Published:Updated:

நான்கில் எந்த நிலையில் நீங்கள்?

நான்கில் எந்த நிலையில் நீங்கள்?
பிரீமியம் ஸ்டோரி
நான்கில் எந்த நிலையில் நீங்கள்?

ஆனந்தப்பிரியா மகப்பேறு மருத்துவர்ஹெல்த்

நான்கில் எந்த நிலையில் நீங்கள்?

ஆனந்தப்பிரியா மகப்பேறு மருத்துவர்ஹெல்த்

Published:Updated:
நான்கில் எந்த நிலையில் நீங்கள்?
பிரீமியம் ஸ்டோரி
நான்கில் எந்த நிலையில் நீங்கள்?

மாதவிடாய் சுழற்சியில் மொத்தம் நான்கு நிலைகள் இருக்கின்றன. இந்த நான்கு நிலைகளின் செயல்பாடுகள் பற்றியும், அவற்றுக்கேற்ப அந்தந்த நிலைகளில் பெண்கள் கவனம் செலுத்தவேண்டிய விஷயங்கள் மற்றும் எடுத்துக்கொள்ளவேண்டிய உணவுகள் பற்றியும் சொல்கிறார், மகப்பேறு மருத்துவர் ஆனந்தப்பிரியா. 

நான்கில் எந்த நிலையில் நீங்கள்?

``மாதவிடாய் நிலை (Menstruation), ஃபாலிக்குலர் நிலை (Follicular Phase), கருமுட்டை விடுபடும் நிலை (Ovulation), லூட்டியல் நிலை (Luteal Phase) இவைதான் மாதவிடாய் சுழற்சியின் நான்கு நிலைகள்.

மாதவிடாய் நிலை

கருமுட்டை விந்துவுடன் இணைந்து ஒருவேளை கருவுறுதல் நிகழ்ந்தால், அந்தக் கருவுக்கு ஊட்டச்சத்து வழங்க, கர்ப்பப்பையின் உட்புறச் சுவர் மெத்தைபோல திசுக்களால் தடித்திருக்கும். கருவுறுதல் நிகழவில்லையெனில், கர்ப்பப்பையின் உட்புறச் சுவரான அந்த எண்டோமெட்ரியம் உதிரப்போக்காக வெளியேறும். இதுவே மாதவிடாய். பொதுவாக 28 - 32 நாள்களுக்குள் தொடங்கும். மூன்று நாள்கள் முதல் ஒரு வாரம்வரை உதிரப்போக்கு நீடிக்கும்.

ஒட்டுமொத்த விகடனுக்கும் ஒரே ஷார்ட்கட்!

நான்கில் எந்த நிலையில் நீங்கள்?



உதிரப்போக்கின் காரணமாக அதிகப்படியான சோர்வு இருக்கும் என்பதால் பெண்கள் இந்த நாள்களில் கடினமான உடற்பயிற்சிகளைக் கட்டாயமாகத் தவிர்க்க வேண்டும். மனச்சோர்வு இருப்பவர்கள் தியானம், எளிமையான யோகா போன்றவற்றில் ஈடுபடலாம். மேலும் 8, 9 மணி நேரத் தூக்கமும் அவசியம். நான்கு மணி நேரத்துக்கு ஒருமுறை நிச்சயமாக நாப்கினை மாற்றிவிட வேண்டும். பழச்சாறு, இளநீர், பால் எனச் சத்துகள் நிறைந்த பானங்களை அருந்த வேண்டும்.

ஃபாலிக்குலர் நிலை

ஃபாலிக்குலர் நிலையானது மாதவிடாயின் முதல் நாளில் ஆரம்பித்து, கருமுட்டை விடுபடும் நாளில் முடியும். தோராயமாக 10 நாள்கள் நீடிக்கும் இந்த நிலையில் பிட்யூட்டரி சுரப்பி, ஃபாலிக்கிள் ஸ்டிமுலேட்டிங் ஹார்மோனை வெளியிடும். இதன் காரணமாக கருமுட்டை வளர்ச்சியடையும்; கர்ப்பப்பையின் உட்சுவர் தடிமனாகும். ஃபாலிக்குலர் நிலையில் ரெகுலரான உடற்பயிற்சிகளை மேற்கொள்ளலாம். எட்டு மணி நேர ஆழ்ந்த தூக்கம், ஹார்மோன் சுரப்பைச் சீராகவைத்திருக்கும். இரும்புச்சத்து நிறைந்த உணவுகளான பேரீச்சை, மாதுளை, நெல்லிக்காய் மற்றும் தயிர் போன்றவற்றை அவசியம் உட்கொள்ள வேண்டும்.

நான்கில் எந்த நிலையில் நீங்கள்?

