Published:Updated:

‘இது என்னுது அது உன்னுது!’ - ஆனந்தம் விளையாடும் வீடு - 17

‘இது என்னுது அது உன்னுது!’ - ஆனந்தம் விளையாடும் வீடு - 17
பிரீமியம் ஸ்டோரி
‘இது என்னுது அது உன்னுது!’ - ஆனந்தம் விளையாடும் வீடு - 17

தனசேகர் கேசவலு, குழந்தைகள்நல மருத்துவர்

‘இது என்னுது அது உன்னுது!’ - ஆனந்தம் விளையாடும் வீடு - 17

தனசேகர் கேசவலு, குழந்தைகள்நல மருத்துவர்

Published:Updated:
‘இது என்னுது அது உன்னுது!’ - ஆனந்தம் விளையாடும் வீடு - 17
பிரீமியம் ஸ்டோரி
‘இது என்னுது அது உன்னுது!’ - ஆனந்தம் விளையாடும் வீடு - 17

ந்த இதழில் மூன்று முதல் நான்கு வயதுவரையிருக்கும் பிள்ளைகளின் வளர்ச்சிநிலைகள் மற்றும் பிரச்னைகள் குறித்துப் பேசப்போகிறேன்.  மூன்று வயதுப் பெண் குழந்தையிடம் ‘நீங்க பாயா, கேர்ளா?’ என்று கேட்டால், நொடி நேரம்கூடத் தாமதிக்காமல், ‘நான் கேர்ள்’ என்று தன் பாலினத்தைச் சரியாகச் சொல்வார்கள்.  

‘இது என்னுது அது உன்னுது!’ - ஆனந்தம் விளையாடும் வீடு - 17

* குழந்தையின் மூன்று முதல் நான்கு வயது என்பது பெரிய பரிணாம வளர்ச்சியைக்கொண்டது. சில குழந்தைகள் ஐந்து வயதுப் பிள்ளைகள் செய்வதையும் செய்துவிடுவார்கள்.  தங்கள் வேலைகளைத் தாங்களே செய்யப் பிரியப்படுவார்கள். ‘அந்த ஸ்பூனை எடுத்துட்டு வா’, ‘பிரவுன் கலர் கப்பை எடுத்துட்டு வா’ என்று சொல்வதையெல்லாம் சரியாகச் செய்ய ஆரம்பிப்பார்கள். ‘துடைப்பத்தை எடுத்துட்டு வா, வீட்டைப் பெருக்கணும்’ என்றால், வார்த்தைகளின் அர்த்தத்தை உள்வாங்கிக்கொண்டு செய்வார்கள். 
 
* மூன்று சக்கர சைக்கிளை பெடல் செய்ய ஆரம்பிப்பார்கள்; சைக்கிள் ஓட்டக்கூட முயல்வார்கள்; சிலர் தங்களின் குட்டி உடம்பை இடதும் வலதும் சாய்த்துச் சாய்த்து, பேலன்ஸ் செய்து சைக்கிளைக் கொஞ்ச தூரம் ஓட்டவும் செய்வார்கள்.

‘இது என்னுது அது உன்னுது!’ - ஆனந்தம் விளையாடும் வீடு - 17



* குழந்தைகள் தங்களின் விருப்பங்களுக்கு முக்கியத்துவம் கொடுப்பார்கள். அதனால், இந்த வயதில் உங்கள் ஜூனியர்களுக்கு என்னென்ன பிடிக்கிறது; என்னென்ன பிடிக்கவில்லை என்பதைத் தெரிந்துகொள்ளலாம்.

* வீட்டுச் சுவரில் கிறுக்கிக்கொண்டிருந்தவர்கள், இனி குட்டி வீடு, சின்னச் சூரியன்  என்று வரைய ஆரம்பிப்பார்கள்.

* தூக்கிப் போட்டு விளையாடுகிற விளையாட்டுகள் ரொம்பவும் பிடிக்க ஆரம்பிக்கிற வயது. ஓர் இடத்தைக் குறிபார்த்துப் பொருள்களை எறிய ஆரம்பிப்பார்கள்.

* டைமண்ட், ஹெக்ஸகன் உட்பட எல்லா வடிவங்களையும் சரியாகச் சொல்வார்கள். 

* புதுப்புது விஷயங்களைக் கற்றுக்கொள்ள ஆர்வம் காட்டுகிற வயது என்பதால், அவற்றைக் குழந்தைகளுக்கு அறிமுகப்படுத்த, அவர்களுடன்  அதிக நேரம் செலவழியுங்கள். உங்கள் பிள்ளையிடம், ‘நீ டாக்டராக வேண்டும்’ என்று சொன்னால், அந்தக் குட்டியின் மனதில் வெள்ளை கோட்டு போட்ட டாக்டர் வர மாட்டார்; அவர் போடுகிற ஊசி மட்டும்தான் வரும். அதனால்தான், குழந்தைகள் டாக்டர் விளையாட்டு விளையாடும்போது, அடுத்த குழந்தைக்கு ஊசிபோட ஆரம்பித்துவிடுகிறார்கள். 

