மேஷம் - Guru Peyarchi Palangal 2022 - 2023 (TAMIL)

ஒவ்வொரு ராசிக்காரருக்கும் குருப்பெயர்ச்சி வெவ்வேறு விதமான பலன்களை அளிக்கும். குருப்பெயர்ச்சியால் 2022-2023 ஆம் ஆண்டில் எந்த ராசிக்காரர்களுக்கு என்னென்ன பலன்கள் ஏற்படும்..? முழுமையான குருபெயர்ச்சி பலன்கள் இங்கே..!

மேஷம் - குரு பெயர்ச்சிப் பலன்கள்

தீர்க்க தரிசனம் மிகுந்த மேஷராசி நேயர்களே, இதுவரையிலும் 11-ம் வீட்டில் அதாவது லாப ஸ்தானத்திலிருந்து பணப்புழக்கத்தையும் நீங்கள் எதிர்பார்த்தபடி பல வாய்ப்புகளையும் கொடுத்தார் குருபகவான். வரும் ஏப்ரல் 14-ம் தேதி முதல் குருபகவான் விரய வீடான 12-ல் அமரப்போகிறார். 22.4.23 வரையிலும் மீன குருவாக இருந்து பலன் தரப்போகிறார்.

உங்களில் பலருக்கும் சொந்தவீடு கனவு நனவாகும். குடும்பத்தோடு புண்ணிய தலங்களுக்குச் சென்றுவரும் வாய்ப்பு கிடைக்கும். புதிய வாகனங்கள் அமையவும் வாய்ப்பு உண்டு. உறவினர் வீட்டு விசேஷங்கள் உங்கள் தலைமையில் நடைபெறும். அதேநேரம் எந்தவொரு முக்கிய முடிவுகளை எடுப்பதற்குமுன் குடும்பத்தாருடன் அவசியம் ஆலோசியுங்கள். சுயமாக தடாலடியாக எடுக்கப்படும் முடிவுகளால் வீண் பிரச்னைகள் எழலாம். கவனம் தேவை. அதேபோல் குடும்பத்தில் ஏற்படும் சிறிய பிரச்னைகளைப் பெரிது படுத்தவேண்டாம். வீண் செலவுகளைக் குறைத்து சேமிப்பை அதிக்கப்படுத்த முயற்சி செய்யுங்கள்.

பிள்ளைகளின் விஷயத்தில் பரிவும் பக்குவமும் தேவை. உங்களின் வாழ்க்கைத் துணைவருக்கு அவ்வப்போது உடல்நலம் பாதிக்கப் படலாம். எவருக்கும் தடாலடியாக வாக்குறுதி கொடுக்க வேண்டாம். எந்த வேலையையும் எந்த பொறுப்பையும் மற்றவர்களை நம்பி ஒப்படைக்காமல் நீங்களே முன்னின்று முடிப்பது நல்லது.

குரு பகவானின் நட்சத்திர சஞ்சார பலன்கள்

14.4.22 முதல் 29.4.22 வரை

உங்களின் பாக்யாதிபதியான குரு பகவான், தன்னுடைய நட்சத்திரத்திரமான பூரட்டாதி 4-ம் பாதத்தில் செல்வதால், எதிர்பார்த்த பணம் வந்து சேரும். வீட்டு லோன் கிடைக்கும். மகனுக்கு எதிர்பார்த்தபடி நல்ல இடத்தில் வேலை அமையும். மகளுக்கும் மனம் நிறைந்த மணமகன் வாய்ப்பார். பிரபலங்களின் உதவி கிடைக்கும்.

