ஜோக்ஸ் - 3
ஓவியங்கள்: கண்ணா
“அடடே, கரன்ட் போயிருச்சே! ‘அதை’ எடு!’
“நீங்க தேர்தல் அதிகாரியா இருந்திருக்கலாம். அதுக்காக இப்படியா... அதுதான் தேர்தல் முடிஞ்சுபோச்சே, டார்ச்சை எடு’ன்னு சொல்ல வேண்டியதுதானே!”
- கி.ரவிக்குமார்
‘`ஏதோ ஒரு வேகத்தில் நாங்கள் அள்ளிவிட்ட வாக்குறுதிகள் நிறைவேறும் என்று நினைக்கும் அளவுக்கு நீங்கள் விவரம் தெரியாதவர்களல்ல..!’’
- ரியாஸ்
“அங்கே பாண்டி ஆடுற குழந்தை நம் தலைவரோட பேத்தின்னு எப்படிச் சொல்ற?!”
“ரைட்டான்னு கேட்கறதுக்கு பதிலா ரெய்டான்னு கேட்குதே...!”
- கோவை.நா.கி.பிரசாத்
“போர்க்களத்திலிருந்து துவையல், வறுவல், ஒத்தடம் என்று குறுஞ்செய்தி அனுப்பியுள்ளாரே மன்னர்?’’
“அவரை எதிரி மன்னன் வறுத்தெடுத்து, அடித்துத் துவைத்ததையும், வலி தீர ஒத்தடம் தேவைப்படும் என்பதையும் நாசூக்காகத் தெரியப்படுத்துகிறார்.’’
- தஞ்சை சுபா
“எண்ணிப் பாருங்கள் தொண்டர்களே..!”
“எண்ணிப் பார்த்தாச்சு தலைவரே. கூட்டத்துல ஒருத்தன்தான் உட்கார்ந்திருக்கான்!”
- கோவை.நா.கி.பிரசாத்
“இந்த கண்டக்டர் தேர்தல் பணிக்குப் போயிட்டு வந்தவராம்!”
“இருக்கட்டும்... அதுக்காக சில்லறை பாக்கி தர வேண்டியவங்களுக்கு விரல்ல மை வைக்கிறது டூமச் சார்.”
- அதிரையூசுப்
“புதிய வாக்காளர்கள் நமக்குத்தான் ஓட்டு போட்டிருப்பாங்க!”
“அவங்க போட்டிருந்தாதான் உண்டு. பழைய வாக்காளர்களுக்கு நம்மளைப் பத்தி நல்லா தெரியுமே தலைவரே!”
- அஜித்
“இந்த சம்மர்ல இதுவரைக்கும் போகாத இடத்துக்கு எங்கேயாவது போகணும்னு தோணுது!”
“தொகுதிக்குப் போலாம் தலைவரே!”
- அஜித்
“அந்த நடிகர் தன் கட்சி ஆபீஸ் திறப்பு விழாவை வித்தியாசமா பண்ணியிருந்தார்.”
“எப்படி?”
“தேங்காய்க்குப் பதிலா 108 டிவி உடைச்சார்.”
- அதிரையூசுப்
“எங்கள் தலைவரைப் பார்த்து நல்லவரா எனக்கேட்கும் எதிர்க்கட்சியினருக்கு ஒன்றைத் தெரிவித்துக்கொள்கிறேன்... அவர் ஜெயிலிலேயே நன்னடத்தை கருதி விடுவிக்கப்பட்டவர் என்பதை..!”
- கோவை.நா.கி.பிரசாத்
“என் மச்சான் இருக்கிற இடத்துல கிடைக்காத பொருளே இல்லையாம்..!”
“அப்படி எந்த ஜெயில்ல இருக்காரு அவர்..?”
- வி. ரேவதி, தஞ்சை
“எதுக்காக அந்த வீட்டுல பூட்டை உடைச்சுத் திருடினே..?”
“சாவி செய்றதுக்கெல்லாம் எங்க எசமான் நேரம் இருக்கு... ரொம்ப டைட் ஷெட்யூல்...”
- யுவகிருஷ்ணா