ஜோக்ஸ் - 2

"யோவ், என் கூட்டத்துக்கு வரவங்கள்ல இருந்து நாலு பேரை குலுக்கல் முறையில தேர்வு செஞ்சி பரிசு தர்றதா இருக்கேன்!"

"பரிசு தர்றது ஓகே... ஆனா, குலுக்கலுக்கு அவசியம் இருக்காது தலைவரே!"

- வீ.விஷ்ணுகுமார்

"மேடையில் கூட்டம் குறைவாக இருப்பதால், கீழே அமர்ந்துள்ள பத்துப்பேரில் ஐந்துபேர் மேடையில் வந்து அமர்ந்து சிறப்பு சேர்க்கும்படி கேட்டுக்கொள்கிறேன்!"

- வீ.விஷ்ணுகுமார்

"எதை வெச்சு தலைவர் தனக்குப் படைபலம் அதிகமாயிடுச்சின்னு சொல்றார்?"

"போன முறை போலீஸ் இவரைப் பிடிக்கும்போது அஞ்சு தனிப்படை அமைச்சாங்களாம், இந்த முறை ஏழு தனிப்படை அமைச்சுப் பிடிச்சாங்களாம், அதான்!"

- எஸ்.சுதர்ஸன்

"தொண்டர்களைச் சந்திக்க ஏற்பாடு பண்ணியாச்சா?"

"தொண்டர்களையே இப்பதான் ஏற்பாடு பண்ணிட்டிருக்கோம் தலைவரே!"

- அஜித்