மேஷம் - Sani Peyarchi 2020 - 2023 Tamil

2020-ம் ஆண்டு டிசம்பர் 27-ம் நாள் சனிபகவான் தனுசு ராசியில் இருந்து மகர ராசிக்கு இடம் பெயர்கிறார். அதையொட்டி நடைபெறும் சனிப்பெயர்ச்சி பலன்கள் இங்கே...

சாதுர்யமாகப் பேசி சாதிப்பவர்களே!

சனிபகவானின் பார்வைப் பலன்கள்

சனிபகவானின் நட்சத்திர சஞ்சாரம்

உங்களின் பூர்வபுண்யாதிபதியான சூரியனின் உத்திராடம் நட்சத் திரத்தில் 27.12.2020 முதல் 27.12.2021 வரை சனிபகவான் செல்வதால் இக்காலக் கட்டத்தில் குழந்தை பாக்யம் கிடைக்கும். அதிகாரப் பதவியில் இருப்பவர்கள் அறிமுகமாவார்கள்.

இதற்கிடையில் 11.05.2021 முதல் 26.09.2021 வரை சனிபகவான் வக்ரத்தில் செல்வதால் பிள்ளைகளுடன் கருத்து மோதல்கள் வரக்கூடும். கர்பிணிப் பெண்கள் இக்காலக்கட்டத்தில் பயணங்களை தவிர்ப்பது நல்லது. அரசு விவகாரங்கள் மற்றும் வழக்குகள் வேண்டாம். அரசுக்கு செலுத்த வேண்டிய வரிகளை தாமதமின்றி செலுத்துங்கள். அரசு அனுமதி பெறாமல் வீடு கட்ட வேண்டாம்.

உங்களின் சுகாதிபதியான சந்திரனின் திருவோணம் நட்சத்திரத்தில் 28.12.2021 முதல் 26.01.2023 வரை சனிபகவான் செல்வதால் சிலர் புதிதாக சொத்து வாங்குவீர்கள். தாயாருக்கு இருந்து வந்த மூட்டு வலி, முதுகு வலி நீங்கும். வாகனப் பழுது சரியாகும். சிலர் புது வாகனம் வாங்குவீர்கள். இதற்கிடையில் 25.05.2022 முதல் 09.10.2022 வரை சனிபகவான் வக்ரத்தில் செல்வதால் வாகன விபத்துகள், வீடு, வாகனப் பராமரிப்புச் செலவுகள், மனக்குழப்பங்கள், தாயாருக்கு மருத்துவச் செலவுகள் வந்து நீங்கும்.

உங்களின் ராசிநாதனான செவ்வாயின் அவிட்டம் நட்சத்திரத்தில் 27.01.2023 முதல் 19.12.2023 வரை சனிபகவான் செல்வதால் வேகமாகவும், விறுவிறுப்பாகவும் செயல்பட்டு சில வேலைகளை முடிப்பீர்கள். உங்களின் நிர்வாகத் திறமைக் கூடும். எதிர்ப்புகள் குறையும். சகோதரங்களுக்கிடையே இருந்து வந்த கசப்புகள் நீங்கும். என்றாலும் துக்கம் குறையும். செரிமானக் கோளாறு வந்து நீங்கும். இதற்கிடையில் 27.06.2023 முதல் 23.10.2023 வரை இக்காலக்கட்டத்தில் சனிபகவான் வக்ரமடைவதால் தைரியமாக சில காரியங்களை முடிப்பீர்கள். சொத்துப் பிரச்னைகள் முடிவுக்கு வரும். பெரிய பதவிக்கு தேர்ந்தெடுக்கப்படுவீர்கள்.

மேஷ ராசிப் பெண்களே...

மேஷராசியைச் சேர்ந்த பெண்களுக்கு, 27.12.2020 அன்று நிகழும் சனிப்பெயர்ச்சியால் நல்ல பலன்களே ஏற்படப்போகின்றன. அடுத்த இரண்டரை வருடங்களுக்கு சகல விஷயங்களிலும் உங்களின் அணுகுமுறை வெற்றியை ஈட்டித் தருவதாக அமையும். மனத்தில் புது நம்பிக்கை பிறக்கும்.

