ரஜினிக்கு பாயசம்... செளந்தர்யாவுக்கு ஃப்ரைடு ரைஸ்!

"ராம்குமார் சார் குடும்பத்துக்கும் எங்களுக்கும் ரொம்ப நல்ல பழக்கம். ஏழு வருஷம்

முன்னாடி அவரோட பொண்ணு ஆர்த்தி கல்யாணத்துக்கு நான்தான் சமையல். 'என் பையன் அஸ்வின் கல்யா ணத்துக்கும் உங்க சமையல்தான்'னு ராம்குமார் சார் அப்பவே சொல்லிட்டார். அப்படியே, அஸ்வினின் கல்யாண வேலைகள் ஆரம்பிச்சதும் என்னைக் கூப் பிட்டு பொறுப்பை ஒப்படைச்சார். மெனு பத்தி விசாரிச்சவர், 'எதுக்கும், நீங்க சம்பந்தியை பார்த்துப் பேசிட்டு வந்துருங்க. அவங்க எதுவும் சொன்னா, அதையும் சேர்த்துக்கலாம்!'னு சொல்லி அனுப்பினார். நான் போய் நின்ன இடம், ரஜினி சார் வீடு. ஆச்சர் யத்துல மலைச்சுப் போயிட்டேன். அவர் பொண் ணுக்கு அஸ்வினைக் கல்யாணம் பண்ணிக் கொடுக்கி றாங்கன்னு அப்பதான் எனக்குத் தெரியும். எனக்குப் பேச்சே வரலை. ஆனா, ரஜினி சார் கடகடன்னு பல விஷயங்கள் சொல்றார். நான் அசந்தே போயிட் டேன்!"- இன்னமும் அதிர்ச்சி, மகிழ்ச்சி விலகாத பூரிப்பில் பேசத் துவங்குகிறார் குமார்.

'அறுசுவை அரசு' நடராஜனின் மகன் குமார்தான் ரஜினி மகள் சௌந்தர்யாவின் கல்யாணப் பந்திக்குப் பொறுப்பு. இரு தரப்பினருக்கும் முன்னரே அறிமுகமான குமார், கல்யாண மெனுவில் ஸ்பெஷலாக இடம் பெற வேண்டும் என்று ரஜினியே குறிப்பிட்டுச் சொன்ன பதார்த்தம் முதல், மாப்பிள்ளையும் பெண்ணும் விரும்பிக் கேட்ட சங்கதி கள் வரை விவரிக்கிறார்.

"எங்கப்பா சமையலுக்கு ரஜினி சார் ரசிகர். அதனால், அவரோடு ஏற்கெனவே எனக்கு அறி முகம் உண்டு. இதுக்கு முன்னாடியும் அவர் வீட்டு விசேஷங்களுக்கு நான் சமைச்சிருக்கேன். ஆனா, மாப்பிள்ளை வீட்டுக்காரங்களுக்கும் நான் பழக் கம்னு தெரியவும் ரஜினி சாருக்கு ரொம்பச் சந்தோ ஷம். 'மாப்பிள்ளை வீட்டுக்காரங்க என்னல்லாம் சொல்றாங்களோ, அதுபடியே செஞ்சிடுங்க. கல் யாணத்துக்கு முந்தின நாள் பெங்களூர்ல இருந்து என் ஆரம்ப கால நண்பர்கள், சக ஊழியர்கள், வேண்டப்பட்டவங்கன்னு நிறை யப் பேர் வருவாங்க. அன்னிக்கு மட்டும் வெஜிடபிள் பிரியாணி, செரோட்டி இருந்தா, நல்லா இருக்கும். செய்ய முடியுமான்னு பாருங்க. அப்புறம் பால் பாயசம் நிச்சயம் வேணும். எனக்கே அது ரொம்பப் பிடிக்கும். அதை மட்டும் செய்ய மறந்துராதீங்க... ப்ளீஸ்!'னு கேட்டுக்கிட்டார்.

இதுக்கு முன்னாடியே ஒரு தடவை, ரஜினி சாரோட திரு மண நாள் விழாவுக்குச் சமைக் கிற வாய்ப்பு எங்களுக்குக் கிடைச்சது. அப்போ பந்தியில் சாப்பிட உட்கார்ந்த ரஜினி, மத்த எல்லா பதார்த்தத்தையும் ஒதுக்கிவெச்சுட்டு, பால் பாயசத் தைத் திரும்பத் திரும்பக் கேட்டு வாங்கிச் சாப்பிட்டார். அந்த ருசி தந்த மயக்கமோ என்னவோ, இப்ப அவரோட மகள் கல்யா ணத்துக்கும் பால் பாயசம் வேணும்னு சொல்லி இருக் கார்.

ரஜினி சார் ஒரு அயிட்டத்தோட திருப்தி அடைஞ்சுட்டார். ஆனா, லதா மேடம் அப்படி இல்லை. வரிசையா இலைகொள்ளாத அளவுக்கு ஏகப்பட்ட அயிட்டங்களை அடுக்கிட்டாங்க. ஆயிரக்கணக்கான பேர் வருவாங்க கல்யாணத் துக்கு. வர்ற ஒவ்வொருத்தருக்கும் நிச்சயம் பிடிக்கிற ஏதோ ஒரு அயிட்டம் இலையில் இருக்கணும். அதே சமயம் பாரம்பரிய சுவையையும் விட்டுக் கொடுத்துரக் கூடாது. கல்யாணத்துக்கு முந்தின நாள் அக்காரவடிசல், தயிர்வடை, சாத்தமதுனு அய் யங்கார் சமையல் வகைகளும் அவசியம் இருக்கணும்'னு சொன்னார்.

கல்யாணப் பொண்ணு சௌந்தர்யா, 'எனக்கு ஃப்ரைடு ரைஸ்தான் ரொம்பப் பிடிக்கும்'னு சொன்னாங்க. மாப்பிள்ளை அஸ்வின் சின்ன வயசுல இருந்தே எனக்குப் பழக்கம். அதனால ரொம்ப உரிமையா, 'அங்கிள் சோன்பப்டி, மால் புவாவைக் கண்டிப்பா மெனுவில் சேர்த்துடுங்க! எங்க பாட்டி ஜாங்கிரி ரொம்பப் பிரமாதமா சுத்துவாங்க. அதைச் சாப்பிட்டுச் சாப்பிட்டுப் பழகிட்டேன். அதனால ஜாங்கிரியும் சேர்த்துக்குங்க'ன்னு சொன்னார்.

இன்னும் ரெண்டு தரப்பு சொந்தக்காரங்களோட விருப்பங்களைக் கேட்கவும் மெனு லிஸ்ட் மைல் கணக்கில் நீண்டுருச்சு. இதுவரை இப்படி ஒரு கல்யாணத்துக்கு நாங்க சமைச்சது இல்லைன்னு சொல்ற அளவுக்கு ரொம்ப தட புடல் விருந்து உபசாரமா இருக்கும். எங்களுக்கே இது பெரிய சவால்தான். ஆனா, ரொம்ப ஆனந்தமா எங்க வீட்டுக் கல்யாணம் கணக்கா வேலை பார்த்துட்டு இருக்கோம். கட்டாயம் நீங்களும் கல்யாணத்துக்கு வந்துருங்க" என்று ஆசை ஆசையாக அழைக்கிறார் குமார்!