், காய்கறிகளைச் சேர்த்து சூப்பர் சுவையுடன் பல்வேறு வகையிலான சப்பாத்தி மற்றும் தேப்லாக்களை எளிதாகத் தயாரிப்பது பற்றி அறிவோம். நம் குடும்பத்தின் ஆரோக்கியத்தைப் பாதுகாத்துக்கொள்வோம்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

மேத்தி தேப்லா, சோயா - மேத்தி தேப்லா, ஓட்ஸ் - மேத்தி தேப்லா: வெல்லத்தைக் கால் கப் தண்ணீரில் கரைத்து வைத்துக்கொள்ள வும். வெந்தயக்கீரையை ஆய்ந்து, நன்கு கழுவி, பொடியாக நறுக்கிக்கொள்ளவும்.

ஒட்டுமொத்த விகடனுக்கும் ஒரே ஷார்ட்கட்!

மூலி தேப்லா: துருவிய முள்ளங்கியில் இருந்து தண்ணீரைப் பிழிந்துகொள்ளவும். பிழிந்த தண்ணீரைக் கீழே ஊற்றிவிடவும்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

மூலி தேப்லா வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

தூதி தேப்லா: துருவிய சுரைக்காயுடன் உப்பு சேர்த்துப் பிசிறி வைத்துக்கொள்ளவும்.

முட்டைகோஸ் தேப்லா: முட்டைகோஸை கேரட் துருவியில் பொடியாகத் துருவிக் கொள்ளவும்.

பப்பாளிக்காய் தேப்லா: தோல் மற்றும் உள்ளிருக்கும் விதைகளை நீக்கிவிட்டு, துருவிக்கொள்ளவும்.

கத்து (Kaddu) பாலக் தேப்லா: துருவிய பறங்கிக்காய், பாலக் கீரையை அரிந்து நன்கு கழுவி, பொடியாக நறுக்கிக்கொள்ளவும்.

கரேலா தேப்லா: பாகற்காய்த் தோலைத் துருவி, உப்பு சேர்த்துப் பிசிறி வைத்துக்கொள்ளவும். பத்து நிமிடங்கள் கழித்துப் பாகற்காயில் இருந்துவரும் தண்ணீரைப் பிழிந்து எடுக்கவும். பிழிந்த தண்ணீரைக் கீழே ஊற்றிவிடவும். இப்படிச் செய்வதன் மூலம் பாகற்காயில் இருக்கும் கசப்பு போய்விடும்.

வெங்காயச் சப்பாத்தி: பொடியாக நறுக்கிய வெங்காயத்தை உப்பு சேர்த்துப் பிசிறி வைத்துக்கொள்ளவும்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

கேரட் வெங்காயம் சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

சோயா தால் சப்பாத்தி: பருப்பை மலர வேக வைத்துக்கொள்ளவும்.

கீரை சப்பாத்தி :
ஏதாவது ஒரு வகை கீரையை உபயோகித்து சப்பாத்தி செய்யவும். கீரையை நறுக்கி, நன்கு கழுவி, பொடியாக நறுக்கிக்கொள்ளவும்.

அரைக்கீரை / சிறுகீரை / முளைக்கீரை / வல்லாரைக்கீரை / மணத்தக்காளிக்கீரை:
நறுக்கிய கீரையை மாவு மற்றும் இதர பொருள்களுடன் சேர்க்கவும்.

பசலைக்கீரை / முடக்கத்தான் கீரை/ பொன்னாங்கண்ணிக்கீரை/ அகத்திக்கீரை / முருங்கைக்கீரை / தூதுவளை / முள்ளங்கிக்கீரை: வாணலியில் சிறிது எண்ணெய் ஊற்றிச் சற்று சூடு ஏறியதும் நறுக்கிவைத்துள்ள கீரையைச் சேர்த்து வதக்கவும். சிறிது வதங்கியதும் சீரகத்தூள், ஓமம், மஞ்சள்தூள், மிளகாய்த்தூள் சேர்த்துச் சற்று வதக்கி இறக்கி ஆறவிடவும்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

பொன்னாங்கண்ணி கீரை சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

சோயா - புதினா - சதகுப்பி சப்பாத்தி, ஓட்ஸ் - சதகுப்பி சப்பாத்தி: சதகுப்பி கீரையை ஆய்ந்து  நன்கு கழுவி, பொடியாக நறுக்கிக்கொள்ளவும். ஒரு வாணலி யில் சிறிது எண்ணெய் ஊற்றி, சற்றுச் சூடு ஏறியதும் நறுக்கிவைத்துள்ள கீரையைச் சேர்த்து வதக்கவும். சிறிது வதங்கியதும் சீரகத்தூள், ஓமம், மஞ்சள்தூள், மிளகாய்த்தூள் சேர்த்து, சற்று வதக்கி இறக்கி ஆறவிடவும்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

