Published:Updated:

கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!

கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!
பிரீமியம் ஸ்டோரி
கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!

- கே.ஜெயந்தி

கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!

- கே.ஜெயந்தி

Published:Updated:
கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!
பிரீமியம் ஸ்டோரி
கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!

``கர்ப்பகாலத்தில் சில பெண்களுக்கு எப்போதும் சாப்பிட்டுக்கொண்டே இருக்கத் தோன்றும். சில பெண்கள் வாந்தியால் அவதிப்படுவதால் சாப்பிட முடியாமல் இருப்பார்கள். அதிகமான உணவு, தேவைக்கும் குறைவான உணவு என இரண்டுமே தவறானவை; தாய், சேயின் ஆரோக்கியத்தை பாதிக்கக்கூடியவை'' என்கிற மகப்பேறு மருத்துவர்கே.ஜெயந்தி, கர்ப்பிணிகளுக்கான ஆரோக்கியமான உணவுகள் பற்றிப் பேசுகிறார்.

கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!

``கர்ப்பகாலத்தில் சாப்பிடும் உணவுகளே கருவின் வளர்ச்சியில் முக்கியப் பங்காற்றும். பால், தயிர் போன்ற உணவுகளில் கால்சியம் அதிகம் உள்ளது. இது குழந்தைகளின் எலும்பு வளர்ச்சிக்குத் துணைபுரிந்து எடையை அதிகரிக்கச்செய்யும். ரசாயனக் கலப்பில்லாத பசும்பால் கிடைத்தால் சிறப்பு. இல்லையெனில், கொழுப்புச்சத்து குறைந்த பாக்கெட் பாலை வாங்கிப் பயன்படுத்தலாம். கர்ப்பகாலத்தில் தினமும் இரண்டு டம்ளர் பால் எடுத்துக்கொள்வது  அவசியம்.

பீன்ஸ், கறுப்பு உளுந்து, சோயா, கொண்டைக் கடலை, பருப்பு வகைகள் போன்ற பொருள்களில் நார்ச்சத்து மற்றும் புரதச்சத்து அதிகம் உள்ளதால் தினமும் ஏதேனும் ஒரு பருப்பு வகையை உணவில் சேர்த்துக்கொள்ள வேண்டும். எண்ணெய் ஊற்றித் தாளித்தோ, மசாலாக்கள் சேர்த்தோ சாப்பிடாமல் பருப்பு வகைகளை வேகவைத்துச் சாப்பிடுவது நல்லது. தினமும் 50 கிராம் அளவில் பருப்பு உணவில் இடம்பெறும்போது கரு வளர்ச்சி ஆரோக்கியமாக இருக்கும். கர்ப்பகாலத்தில் ஏற்படும் நரம்பு சார்ந்த பிரச்னைகளையும் தவிர்க்க முடியும்.

கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!

வைட்டமின் ஏ சத்து அதிகளவில் உள்ள சர்க்கரைவள்ளிக்கிழங்கை கர்ப்பிணிகள் அன்றாட உணவில் 100 - 150 கிராம் அளவில் சேர்த்துக்கொள்ளலாம். இது கருவின் செல் உற்பத்தியை அதிகரித்து குழந்தையின் எடையை அதிகரிக்கச் செய்யும். மதிய உணவில் சாம்பார், கூட்டு என்று பருப்பு வகைகளை எடுத்துக் கொண்டால் நான்கு மணிநேர இடை வேளைக்குப் பின் சர்க்கரைவள்ளிக்கிழங்கை மாலை நேர ஸ்நாக்ஸாக எடுத்துக்கொள்ளலாம். கர்ப்ப காலத்தில் நீரிழிவு பாதிப்புக்குள்ளாகும் பெண்கள் கிழங்கு வகைகளைத் தவிர்ப்பதுடன், மருத்துவ ஆலோசனையின்படியே உணவு எடுத்துக்கொள்ள வேண்டும்.

சாலமன் மீன் வகை கர்ப்பிணிகளுக்கு மிகவும் உகந்தது. அதில் உள்ள ஒமேகா 3 கொழுப்பு அமிலம் குழந்தையின் மூளை வளர்ச்சிக்குத் துணைபுரியும்; எலும்பையும் உறுதிசெய்யும். சாலமன் மீன்கள் கிடைக்காவிட்டால், மற்ற வகை மீன்களை வாரத்துக்கு மூன்று முறை எடுத்துக்கொள்ளலாம். உப்பில் ஊறவைத்துப் பதப்படுத்தப்பட்ட கருவாட்டைத் தவிர்ப்பது முக்கியம்.

கர்ப்பகாலத்தின் ஐந்தாவது மாதத்துக்குப் பின்னர் குழந்தையின் உடல் உறுப்புகள் வளர்ச்சி அதிகமாகி எடை சீராக அதிகரிக்கத் தொடங்கும். அந்த மாதங்களில் தினமும் ஒரு முட்டை தவறாமல் எடுத்துக்கொள்ள வேண்டும். இதில் உள்ள புரதம், கொழுப்பு ஆகியவை குழந்தையின் எடை அதிகரிக்க உதவும்.

அசைவ உணவைத் தவிர்ப்பவர்கள் கீரைகள், காய்கறிகள் போன்றவற்றை அதிகளவில் எடுத்துக் கொள்ள வேண்டும். புரொக்கோலி, கீரை போன்றவற்றில் இரும்புச்சத்து, கால்சியம், ஆன்டி ஆக்ஸிடன்ட் போன்றவை அதிகளவில் இருப்ப தால், குழந்தையின் எடையை அதிகரிப்பதுடன்  நோய் எதிர்ப்பு சக்திக்கும் துணைபுரியும். பொட்டாசியம் அதிகமுள்ள அவகாடோ பழத்தைத் தினமும் ஒன்று என்ற அளவில் பாலுடன் கலந்து ஜூஸ் செய்து சாப்பிடலாம். வாழைப்பழம், திராட்சை, கொய்யா என்று ஏதேனும் ஒரு பழத்தை அன்றாடம் எடுத்துக் கொள்ள வேண்டும். டிரை ஃப்ரூட்ஸும் நல்லது.

எட்டாவது மாதத்திலிருந்து குழந்தையின் எடை இரண்டு மடங்காக அதிகரிக்க ஆரம்பிக்கும். குழந்தை அளவுக்கு அதிகமான எடையுடன் இருப்பது பிரசவத்தில் சிக்கலை ஏற்படுத்தலாம் என்பதால், ஸ்கேனில் கண்டறியப்படும் குழந்தையின் எடையின் அடிப்படையில் சில கர்ப்பிணிகளை மருத்துவர்கள் டயட்டில் இருக்கப் பரிந்துரைப்பார்கள். அவர்கள் எட்டாவது மாதத்துக்குப் பிறகு சிறுதானியங்கள், ஓட்ஸ் ஆகியவற்றை முதன்மை உணவாக்கிக் கொள்ளலாம். குழந்தையின் எடையை அதிகரிப்பதாக நினைத்து கர்ப்பிணிகள் பீட்ஸா, பர்கர் உள்ளிட்ட துரித உணவுகளைச் சாப்பிடுவதை நிச்சயம் தவிர்க்க  வேண்டும்.’’

-சு.சூர்யா கோமதி

கர்ப்பிணிகள் கவனத்துக்கு... - கருவின் எடையில் கவனம் செலுத்துங்கள்!