ஸ்ரீதேவி ஹாட்... ஸ்ருதி ஹாட்டர்... ஜெனிலியா ஹாட்டஸ்ட்!

'ஹோட் கூட்டூர்' ஃபேஷன் ஷோ என்றாலே ஹாட்... ஹாட்டர்... ஹாட்டஸ்ட் என்று அர்த்தம்!

அடுத்ததாக உலகத்தில் எதெல்லாம் ஃபேஷனாக மாற வாய்ப்பிருக்கிறது என்று தொலைநோக்கோடு சிந்தித்து அதை டிரெயிலராகக் காட்டுவதுதான் இந்த ஃபேஷன் ஷோ.

இந்த ஃபேஷன் வெப்பமயமாக்கலால் சென்ற வாரம் சூடேறிப்போனது மும்பை.

ஷாரூக், அமீர், சல்மான், ரன்பீர், கரீனா, கரீஷ்மா என பாலிவுட்டின் கான்களும் கபூர்களும் ராம்ப் வாக்கில் ஆஜர் ஆகிக் கலக்கல் காஸ்ட்யூமில் தூள் கிளப்பினார்கள். இந்தியாவின் டாப் மோஸ்ட் ஃபேஷன் டிசைனர்களின் கலெக்ஷன்களை பாலிவுட் நடிகைகள் அணிந்து நடந்து வந்தார்கள். சினிமாவும் மாடலிங்கும் கைகோத்தால் என்ன கிடைக்கும்? படா கிளாமர்!

மானவ் காங்க்வானியின் ஒரு கோடி ரூபாய் ஸ்பெஷல் ஃபேன்ஸி ஆடைக்கு ஃபேன்டஸி நடை நடந்து வந்தது ஸ்ருதி கமல். இந்த ஷோவிலேயே செக்ஸி குயின் ஸ்ருதிதான் என்று அத்தனை பாலிவுட் பிரபலங்களும் புகழ்பாட, ஸ்ருதி முகத்தில் வெட்கம் கலந்த பெருமிதம்!

ஸ்ருதிக்குப் போட்டியாக கிளாமரில் பின்னியது... ஜெனிலியா! கறுப்பு நிற ஆடையுடன் தொடை அழகை ஜெனிலியா காட்ட, 'நம்ம ஜென்னியா... இவ்வளவு கிளாமராவா?' என வாய் பிளந்து நின்றது கூட்டம்!

பிரபல வடிவமைப்பாளர் க்யூனி டோடியின் நகை கலெக்ஷன்களுடன் கறுப்பு உடையில் ஸ்ரீதேவி நடந்து வர... அரங்கத்தில் விசில்ல்ல்ல்ல்ல்!
'இன்னும் சிக்கென்று இருக்கிறார் ஸ்ரீதேவி. இன்று இரவு என்னால் நிம்மதியாகத் தூங்க முடியாது' என்று ஓப்பன் கமென்ட் அடித்தது... சிக்ஸர் சிங்கம் யுவராஜ்சிங்!

'பீயிங் ஹியூமன்' என்னும் தன் தொண்டு நிறுவனத்துக்காக ஸ்பெஷல் ஷோ ஏற்பாடு செய்திருந்தார் சல்மான் கான். துணையாக அமீர்கான். சல்மான், அமீருடன் 'ராம்ப்'பில் ஸ்பெஷல் கேட் வாக் நடந்து வந்தார் கேத்ரீனா கைஃப். சல்மான் தன் கையாலேயே வரைந்திருந்த துறவி படம் பிரின்ட் செய்த ஆடை அணிந்திருந்தார் கேத்ரீனா கைஃப். கிட்டத்தட்ட இரண்டு மாதங்கள் தூங்காமல் சல்மான் வரைந்த ஓவியமாம் அது!

பாலிவுட் இயக்குநர் கரண் ஜோஹர் இந்த நிகழ்ச்சியில் ஃபேஷன் டிசைனர் அவதாரம் எடுத்திருந்தார். அவர் டிசைன் செய்த ஆடைக ளோடு ராம்ப் வாக்கினார் ஷாரூக்கான். கூட நடந்து வந்தது... ஃபேஷன் வரலாற்றில் முதல்முறை யாக ஷாரூக்கின் மனைவி கௌரி.

குடும்பமாக ராம்ப் வாக் வருவதாகச் சொல்லி இருந்தார்கள் பச்சன் குடும்பத்தினர். மொத்தக் குடும்பமும் கடைசி நேரத்தில் மிஸ் ஆனதால், மொத்த ரசிகர்களும் அப்செட்!