சினிமா விமர்சனம்: போக்கிரி

வி ஜய் உடம்புக்கு இது பழைய கமல் ஸ்டைல் ‘காக்கிச் சட்டை’. டெய்லர்... அட, நம்ம பிரபுதேவா!

காசு கொடுத்தால், காட்டுகிற ஆளைப் போட்டுத் தள்ளுகிற போக்கிரியாக விஜய். இன்டர்நேஷனல் தாதா பிரகாஷ்ராஜுக்கும் லோக்கல் தாதா ஆனந்தராஜ் குரூப்புக்கும் இடையே பவர் வார். தனி ஆவர்த்தன தாதாயிஸம் பண்ணும் விஜய், கொடுக்கிற காசுக்கு இரண்டு குரூப் ஆட்களையும் ரவுண்டு கட்டிக் காலி பண்ணுகிறார். ‘இவ்வளவு கொடூரமான ரௌடியா?’ எனக் காதலி அசினையே திகைக்க வைக்கும் விஜய் உண்மையில் யார் என்பதே க்ளைமாக்ஸ்!

தெலுங்கில் இதே பெயரிலேயே வந்து பம்பர் ஹிட்டடித்த படம். பளீர் காமெடி, ஜிலீர் ரொமான்ஸ், சுளீர் ஆக்ஷன் எனக் கச்சித காக்டெயிலாக ரீ-மேக்கியதில் கமர்ஷியல் கொடி ஏற்றியிருக்கிறார் டைரக்டர் பிரபுதேவா!

விஜய்க்குள் அசின் காதல் சிக்ஸர் அடிக்கிற அறிமுகக் காட்சி, அழகு. மழைச் சாலையில் குடை மாறி குடை மாறி அசினைப் பார்ப்பதும், லிஃப்ட்டுக்குள் நடக்கிற ஜாலி ரகளையும், மின்சார ரயிலுக்குள் தடதடக்கிற (நிஜ) உப்புமா காதல் காட்சிகளுமாக இருவருக்குமான லவ் ட்ராக், ஜாலி விசில்!

அழகிலும் நடிப்பிலும் ஸ்பெஷல் பிக்-அப் கூடியிருக்கிறது விஜய்யிடம். படம் முழுக்க விஜய் காட்டும் தெனாவட்டு, ரசிக்கும்படியான ரகளை. ஆக்ஷன் காட்சிகளில் கடுமை யான உழைப்பு. கங்கிராட்ஸ்!

அப்புறம், அசின்... பெரிய ஹீரோக்கள் படத்தில் கிடைக்கிற வழக்கமான ஹீரோயின் கேரக்டர்.

அசினை விரட்டி விரட்டிக் காதலிப்பாராம் விஜய். அசினுக்குள் காதல் வந்ததும், ‘எனக்கும் உனக்கும் சரி வராது... நீ வேறு நான் வேறு!’ என்று பிரியப் பார்ப்பாராம். இது எந்த ஊரு நியா யங்ணா?

படத்தில் விஜய் போக்கிரி என்றால், வடிவேலு ஜோக்கிரி. குங்ஃபூ மாஸ்டராக அவரது கெட்டப்பே தனிக்காமெடி! குரங்கு பொம்மை கேட்பது, சூர்யா கெட்டப்பில், ‘சுட்டும் விழிச் சுடரே...’ ஆடுவது என பார்ட்டி வந்தாலே, தியேட்டரில் பண்டிகை உற்சாகம்.

ரீலுக்கு ரீல் சண்டைகள், ஸீனுக்கு ஸீன் கொலைகள் என சத்தமும் ரத்தமும் ரொம்ப ஜாஸ்தி! வீடியோ கேம்ஸில் பாயின்ட் சேர்ப்பது மாதிரி பார்த்தவர்களை எல்லாம் விஜய் போட்டுத் தள்ளும் காட்சிகளைக் கணிசமாகக் குறைத்திருக்கலாம்.

‘அது எப்படி, இது ஏன்?’ என்று எந்த லாஜிக் கேள்வியும் கேட்கக் கூடாது. காதில் வைத்துக்கொள்ள ஆளுக்கொரு பொக்கே தந்துதான் படத்தையே ஆரம்பிக்கிறார்கள். அப்புறம், அந்த லோக்கல் எஸ்.ஐ-யின் வில்லத்தனங்கள் ரொம்பவே அலுப்பு!

போலீஸ் கஸ்டடியில் தூங்க முடியாமல் தவிக்கும் பிரகாஷ் ராஜின் அலம்பல், வில்லக் காமெடி.

நீரவ்ஷாவின் ஒளிப்பதிவு, கச்சிதம்! ஆக்ஷன் காட்சிகளில் அரையிருளில் சுழல்வதும், காதல் காட்சிகளில் கவிதை எழுதுவதுமாக ஃப்ரேம் பை ஃப்ரேம் படு அழகு!

விஜய்-பிரபுதேவா போன்ற ஒரு காம்பினே ஷனுக்கு மணிசர்மாவின் இசை பத்தாத பந்தி. ‘மாம்பழமாம் மாம்பழம்’ பாட்டும், ‘வசந்த முல்லை போலே’ பாடலின் சாயலோடு ரீ-மிக்ஸில் துவங்கி அழகான டூயட் டாக மாறுகிற பாட்டும் கேட்கிற ரகம்!

விஜய் ரசிகர்களுக் கேத்த ஆக்ஷன் பொங்கல். வன் முறையைக் கொஞ்சம் குறைத்திருந்தால், போக்கிரி இன்னும் அழுத்தமாக மனசுக்குள் இடம் பிடித்திருப்பான்!