ஓட்ஸ் சதகுப்பி சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

ஆலு சப்பாத்தி: உருளைக் கிழங்கைத் தோல் உரித்து, உப்பு சேர்த்த தண்ணீரில் குழைய வேகவைத்துக்கொள்ளவும்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

உருளைக்கிழங்கு சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

பீட்ரூட் சப்பாத்தி: துருவிய பீட்ரூட் மற்றும் வெங்காயத்துடன் பச்சை மிளகாய், உப்பு சேர்த்துப் பிசிறி வைத்துக் கொள்ளவும்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

கான்டினென்டல் சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

கான்டினென்டல் சப்பாத்தி: காய்கறிகளை நன்கு பொடியாக நறுக்கி வைத்துக் கொள்ளவும்.

சோயா - மேத்தி - கார்லிக் நான் / கார்லிக் நான்: வெந்தயக்கீரையை ஆய்ந்து, நன்கு கழுவி, பொடியாக நறுக்கிக் கொள்ளவும். மாவைப் பிசையும்போது பூண்டு சேர்க்க வேண்டாம். ஓர் உருண்டை கோதுமை மாவைச் சற்று கனமான நாண்களாக இடவும். ஒரு டீஸ்பூன் பொடியாக நறுக்கிய பூண்டை நாண் மேல் தூவி லேசாக அழுத்தி விடவும். நாணின் பின்புறம் தண்ணீர் தடவி, ஈரமான பக்கத்தை நன்கு சூடான தோசைக்கல்லில் போட்டு லேசாக அழுத்தி வேக வைக்கவும். மேல்பக்கம் லேசாக வெந்ததும் தவாவைத் திருப்பி ரொட்டியை நேரடியாக தீயில் காட்டி வேக வைக்கவும். மீண்டும் தவாவை அடுப்பில் வைத்து கீழ் பாகத்தை நான்கு வேக வைத்து பரிமாறவும்.

பட்டாணி சப்பாத்தி: வேகவைத்த பட்டாணி மற்றும் பச்சை மிளகாயைக் கொரகொரப்பாக அரைத்து வைத்துக்கொள்ளவும்.

பொங்கல் சப்பாத்தி: பொங்கலை நன்கு மசித்து வைத்துக்கொள்ளவும்.

பருப்புக்கீரை சப்பாத்தி: மாவில் தண்ணீர் தேவைப்பட்டால் மட்டுமே ஊற்றவும்.

உப்புமா சப்பாத்தி: உப்புமாவை நன்கு மசித்து வைத்துக் கொள்ளவும்.

சர்க்கரைவள்ளிக்கிழங்கு சப்பாத்தி: சர்க்கரைவள்ளிக் கிழங்கைத் தோல் உரித்து, பச்சை மிளகாய், உப்பு சேர்த்த தண்ணீரில் குழைய வேகவைத்துக் கொள்ளவும்.

பனீர் சப்பாத்தி: திரண்ட பாலை வடிகட்டி அரை மணி நேரம் துணியில் கட்டித் தொங்கவிடவும். வடிகட்டிய தண்ணீரைத் தனியாக எடுத்துவைத்து, மாவு பிசையும்போது இந்தத் தண்ணீரைப் பயன்படுத்தவும்.

செய்முறை: கோதுமை மாவில் உப்பு, கொடுத்துள்ள அனைத்துப் பொருள்களையும் சேர்த்துப் பிசறிக்கொள்ளவும். அதில் கொஞ்சம் கொஞ்சமாகத் தண்ணீர் சேர்த்துக் கெட்டியான மாவாகப் பிசைந்து அரை மணி நேரம் மூடிவைத்து ஊறவிடவும். பிறகு, சம அளவு உருண்டைகளாக உருட்டி வைத்துக்கொள்ளவும். ஓர் உருண்டையை எடுத்து மைதா அல்லது கோதுமை மாவில் தொட்டுக்கொண்டு ஆறு அங்குலம் அகலம் உள்ள மெல்லிய சப்பாத்தியாகத் திரட்டவும். சூடான தோசைக்கல்லில் சப்பாத்தியைப் போட்டு லேசாக வெந்தவுடன் திருப்பிப் போட்டு சிறிது எண்ணெய்விடவும். இருபுறமும் நன்றாக வெந்ததும் சூடாகப் பரிமாறவும். ஸ்கூல் மற்றும் ஆபீஸ் லஞ்ச் பாக்ஸிலும் கொடுத்துவிடலாம்.

