சரோஜாதேவிதான் காரணமா?

இப்போ நாம உபயோகப்படுத்திட்டு இருக்கிற பல ஆப்ஸ்கள்  பழைய நடிகர்களோட இன்ஸ்பிரேசன்ல  இருந்துதான் தயாரிச்சிருப்பாங்களோனு அடிக்கடி டவுட் வருது மக்களே!

•  ‘யூ ஆர் அண்டர் அரெஸ்ட். உங்களை நான் கைது செய்றேன்’ தொடங்கி ‘யூ கேன் கோ. நீங்க போகலாம்’னு தமிழ்லேயும் இங்கிலீஷ்லேயும் மாறி மாறி ட்ரான்ஸ்லேட் பண்ணி சப் டைட்டில் இல்லாமலே ஆங்கிலோ-தமிழ்  படம் காட்டின மேஜர் சுந்தர்ராஜனை வெச்சிதான் ட்ரான்ஸ்லேட்டர் அப்ளிகேசன் கொண்டு வந்துருப்பாங்களோ? ஆம் ஐ ரைட்? நான் சரியாத்தான் சொல்றேனா?

• வரலாறுகள், புராணக்கதைகளைலாம் பட்டனைத் தட்டினா சட்டுனு சொல்ற ஆப்ஸ்கள், ‘மகாபாரதத்திலே துரியோதனன் ஒருநாள் என்ன பண்ணினான்னா’, ‘இந்த ராமாயணத்துல ராமர் ஒருநாள் என்ன பண்ணலைனா’னு ஃபிங்கர் டிப்ஸ்ல அள்ளித் தெளிக்கிற சிவகுமார்கிட்டே இருந்துதான் தோன்றியிருக்குமோ?

• ‘இதுக்குதான் நான் அப்பவே சொன்னேன். இதைத்தான் நான் அப்பவே சொன்னேன்’னு நாக்குக்கு நானூறு தரம், மூச்சுக்கு முன்னூறு தரம் படங்கள்ல சொல்ற வி.கே ராமசாமியோட டயலாக்கை மைண்ட்ல வெச்சுதான் ரிமைண்டர் அப்ளிகேசன்னு ஒரு விஷயமே உதிச்சுருக்குமோனு இப்போ அடிக்கடி உதிக்குது. ஹ்ம்ம்... இதுக்குத்தான் அவர் அப்பவே சொல்லியிருப்பார் போல.

• சந்து, பொந்து, இண்டு இடுக்கெல்லாம் புகுந்து பிகாசுவை கரைக்டா தேடிப்பிடிக்கிற அக்கப்போரு அலப்பறைலாம் கொண்ட இந்த ‘போக்கிமான் கோ’ வைலாம் துப்பே கிடைக்காத இடத்துலகூட துப்பாக்கியை எடுத்துக்கிட்டுப் போய் தூர்வாரி திருடனைப் பிடிக்கிற தென்னகத்தின் ஜேம்ஸ்பாண்ட் ஜெய்சங்கரோட படத்தைலாம் வெறித்தனமா பார்த்த யாரோதாங்க கண்டுபிடிச்சுருக்கணும்.

• பெட்ரூம்ல பழைய படங்கள்ல எல்லாம் சரோஜாதேவி கண்ணாடியைப் பார்த்துப் பார்த்து அவங்களாகவே சந்தோசப்படுறதோட பரிணாம வளர்ச்சிதான் இந்த செல்ஃபி புள்ள குரூப்புகளோனு எனக்கு மட்டும் இல்லை. சரோஜாதேவி ரசிகர்களுக்கே டவுட்டு இருக்காம்.

• பழைய படங்கள்ல மாறு வேஷம் என்கிற பேர்ல மருவையும் மச்சத்தையும் வெச்சிக்கிட்டு ஒட்டு மீசையையும், ஒரு பக்க கண்ல கறுப்புத்துணியையும் கட்டிக்கிட்டு வந்து கெட்டப் சேஞ்சுல(!) டஃப் கொடுக்கிற ஆர்.எஸ்.மனோகர், அசோகன் குரூப்புகளைலாம் பார்த்துதான் போட்டோ எடிட்டிங் ஆப்லாம் பொறந்திருக்குமோனு நினைக்கத் தோனுமா தோனாதா, நீங்களே சொல்லுங்க.

• தங்கவேலு ஒளிஞ்சு நின்னுக்கிட்டு பாட்டுப் பாட அந்தப் பாட்டுக்கு வாயசைச்சு, தான் பாடுவதாக டி.ஆர். ராமச்சந்திரன் பெர்ஃபார்மன்ஸ் பண்ணி இம்ப்ரஸ் பண்ண ட்ரை பண்ணுகிற ‘கண்ணாலே பேசி பேசிக் கொல்லாதே’ பாட்டை எப்போதோ ஒரு மத்தியான நேரத்தில் கே டி.வி-யில் கிளாஸிக் மேட்னி பார்த்த யாரோதான் இந்த டப்ஸ் மாஷ் ஆப்ஸையே கண்டிப்பா கண்டுபிடிச்சுருக்கணும். ஹிஹி!

-ஜெ.வி.பிரவீன்குமார்