30.4.22 முதல் 24.2.23 வரை

உங்களின் ஜீவன, லாபாதிபதியான சனி பகவானின் உத்திரட்டாதி நட்சத் திரத்தில் குரு செல்கிறார். ஆகவே, மூத்த சகோதரர்கள் உதவுவார்கள். வேற்று மொழிக் காரர்களால் ஆதாயம் உண்டு. எனினும் சனிபகவான் உங்களுக்குப் பாதகாதிபதியாக இருப்பதால், திடீர் ஏமாற்றங்கள், குடும்பத்தில் சலசலப்பு, உடல் வலி, சோர்வு வந்து செல்லும். எவருக்காகவும் ஜாமீன் கையெழுத்துப் போட வேண்டாம். அதேநேரம், 8.8.22 முதல் 16.11.22 வரையிலும், குருபகவான் உத்திரட்டாதி நட்சத்திரத்திலேயே வக்ரத்தில் செல்கிறார். ஆகவே, வேலைச் சுமை, பணப் பற்றாக்குறை, இனம்தெரியாத கவலைகள், குடும்பத்தில் சலசலப்பு எல்லாம் குறையும். உத்தியோகத்தில் எதிர்ப்புகள் விலகும்.

24.2.23 முதல் 22.4.2023 வரை

இந்தக் காலகட்டத்தில் குரு பகவான் உங்கள் தைரிய, ரோக ஸ்தானாதி பதியான புதனின் ரேவதி நட்சத்திரத்தில் செல்கிறார். ஆகவே உறவுகளிடம் இருந்துவந்த பிணக்குகள் சர்ச்சைகள் நீங்கும். அதிகாரப் பதவியில் இருப்போர் நட்பு பாராட்டுவார்கள். அவர்களால் உதவிகள் கிடைக்கும். அதேநேரம் செலவுகள் கூடும்; அதனால் கடன் வாங்கும் நிலையும் உண்டாகலாம். புதியவர்களை நம்பி, எதிலும் அகலக்கால் வைக்கவேண்டாம்.

வியாபாரிகளுக்கு

சூலாகாமல் தேங்கிக்கிடந்த பாக்கித் தொகை இனி எளிதில் வசூலாகும். தொழில் நிமித்தமான கொடுக்கல் வாங்கல் சுமுகமாக இருக்கும். சிலர் புதிய முதலீடுகள் செய்வீர்கள். எவரிடமும் எக்காரணம் கொண்டும் தொழில் ரகசியங்களைப் பகிரவேண்டாம். வேலையாள்களிடம் இடைவெளி விட்டுப் பழகவும். கமிஷன், உணவு, மருந்து வகைகளால் ஆதாயம் உண்டு. டிசம்பர், ஜனவரி, பிப்ரவரி மாதங்களில் அதிக லாபம் கிடைக்கும். புது ஒப்பந்தங்கள் கையெழுத்தாகும். வெளிநாட்டில் இருப்பவர்கள் உதவுவார்கள். கூட்டுத்தொழிலில் கொஞ்சம் வளைந்து கொடுத்து போகவும்.

உத்தியோகஸ்தர்களுக்கு

ணியில் வேலைப்பளு கூடும். அலுவலகத்தில் மற்றவர்களின் பணிகளையும் சேர்த்துப் பார்க்கவேண்டி வரும். மேலதிகாரிகளிடம் கவனம் தேவை. அதேநேரம் உயரதிகாரிகள் உங்களைப் புரிந்துகொள்வார்கள். அவர்களின் ஆதரவு கிடைக்கவும் வாய்ப்பு உண்டு. ஜனவரி - பிப்ரவரி மாதங்களில் புதிய பொறுப்புகள் வந்து சேர வாய்ப்பு உண்டு. முக்கிய ஆவணங்களைக் கையாள்வதிலும், அவற்றில் கையெழுத்துப் போடுவதிலும் மிகுந்த கவனம் தேவை.

மொத்தத்தில் இந்தக் குருப்பெயர்ச்சி, சுற்றி இருப்பவர்களின் சுயரூபத்தை அறியவைப்பதுடன், வாழ்வில் முன்னேற மாறுபட்ட அணுகுமுறை தேவை எனும் பாடத்தைத் தருவதாக அமையும்.

முழுமையான குருப்பெயர்ச்சி பலன்கள் இங்கே..!