உங்கள் ராசிக்கு 10-ம் இடத்தில் அமரப் போகிறார் சனி பகவான். 10-ல் சனி பகவான் எனில் காரிய பங்கம் நேரிட வாய்ப்புள்ளதே என்று கவலை வேண்டாம். உங்கள் ராசிக்கு சனி பகவான் ஜுவனாதி பதியும், லாபாதிபதியுமாகத் திகழ்கிறார். அவர் சொந்த வீட்டில் ஆட்சி பெற்று அமரப் போகிறார். ஆகவே யோக பலன்களே தருவார் என்கின்றன ஜோதிட நூல்கள்.

இல்லத்தரசிகளே! உற்சாகமே இல்லாமல் சோர்வாகவும், சலிப்பாக வும் இருந்தீர்களே! இனி கலகலப்பாக பேசுவீர்கள். ஆகவே, சோர்வும் தாழ்வு மனப்பான்மையும் நீங்கி உற்சாகம் அடைவீர்கள். கணவர் சகல விஷயங்களை உங்களுடன் பகிர்ந்துகொள்வார். உங்கள் ஆலோசனைக்கு முக்கியத்துவம் அளிப்பார்.

கணவன்- மனைவிக்கு இடையே இருந்து வந்த வீண் சந்தேகம், பிரச்னைகள் அனைத்தும் தீரும். உங்களின் பிள்ளைகள் உங்களைப் புரிந்துகொள்வார்கள். அவர்களின் எதிர்காலம் குறித்த வீண் கவலைகள் அனைத்தும் விலகும். நீங்கள் தொட்டதெல்லாம் துலங்கும். குடும்பத்தில் இனி உங்கள் வார்த்தைக்கு மதிப்பு, மரியாதை கூடும்.

நீங்கள் வேலைக்குச் செல்லும் பெண்கள் எனில், அலுவலகத்தில் உங்களின் நிர்வாகத் திறமை கூடும். உங்களின் வெற்றிகரமான திட்டங்களைக் கண்டு மேலதிகாரிகள் வியப்பார்கள். நீங்கள் எதிர்பார்த்தபடி பதவி உயர்வும் சம்பள உயர்வும் வந்து சேரும்.

மேஷ ராசியைச் சேர்ந்த கன்னிப்பெண்களே, உங்களின் திருமண விருப்பம் நீங்கள் நினைத்தபடி நிறைவேறும். கல்யாண விஷயத்தில் இருந்து வந்த தடைகள் நீங்கும். உங்களின் மனத்துக்குப் பிடித்தமான கணவர் அமைவார். வீட்டில் பார்க்கும் வரன் நல்லபடியாக உங்களின் கரம் பிடிப்பார். ஊரே மெச்சும்படி கல்யாணம் கோலாகலமாக நடந்தேறும்.

மேஷ ராசி வியாபாரிகளே...

இதுவரையிலும் 9-ம் இடத்தில் அமர்ந்திருந்து கடன் பிரச்னை, வீண் மனக்கவலைகள் என உங்களைத் திணறவைத்திருப்பார் சனி பகவான். தற்போது 27.12.2020 முதல் உங்கள் ராசிக்குப் பத்தாம் இடத்தில் அமர்ந்து அடுத்த இரண்டரை வருடங்களுக்குப் பலன் தரப் போகிறார்.

உங்கள் ராசிக்கு லாபாதிபதியும் ஜீவனாதிபதியுமான சனிபகவான் இந்தப் பெயர்ச்சியில் மகர ராசிக்குப் பெயர்கிறார். அது சனி பகவானின் சொந்தவீடு. ஆக, சொந்த வீட்டில் சனிபகவான் ஆட்சி பெற்று அமர்வதால், உங்களுக்கு லாப பலன்களையே அருள்வார்.

இதுவரையிலும் எதைத் தொட்டாலும் எதிர்பார்த்த வெற்றி இல்லையே எனச் சோர்ந்து கிடந்த நீங்கள், இனி சுறுசுறுப்பு அடைவீர்கள். தொழில் போட்டியாளர்களை லாகவமாகச் சமாளிப்பீர்கள். உங்களின் அணுகுமுறைகளால் அவர்கள் திணறு வார்கள்.

உங்களில் சிலர் பழைய கடையை புதுப்பித்து விரிவுப்படுத்துவீர்கள். புதிய அனுபவங்கள் மூலம் வியாபாரத்தில் நெளிவு, சுளிவுகளைக் கற்றுக்கொள்வீர்கள். தொழிலில் நீங்கள் ஆவலுடன் எதிர்பார்த்துத் தள்ளிப்போன ஒப்பந்தங்கள் மீண்டும் கைக்கு வரும்.

