Published:Updated:

பளிச் பளிச் - இயற்கை அழகு

பளிச் பளிச் - இயற்கை அழகு
பிரீமியம் ஸ்டோரி
பளிச் பளிச் - இயற்கை அழகு

பிரகாசம்சி.நிலோபர் நிஷா

பளிச் பளிச் - இயற்கை அழகு

பிரகாசம்சி.நிலோபர் நிஷா

Published:Updated:
பளிச் பளிச் - இயற்கை அழகு
பிரீமியம் ஸ்டோரி
பளிச் பளிச் - இயற்கை அழகு

யோதிகத்தின் அடையாளமான சுருக்கங்கள் நிறைந்திருந்தாலும், நம் பாட்டியின் முகத்தில் பிரகாசத்துக்குக் குறைவிருக்காது. காரணம், அந்தக் காலத்தில் வீட்டில் உள்ள இயற்கைப் பொருள்களை வைத்து அழகுபடுத்திக்கொண்டதுதான். இப்போதுள்ள அவசரகதி வாழ்க்கை முறைக்கேற்ப... சந்தையில் இருக்கும் க்ரீம்களை நாடும் பெண்களுக்காக, குளியல் பொடி மற்றும் ஃபேஸ் பேக்காகப் போடக்கூடிய, டூ இன் ஒன் மூலிகைப் பொடியை எப்படித் தயாரிப்பது என விளக்குகிறார் அழகுக்கலை நிபுணர் ஆர்.விமலா.

பளிச் பளிச் - இயற்கை அழகு

“தினசரி வெளியில் சென்று வருபவர்களுக்குச் சுற்றுச்சூழல் மாசு காரணமாகச் சருமம் அதிகமாகப் பாதிக்கப்படும். அப்படிப்பட்டவர்கள் தினசரி சருமத்தில் படிந்திருக்கும் மாசுக்களைச் சரிவர நீக்கினாலே, சருமப் பாதிப்பிலிருந்து தப்பிக்கலாம். தரமான சருமப் பராமரிப்பு க்ரீம்களை உபயோகித்தாலும், செயற்கை முறையில் தயாரிக்கப்படும் க்ரீம்கள், சருமத்துக்கு  ‘ப்ளிச்’ தோற்றத்தைத் தற்காலிகமாகத்தான்  தரும். ஆனால், இயற்கையான பொருள்களினால் சருமத்தைப் பராமரிக்கும்போது அதற்கான பலனானது நீண்ட நாள்கள் இருக்கும்.

பளிச் பளிச் - இயற்கை அழகு

ரோஜா இதழ், ஆவாரம்பூ, மகிழம்பூ, செண்பகப்பூ, வெண்தாமரை இதழ், திருநீற்றுப்பச்சை, மரிக்கொழுந்து, மருவு, கல்பாசி, வில்வ இலை, புதினா, வேம்பு, துளசி... இவை அனைத்தையும் நிழலில் காயவைத்து எடுக்க வேண்டும். இதனுடன் கஸ்தூரி மஞ்சள், பாசிப்பயறு, வெட்டிவேர், செஞ்சந்தனம், கோரைக்கிழங்கு, கார்ப்போக அரிசி, வசம்பு, ஜாதிக்காய், கசகசா, நீரடி முத்து ஆகிய பொருள்களைச் சேர்த்துப் பொடித்து வைத்துக்கொள்ளவும். இந்தப் பொடியைத் தினமும், சோப்புக்குப் பதிலாக உடல் முழுவதும் தேய்த்துக் குளிக்கவும். இதனால் உடல் குளிர்ச்சி அடைவதுடன், சருமம் மாசு மரு இல்லாமல், மிருதுவாக மாறும். அதே போல் முகத்துக்கு ஃபேஸ் பேக் போடுவதற்குத் தேவையான அளவு பொடியை எடுத்துக்கொண்டு, அதனுடன் பன்னீர் (எண்ணெய்ப் பிசுக்கு சருமத்துக்கு) அல்லது பால் (சாதாரண மற்றும் வறண்ட சருமத்துக்கு) கலந்து, முகத்தில் `பேக்’காக போடலாம்.  இதை இரண்டு வாரத்துக்குத் தொடர்ந்து செய்தால் சருமம் பிரகாசமாக மின்னும்.

மேலும், பொலிவில்லாத சருமம், முகப்பருக்கள், பூனை முடிகள், உடல் துர்நாற்றம், கரும்புள்ளிகள் எனச் சருமத்தின் பல பிரச்னைகளைச் சரிசெய்வதுடன் சருமத்துக்குப் பிரச்னை வராமலும் பாதுகாக்கிறது. குறிப்பாக, திருமணத்துக்குக் காத்திருக்கும் பெண்கள் இப்போதே இதைப் பயன்படுத்த ஆரம்பித்தால், மணமேடையில் இயற்கை அழகுடன் ஜொலிக்க முடியும்” என்கிறார் விமலா.