பொதுவாக இந்த வகைச் சப்பாத்தி மற்றும் தேப்லாவுக்குத் தனியாக சைடிஷ் எதுவும் தேவைப்படுவதில்லை. தயிர், தயிர்ப் பச்சடி, மாங்காய் சுண்டா, நெல்லிக்காய் சுண்டா, மாங்காய்த் தொக்கு, தக்காளித் தொக்கு இவற்றில் ஏதேனும் ஒன்றுடன் பரிமாறலாம்.

கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!
கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!
கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

எண்ணெய், உப்பு - தேவையான அளவு

தேப்லா வகைகளைப் பொதுவாக 15 நாள்கள் வரை ஃப்ரிட்ஜில் வைத்துக்கொள்ளலாம். தேவையானபோது தோசைக் கல்லில் சூடுபடுத்திச் சாப்பிடலாம்.

குறிப்பு: உப்பு சேர்த்துப் பிசிறி வைக்கும் காய்கறிகள் தண்ணீர்விட்டுக்கொள்ளும். இந்தத் தண்ணீருடன் காய்கறிகளைக் கோதுமை மாவில் சேர்க்கவும். மேலும் தண்ணீர் சேர்ப்பதற்கு முன்னர், மாவில் சேர்த்திருக்கும் அனைத்துப் பொருள்களையும் நன்கு அழுத்திப் பிசிறவும். இவ்வாறு செய்யும்போது காய்கறி மற்றும் கீரைகளில் இருந்து மேலும் தண்ணீர் கசிந்து வரும் வாய்ப்பு உள்ளது. பிறகு, தேவைப்படும் தண்ணீரைச் சிறிது சிறிதாக ஊற்றி நன்கு கெட்டியான மாவாகப் பிசையவும். அரை மணி நேரம் ஊறிய பிறகு, மாவில் சேர்த்திருக்கும் காய்கறிகள், கீரைகளில் இருந்து மீண்டும் தண்ணீர் கசியலாம். அதனால் கெட்டியாகப் பிசைந்து வைத்து இருக்கும் மாவு சற்றுத் தளர்த்தியாகி இருக்கும். கையில் ஒரு டீஸ்பூன் எண்ணெயைத் தொட்டுக்கொண்டு மீண்டும் மாவைப் பிசைந்து உபயோகிக்கவும்.

சப்பாத்தி, பராத்தா மற்றும் தேப்லாவைப் பதப்படுத்தும் முறை: ஓர் உருண்டையை எடுத்து மைதா அல்லது கோதுமை மாவில் தொட்டுக்கொண்டு ஆறு அங்குலம் அகலம் உள்ள மெல்லிய சப்பாத்தியாகத் திரட்டவும். சூடான தோசைக்கல்லில் சப்பாத்தியைப் போட்டு லேசாக வெந்தவுடன் திருப்பிப் போட்டு சிறிதளவு எண்ணெய்விட்டு லேசாக வேகவைக்கவும். இரண்டு புறமும் பாதி வெந்ததும் எடுத்து ஆறவைக்கவும். பட்டர் பேப்பரை ஆறு அங்குலம் அகலம் உள்ள சதுரத் துண்டுகளாகக் கிழித்து வைத்துக்கொள்ளவும். ஆறிய சப்பாத்தி ஒன்று பட்டர் பேப்பர் ஒன்றும் என மாறி மாறி அடுக்கவும். ஒரு வேளை சாப்பாட்டுக்குத் தேவையான அளவு சப்பாத்தி அடுக்கை ஒரு `ஜிப்லாக்' பையில் வைத்து, காற்றை நன்கு வெளியே தள்ளிவிட்டு, பையைச் சீல் செய்யவும். பையின் மேல், உள்ளே வைத்திருக்கும் சப்பாத்தி, பராத்தா, தேப்லாவின் பெயர் மற்றும் அதைச் செய்த தினம் ஆகியவற்றை எழுதவும். இப்போது இந்தப் பையை ஃப்ரீஸ் செய்யவும். இப்படி ஃப்ரீஸ் செய்த சப்பாத்தி, தேப்லா, பராத்தாக்களை மூன்று மாதங்கள் வரை பயன்படுத்தலாம்.

ஃப்ரீஸ் செய்த சப்பாத்தி, தேப்லா, பராத்தாக்களைத் தேவையானபோது எடுத்து பத்து நிமிடங்கள் வெளியே வைக்கவும். பட்டர் பேப்பரை எடுத்துவிட்டுச் சூடான தோசைக்கல்லில் போட்டு வெந்தவுடன் திருப்பிப் போட்டு வேகவைக்கவும். இருபுறமும் நன்றாக வெந்ததும் பரிமாறவும்.