‘இது என்னுது அது உன்னுது!’ - ஆனந்தம் விளையாடும் வீடு - 17

* நுணுக்கமான விஷயங்களைக் கைகளால் செய்ய ஆரம்பிப்பார்கள். ஸ்பூனைப் பயன்படுத்தி சூப் குடிப்பார்கள்; முள்ளுக்கரண்டியைப் பயன்படுத்தி உணவுகளைக் குத்திச் சாப்பிடுவார்கள். ஆனால், கீழே, மேலே சிந்திதான் சாப்பிடுவார்கள். இதுவரை சட்டை பட்டன்களைக் கழற்ற மட்டும் தெரிந்தவர்கள், இனி அதைப் போடவும் செய்வார்கள். அதே நேரம், முதல் பட்டன் துளையில் இரண்டாவது பட்டனைப் போடுவது என்று கொஞ்சம் தடுமாறுவார்கள். ‘அம்மா வந்து செய்யறதுக்குள்ள என்ன அவசரம்?’ என்று வளர்ச்சிக்கு முட்டுக்கட்டை போடாதீர்கள்.

* மூன்று - நான்கு வயதில், இடைப்பட்ட ஒரு வருடத்தில் மெள்ள மெள்ளப் படுக்கையை நனைப்பதை நிறுத்திவிடுவார்கள். வயதைத் தாண்டி, குளிர்காலம், இரவில் நிறைய தண்ணீர் குடித்துவிட்டுப் படுப்பது, சிறுநீர் கழிக்காமல் உறங்கப்போவது, ஆழ்ந்த தூக்கம் என்று சில குழந்தைகள் படுக்கையை நனைப்பதற்கு நிறைய காரணங்கள் இருக்கின்றன.

* ஒரு குழந்தை மூன்று - நான்கு வயதுக்குள் 250 - 500 வார்த்தைகள்வரை நிறைய புது வார்த்தைகள் பேசுவார்கள். நான்கு முதல் ஐந்து வார்த்தைகளைக் கோவையாகப் பேசுவார்கள். `அம்மா பேரென்ன?’, `அப்பா பேரென்ன?’, `உங்க வீடு எங்கே இருக்கு?’ போன்ற கேள்விகளுக்கு விடையளிப்பார்கள். அதனால்தான்,  பள்ளிக்கூடத்தில் சேர்க்கும்போது, இந்தக் கேள்விகளைக் குழந்தைகளிடம் கேட்கிறார்கள். கதை சொல்வார்கள். சொன்ன கதையை விட்ட இடத்திலிருந்து ஆரம்பிப்பார்கள். 

* தன்னை ஓர் ஆசிரியராக, மருத்துவராக, போலீஸாக நினைத்துக்கொண்டு விளையாடுவார்கள். இதை ஆங்கிலத்தில் ‘ரோல் ப்ளே’ என்போம். சில குழந்தைகள், விளையாட ஆள் கிடைக்கவில்லையென்றால், தனியாக விளையாடுவார்கள்; தடுக்காமல், ஊக்கப்படுத்துங்கள்.

* காலை, மாலை, மதியம், இரவு என்று நேரத்தைச் சரியாகத் தெரிந்துகொள்வார்கள். ‘என் கையில் மூணு சாக்லேட் இருக்கு’ என்று எண்ணிச் சொல்வார்கள்.

* ஏன், என்ன, எப்படி என்று நிறைய கேள்விகள் கேட்பார்கள். கேள்விகள் கேட்டு அறிவை விஸ்தரித்துக்கொள்வார்கள். இதை ஆங்கிலத்தில் `Cognitive Development’ என்போம்.

* `இது என் ஏரியா, இதெல்லாம் பிடிக்கும், இதெல்லாம் எனக்குப் பிடிக்காது’ என்று தங்களைச் சுற்றி ஒரு வட்டத்தைப் போட்டுக்கொள்ள ஆரம்பிப்பார்கள். இதனால்தான் இந்த வயதில் ‘இது என்னுது, அது உன்னுது’ என்று குழந்தைகள் சொல்கிறார்கள். ‘இப்பவே என்னுதுன்னு பிரிச்சு பேசுது பாரு’ என்று கேலி செய்யாதீர்கள். அது வளர்ச்சியின் ஒரு நிலைதானே தவிர, குழந்தையின் இயல்பு கிடையாது. நவரசங்களையும் வெளிப்படுத்த ஆரம்பிப்பார்கள். அவர்களுக்கும் நம்மைப்போலவே போரடிக்கும் உணர்வு வரும்.  ‘பூச்சாண்டி வர்றான்’ போன்ற பயமுறுத்தல்களைத் தாண்டி, அவர்களே சிலவற்றுக்கு பயப்பட ஆரம்பிக்கிற வயதும் இதுதான்.

(வளர்த்தெடுப்போம்...)

ஆ.சாந்தி கணேஷ் - படம்: சி.சுரேஷ்பாபு

‘இது என்னுது அது உன்னுது!’ - ஆனந்தம் விளையாடும் வீடு - 17

எக்ஸ்பைரி மருந்துகள் என்ன செய்யும்?

சி
ல நேரங்களில், தலைவலிக்காக நீங்கள் எடுத்துக்கொண்ட மாத்திரையின் அட்டையை, பிறகு பார்க்கும்போதுதான், அது  காலாவதி ஆனது என்று உங்களுக்குத் தெரியும். `இதற்கு என்ன செய்யலாம்?’ என்று கேட்டால், `எக்ஸ்பைரி டேட் முடிந்த மருந்து மாத்திரைகள் விஷமாகாது. அதன் செயல்திறனும் வீரியமும் சிறிதளவு குறையும்’ என்கிறார்கள் மருத்துவர்கள்.