கருமுட்டை விடுபடும் நிலை

ஓவுலேஷன் நிலையில், கோணடோட்ரோபின் ரிலீஸிங் ஹார்மோன், (Gonadotrophin Releasing Hormone), லூட்டினைஸிங் ஹார்மோன் மற்றும் ஃபாலிக்கிள் ஸ்டிமுலேட்டிங்  ஹார்மோன்களை மிக அதிகமாகச் சுரக்கச் செய்யும். அதன் காரணமாக, வளர்ச்சியடைந்த கருமுட்டை, சினைப்பையிலிருந்து விடுபட்டு, ஃபாலோபியன் டியூப் வழியாக கர்ப்பப்பைக்குச் செல்லும். இந்தக் கருமுட்டையின் ஆயுட்காலமானது 24 மணி நேரம் மட்டுமே. அதற்குள்ளாக அது விந்துவுடன் இணைந்தால் மட்டுமே கருவுறுதல் நடைபெறும். பொதுவாக, மாதவிடாய் சுழற்சியின் 14-வது நாளில் கருமுட்டை விடுபடும் என்பது குறிப்பிடத்தக்கது. கருவுறுதலுக்குக் காத்திருப்பவர்கள் இந்த நாளில் உறவு மேற்கொள்ள வேண்டும். கருமுட்டை வெளியேறும் ஓவுலேஷன் நாளில் சிலருக்கு அடிவயிற்று வலி, உடல் சோர்வு போன்றவை ஏற்படலாம். ஒருவரின் உடல்நிலை, மனநிலையைப் பொறுத்து நடைப்பயிற்சி, உடற்பயிற்சிகள் மேற்கொள்ளலாம். ஓவுலேஷனுக்குத் தேவையான ஹார்மோன் தூண்டுதலை அதிகப்படுத்தும் உலர் திராட்சை, பீன்ஸ், சோயா, தயிர், வால்நட், பூண்டு போன்றவற்றை உணவில் சேர்த்துக்கொள்ளலாம். 

நான்கில் எந்த நிலையில் நீங்கள்?

லூட்டியல் நிலை

கருமுட்டை, கர்ப்பப்பையை அடைந்தது முதல் அடுத்த மாதவிடாய் ஆரம்பிக்கும் நாள்வரையிலானது, லூட்டியல் நிலை. ஏற்கெனவே சொன்னதுபோல, கருவுற்ற முட்டையைத் தாங்கி, பாதுகாத்து, ஊட்டச்சத்து கொடுத்து வளர்ப்பதற்காக இந்த நாள்களில் கர்ப்பப்பையின் உட்சுவர் தடிக்க ஆரம்பிக்கும். கருவுறுதல் நிகழவில்லை எனில், லூட்டியல் நிலையின் இறுதியில் கர்ப்பப்பையின் அந்த உட்சுவர் திசுக்கள் உதிரப்போக்காக வெளியேறி மாதவிடாய் நாள்கள் ஆரம்பமாகும்.

கருவுறுதலை எதிர்பார்த்திருக்கும் பெண்கள், மாதவிடாய்ச் சுழற்சியின் 14-வது நாளிலிருந்து 28-வது நாள்வரையிலான இந்த லூட்டியல் நிலையில் உடற்பயிற்சிகள் செய்வதைத் தவிர்க்க வேண்டும். அதிகப் புரதச்சத்து நிறைந்த உணவுகளான முட்டை, பருப்பு, மீன், நட்ஸ் போன்றவற்றை உட்கொள்ளலாம். மூட் ஸ்விங்ஸ் எனப்படும் மனநிலை மாற்றம் இந்த  நாள்களில் அதிகரிக்கும் என்பதால், இசை, புத்தகம் என மனதை ரிலாக்ஸ் செய்யும் பழக்கங்களை மேற்கொள்ளலாம். மாதவிடாயின் அறிகுறிகளான முதுகுவலி, கால்வலி, அடி வயிற்றில் வலி போன்றவை ஏற்பட்டுத் தூக்கம் தடைப்படலாம் என்பதால், உணவுக்குப் பின்னர் பால் அருந்துவது ஆழ்ந்த தூக்கத்தைத் தரும்.’’

சு.சூர்யா கோமதி

நான்கில் எந்த நிலையில் நீங்கள்?
நான்கில் எந்த நிலையில் நீங்கள்?

கூகுள் நிறுவனத்தின் இணை நிறுவனரான லேரிக்கு, `கூகுள்’ போன்ற ஒரு தேடுதல் தளத்தை உருவாக்கவேண்டும் என்ற எண்ணம், தூக்கத்தின்போது கனவில் தோன்றியதுதானாம்.