வாடிக்கையாளர்களை அதிகப்படுத்தும் விதம் புதிய யுக்திகளோடு விளம்பரங்கள் செய்து வெற்றி பெறுவீர்கள். அதேநேரம், உங்களிடம் பணிபுரியும் வேலையாட்களிடம் அதிகம் கெடுபிடி வேண்டாம். அவர்களிடம் விட்டுக்கொடுத்துப் போகவும். அவர்களின் தவறுகளைப் பொறுமையாகச் சொல்லி புரியவைக்கவும்.

கண்ணாடி, துணி, பெட்ரோல், டீசல் மற்றும் கட்டுமானப் பொருள்களால் நீங்கள் லாபம் அடைவீர்கள். இவை சார்ந்த தொழிலைக் கையில் எடுங்கள். கூட்டுத் தொழிலில் விலகிச் சென்ற பங்குதாரர்கள் மீண்டும் வருவார்கள்.

மேஷ ராசி உத்தியோகஸ்தர்களே...

மேஷ ராசியைச் சேர்ந்த உத்தியோகஸ்தர்களுக்கு, இந்தப் பெயர்ச்சி காலம் பெரும்பாலும் ஏற்றங்களைத் தரும் காலம்தான்.

ஜீவனாதிபதியும் லாபாதிபதியுமான சனி பகவான் மகரத்தில் அமர்வதால் உயர்வு உண்டு. சனி பகவான் சொந்த வீட்டில் ஆட்சி பெற்று அமர்வது உங்களுக்குச் சாதகமே. எதிர்பாராத உயர்வுகளை அளித்து உங்களைச் சந்தோஷப் படுத்துவார்.

அதேநேரம், வீண் அலட்சியம் கவனக்குறைவு ஆகியவற்றை நீங்கள் தவிர்க்கவேண்டும். சில பணிகளை நீங்களே முன்னின்று முடிப்பது நல்லது. அடுத்தவரை நம்பி ஒப்படைக்கவேண்டாம். அதேபோல் அநாவசியமாக விடுப்பு எடுப்பதையும் தவிருங்கள். இதுபோன்ற செயல்கள், மேல் அதிகாரிகளுக்கு உங்கள் மீது வெறுப்பை ஏற்படுத்த வாய்ப்பு உண்டு.

வேலை பார்க்கும் இடத்தில் பணிகள் அதிகரிக்க வாய்ப்பு உண்டு. சில பணிகளைப் போராடி முடிக்கவேண்டியது இருக்கும். ஆனாலும் அதன் பொருட்டு சலித்துக்கொள்ள வேண்டாம். மற்றவர்களிடம் புலம்புவதும் வேண்டாம். விரைவில் புதிய - முக்கியமான பொறுப்புகளில் நீங்கள் அமரத்தபட வாய்ப்பு உண்டு. ஆகவே, பொறுமை மிக அவசியம்.

மேலதிகாரி உங்களுக்கு மிகவும் உதவிகரமாக இருப்பார். முக்கியமான விஷயங்களில் அற்புதமான வழிகாட்டலையும் வழங்குவார். பயன்படுத்திக்கொள்ளுங்கள்.

சக ஊழியர்களின் சொந்த விஷயங்களில் மூக்கை நுழைக்காதீர்கள். முக்கிய பதிவேடுகளைக் கவனமாகக் கையாளுங்கள்.

சிலருக்கு திடீர் இடமாற்றங்கள் நிகழ வாய்ப்பு உண்டு. அது உங்களுக்குச் சாதகமாகவே அமையும். அதேபோல் பணியிடத்தில் புதிய சலுகைகளும் சம்பள உயர்வும் வந்துசேரும்.

வாட்ஸ்அப், முகநுல் போன்ற சமூக வளைதலங்களில் அதிகாரிகள் மற்றும் அலுவலக விஷயங்களைப் பகிர்ந்துகொள்ள வேண்டாம்.

மொத்தத்தில் இந்தச் சனிப்பெயர்ச்சி, யதார்த்தமான முடிவு களாலும் விட்டுக்கொடுத்துப் போகும் அணுகுமுறையாலும் உங்களை வெற்றி பெற வைப்பதாக அமையும்.

பரிகாரம்: