மீனம் - Guru Peyarchi Palangal 2022 - 2023 (TAMIL)

ஒவ்வொரு ராசிக்காரருக்கும் குருப்பெயர்ச்சி வெவ்வேறு விதமான பலன்களை அளிக்கும். குருப்பெயர்ச்சியால் 2022-2023 ஆம் ஆண்டில் எந்த ராசிக்காரர்களுக்கு என்னென்ன பலன்கள் ஏற்படும்..? முழுமையான குருபெயர்ச்சி பலன்கள் இங்கே..!

மீனம் - குரு பெயர்ச்சிப் பலன்கள்

விளிம்பு நிலை மக்களின் முன்னேற்றத்தில் ஆர்வம் கொண்ட பண்பாளர் நீங்கள். உங்கள் ராசிக்கு 12-ம் வீட்டில் அமர்ந்து வீண் செலவுகள் அலைச்சல்களைக் கொடுத்துவந்தார் குருபகவான். இப்போது, 14.4.22 முதல் 22.4.23 வரை, ஜன்ம குருவாக இருந்து பலன் தரப் போகிறார். பொறுப்புகளும், வேலைச்சுமையும், தேடலும் அதிகரிக்கும்.

சிற்சில தருணங்களில் அதிகாரப் பதவியில் இருப்பவர்களை எதிர்க்கும் சூழல் வரலாம். உங்களால் கொடுத்த வாக்கைக் காப்பாற்ற இயலாத சூழல் ஏற்படலாம். ஆகவே, எவருக்கும் வாக்குறுதி அளிக்கவேண்டாம். ஜன்ம குருவாக இருப்பதால், அவ்வப்போது முன்கோபம் தலைதூக்கும். பழைய விவாதங்களை நினைத்து மனதில் விரக்தி ஏற்படும். சிலருக்கு ரத்த அழுத்த பாதிப்பு உண்டாகலாம். ஆகவே வெளி உணவுகளைத் தவிருங்கள். தலைச் சுற்றல், உறக்கமின்மை ஏற்பட வாய்ப்பு உண்டு. எனினும் பயம் தேவையில்லை. அன்றாட பழக்கவழக்கங்களை முறைப்படுத்தினால் போதும். யோகா தியானம் ஆகிய பயிற்சிகள் நன்மை அளிக்கும். அவ்வப்போது `தோற்றுவிடுவோமோ’ என்ற அவநம்பிக்கை தலைதூக்கும்; தன்னம்பிக்கையை வளர்ப்பது அவசியம். சகலமும் உங்களுக்குச் சாதகமாகும்; தெய்வ வழிபாடும் துணை நிற்கும்.

வீட்டில் வீண் சந்தேகம், ஈகோ பிரச்னையால் கணவன்-மனைவிக்குள் பிரிவு ஏற்படக்கூடும். இருவரும் ஒருவருக்கொருவர் விட்டுக்கொடுத்துப் போவது நல்லது. அதேபோல், உங்கள் குடும்ப விஷயத்தில் மற்றவர்களைத் தலையிட அனுமதிக்காதீர்கள்.

உறவுகளும் நட்புகளும் சில தருணங்களில் ஏமாற்றம் அளிப்பார்கள். உங்களின் தன்மானத்தைப் பாதிக்குமளவுக்குச் சில சொந்தபந்தங்கள் நடந்து கொள்வார்கள்; பேசுவார்கள். அவர்களின் நடவடிக்கைகளைப் பொருட்படுத்த வேண்டாம். நீங்கள் எல்லோரிடமும் அன்பு செலுத்துங்கள். சிற்சில தருணங்களில், நெருங்கியவர்களும் உங்களிடம் நடிப்பதாக எண்ணத் தோன்றும். மனதைத் தளரவிடாதீர்கள்; எப்போதும் உங்கள் இயல்புக்கு மாறான நடவடிக்கைகளில் ஈடுபட வேண்டாம். பிள்ளைகளின் எதிர்பார்ப்புகள் அதிகமாகிக் கொண்டே போகும். யாருக்கும் பணம், நகை வாங்கித் தருவதில் குறுக்கே நிற்க வேண்டாம்.

குருபகவானின் நட்சத்திர சஞ்சாரம்...

14.4.22 முதல் 29.4.22 வரை

குரு பகவான் பூரட்டாதி நட்சத்திரத்தின் 4-ம் பாதத்தில் செல்வதால், மனச் சோர்வு நீங்கும். எந்தக் காரியத்தையும் சுறுசுறுப்புடன் செய்து முடிப்பீர்கள். சிலருக்கு வேலை கிடைக்கும். பணம் வரும். வயிற்று வலி, சைனஸ் தொந்தரவு குறையும். உத்தியோகத்தில் கூடுதல் பதவி வரும். சம்பளம் உயரும்.

30.4.22 முதல் 24.2.23 வரை

சனிபகவானின் உத்திரட்டாதி நட்சத்திரத்தில் குருபகவான் செல்வதால் தடைகள் நீங்கும். விலையுயர்ந்த பொருட்களை வாங்குவீர்கள். நீண்டகால சிக்கல்களுக்குத் தீர்வு கிடைக்கும். வீட்டு லோன் கிடைக்கும். ஷேர் மூலம் பணம் வரும். குடும்பத்தில் மகிழ்ச்சி பொங்கும். 8.8.22 முதல் 16.11.22 வரை உத்திரட்டாதி நட்சத்திரத்திலேயே குரு வக்ரத்தில் செல்வதால், ஷேர் மூலம் பணம் வரும். அலைச்சலுடன் ஆதாயமும் உண்டாகும்.

24.2.23 முதல் 22.4.23 வரை

குருபகவான் புதனின் ரேவதி நட்சத்திரத்தில் செல்வதால் நண்பர்கள், உறவினர்களுடன் மனத்தாங்கல் வரும். புதன் பாதகாதிபதியாக இருப்பதால், தாயாரின் உடல் நலனில் கவனம் தேவை. மனைவியுடன் விட்டுக்கொடுத்து போவது நல்லது.

வியாபாரத்தில்

பெரிய முதலீடுகள் வேண்டாம். அதேபோல் போட்டியாளர்களை ஒப்பிட்டுச் செயல்படாதீர்கள். உங்களுக்கான நேரம் வரும்போது சகல நன்மைகளும் தானாகவே தேடி வரும். வேலையாள்களிடம் கண்டிப்பு வேண்டாம். வாடிக்கை யாளர்களையும் மனம் கோணமல் நடத்துங்கள். புதுத் துறையில் கால் பதிக்க வேண்டாம். ஜனவரி, பிப்ரவரி மாதங்களில் லாபம் அதிகரிக்கும். அரசுக்கு செலுத்தவேண்டிய வரிகளை முறையே செலுத்தப் பாருங்கள். உணவு, கமிஷன் வகைகளால் ஆதாயம் அடைவீர்கள். பங்குதாரர்கள் அவ்வப்போது பிரச்னை செய்தாலும் இறுதியில் உங்கள் பேச்சுக்குக் கட்டுப்படுவார்கள்.

உத்தியோகத்தில்

யரதிகாரிகள் உங்களை நம்பி பெரிய பொறுப்புகளை ஒப்படைப்பார்கள். சம்பளம் உயரும். சலுகைகளும் உண்டு. சவாலான காரியங்களை எடுத்து சாதித்துக் காட்டுவீர்கள். ஜனவரி, பிப்ரவரி, மார்ச் மாதங்களில் அலுவலக சூழ்நிலை சுமுகமாக இருக்கும்.

மொத்தத்தில் இந்தக் குருப்பெயர்ச்சி, உங்கள் வாழ்வில் சில நெளிவு சுளிவுகளைக் கற்றுத் தருவதாக அமையும்.

முழுமையான குருப்பெயர்ச்சி பலன்கள் இங்கே..!