கன்னி - Guru Peyarchi Palangal 2022 - 2023 (TAMIL)

ஒவ்வொரு ராசிக்காரருக்கும் குருப்பெயர்ச்சி வெவ்வேறு விதமான பலன்களை அளிக்கும். குருப்பெயர்ச்சியால் 2022-2023 ஆம் ஆண்டில் எந்த ராசிக்காரர்களுக்கு என்னென்ன பலன்கள் ஏற்படும்..? முழுமையான குருபெயர்ச்சி பலன்கள் இங்கே..!

கன்னி- குரு பெயர்ச்சிப் பலன்கள

னித நேயம் மிகுந்த பண்பாளர் நீங்கள். உங்களின் சுக ஸ்தானாதிபதியான குருபகவான், இதுவரையிலும் 6-ம் இடத்தில் மறைந்திருந்தார். உங்களில் சிலர், உள்ளத்தளவில் கஷ்டங்களை அனுபவித்து வந்திருப்பீர்கள். இனி அந்த நிலை மாறும். 14.4.22 முதல் 22.4.23 வரை உங்கள் ராசிக்கு 7-ல் அமர்ந்து, உங்களை நேருக்கு நேர் பார்க்கயிருக்கிறார் குரு பகவான்.

ஆகவே, பிரச்னைகள் நீங்கும்; உங்கள் முகம் மலரும். திறமைக்கு ஏற்ற அங்கீகாரம் கிடைக்கும். பல புதிய வாய்ப்புகள் வந்து முன்னேற்றப் பாதையை அமைத்துத் தரும். பல காலமாக தடைப்பட்டிருந்த விஷயங்களை எல்லாம் செய்து முடிப்பீர்கள். தேக நலனைப் பொறுத்தவரையிலும் உற்சாகமாகக் காணப் படுவீர்கள். மருத்துவச் செலவுகள் குறையும். பழைய பிரச்னைகளுக்கு மாறுபட்ட அணுகுமுறையால் தீர்வு காண முயன்றால் வெற்றி நிச்சயம்.

உங்களின் பேச்சு எல்லோரையும் கவர்ந்திழுக்கும். பிரபலங்களும் உங்களுக்கு நண்பர்களாவார்கள். கடன் கொடுத்து ஏமாந்த தொகை, இப்போது இப்போது திரும்பிவரும்; மேலும் பல வகைகளிலும் பண வரவுக்கு வாய்ப்பு உண்டு. வீட்டில் வாழ்க்கைத்துணைவருடன் இணைந்து பல காரியங்களைச் சாதிப்பீர்கள். வீட்டின் பொருளாதார நிலை உயரும். வாரிசு இல்லாமல் தவித்த தம்பதிக்குக் குழந்தைப் பேறு கிடைக்கும். பிள்ளைகளின் வாழ்க்கைத் தரம், வசதி, வாய்ப்புகள் உயரும். குலதெய்வக் கோயிலைப் புதுப்பிப்பீர்கள். வெளி வட்டாரத்தில் மதிப்பு-மரியாதை கூடும். வேலைக்காகக் காத்திருக்கும் அன்பர்களுக்கு நல்ல தகவல் வந்து சேரும்.

ஏதேதோ காரணங்களால் கல்யாணம் தடைப்பட்டிருந்த அன்பர்களுக்கு, விரைவில் கல்யாணம் கூடிவரும். அயல்நாடு செல்லும் வாய்ப்பும் சிலருக்குக் கிட்டும். உங்களைப் புரிந்து கொள்ளாமல் உங்களை எதிரியாகப் பார்த்த உறவினர்களும் நண்பர்களும் இனி வலிய வந்து உறவாடுவார்கள். முன்பணம் கொடுத்திருந்த சொத்துக்கு மீதிப் பணத்தையும் கொடுத்துப் பத்திரப்பதிவுக்குத் தயார் ஆவீர்கள். வழக்கில் சாதகமான தீர்ப்பு வரும். கௌரவப் பதவிகள் கிடைக்க வாய்ப்பிருக்கிறது.

குருபகவானின் நட்சத்திர சஞ்சாரம்...

14.4.22 முதல் 29.4.22 வரை

உங்களின் சுக, சப்தமாதிபதியான குருபகவான் பூரட்டாதி 4-ம் பாதத்தில் செல்வதால், புதிய முயற்சிகள் பலிதமாகும். அரசாங்கத்தாலும், அதிகாரப் பதவியில் இருப்பவர்களாலும் ஆதாயம் அடைவீர்கள். எதிர்பாராத பணவரவு உண்டு. பூர்வீகச் சொத்தில் சிக்கல் தீரும். வழக்குகள் சாதகமாகும். தாயாருக்கு மருத்துவச் செலவுகள் குறையும்.

30.4.22 முதல் 24.2.23 வரை

சனி பகவானின் உத்திரட்டாதி நட்சத்திரத்தில் குருபகவான் செல்வதால், தள்ளிப்போன திருமணம் உடனே முடியும். பணப்புழக்கம் அதிகரித்தாலும் செலவுகளும் துரத்தும். கடனில் ஒரு பகுதியை பைசல் செய்வீர்கள். 8.8.22 முதல் 16.11.22 வரை உத்திரட்டாதி நட்சத்திரத்திலேயே குரு வக்ரத்தில் செல்வதால் புதிய சிந்தனைகள் மனதில் தோன்றும். பூர்வீகச் சொத்தை சீர்செய்வீர்கள்.

24.2.23 முதல் 22.4.23 வரை

குருபகவான் புதனின் ரேவதி நட்சத்திரத்தில் செல்கிறார். ஆகவே, சிலருக்குப் புதிய வேலை கிடைக்கும். உடம்பு வலி, சோர்வு நீங்கும். புதிதாக வீடு, மனை, வாகனம் வாங்கும் யோகம் உண்டாகும்.

வியாபாரத்தில்:

திட்டம் தீட்டிச் செயல்படுவீர்கள். பிரபலங்களின் உதவியால் வியாபாரத்தை விரிவுபடுத்துவீர்கள். பர்னிச்சர், உணவு, எண்ணெய் வகைகளால் லாபம் அடைவீர்கள். பற்று-வரவு உயரும். டிசம்பர், ஜனவரி மாதங்களில் புதிய ஏஜென்ஸி எடுப்பீர்கள். பழைய பாக்கிகள் வந்துசேரும். கூட்டுத் தொழிலில் நிலவி வந்த பிரச்னைகள் இனி ஓயும்.

உத்தியோகத்தில்:

உழைப்புக்கு ஏற்ற பலன் கிடைக்கும். உயரதிகாரி உங்களிடம் கண்டிப்புடன் நடந்துகொண்டாலும், உங்களுக்கு ஆதரவாகவே நடந்துகொள்வார். நீங்கள் எதிர்பார்க்கும் பதவி-சம்பள உயர்வு கிடைக்கும். அயல்நாட்டுத் தொடர்புடைய நிறுவனங்களில் புதிய வாய்ப்புகள் கிடைக்கும்.

மொத்தத்தில் இந்தக் குருப்பெயர்ச்சி, உங்களின் நீண்டகால ஆசைகளை நிறைவேற்றுவதாகவும் அமையும்.

முழுமையான குருப்பெயர்ச்சி பலன்கள் இங்கே..!