மோடிஜிக்கும் மோட்டோஜிக்கும் என்ன ஒற்றுமை!

நம்ம பிரதமர் மோடிஜிக்கும் நம்ம ஆண்ட்ராய்டு போன் மோட்டோஜிக்கும் உள்ள ஒற்றுமைகள் என்னன்னு பார்ப்போமா மக்களே..? 

• மோட்டோ ஜி டபுள் சிம் கார்டு போடும் வசதி கொண்டது. மோடிஜியும் ஒரே நேரத்தில் ஜியோ சிம்கார்டுக்கு அம்பாஸிடராகவும், நாட்டை முன்னேற்றப்பாதையில் அழைத்துச் செல்லும் பிரதமராகவும் டபுள் ரோல் செய்வார்!

• மோட்டோ ஜியில் ‘ஃப்ளைட் மோடு’ வசதி உண்டு. மோடிஜியும் அடிக்கடி ஃப்ளைட் மோடுக்குச் செல்வார் என்பதை இந்தியாவே அறியும்!

• ஐபோன் மாடல் போல செம டிஸ்ப்ளே கொண்டிருப்பதால் மோட்டோஜியை பார்த்தவுடனே பிடிக்கும். ஹைபிராண்டு மாடல் போல அம்சமான காஸ்ட்யூம் போட்டு வெளிநாடுகளில் வலம் வருவதால் இவரை பார்க்கப் பார்க்க எல்லோருக்கும் பிடித்துவிடும்!

• கேமரா மட்டும் மற்ற பிராண்டுகள் போல இல்லாமல் சற்று தொங்கலாக இருப்பது மட்டும் மோட்டோஜியின் குறை! வந்த வேலையைக்கூட மறந்து கேமராவைப் பார்த்தால் உற்சாகமாக செல்ஃபிக்களை எடுத்துக்குவிப்பது மட்டுமே குறை!

• மோட்டோஜி பேட்டரி மற்ற போன்களைவிட அதிக நேரம் நின்னு பேசும். மோடிஜி மற்ற பிரதமர்களைவிட அதிக நேரம் உற்சாகமாக மேடைகளில் சார்ஜ் குறையாமல் நின்னு பேசுவார்!

• மோட்டோஜியில் 4 ஜி வரை அப்டேட்டாக பல வெர்ஷன்களில் வந்துள்ளது. மோடிஜியும் `ஜியோ-4ஜி’ சிம்கார்டு விளம்பரத்தில் நடித்து அப்டேட்டாக இருக்கிறார்.

• மோட்டோ ஜி  உள்நாட்டில் அதிகம் வியாபாரமாகும் ஒரு அந்நியநாட்டு நிறுவனம்! மோடிஜி வெளிநாட்டில் அதிகமாக  இருக்கும் ஒரு உள்நாட்டு பிரதமர்!

- சரண்ஜி