ஜெயலலிதா... டாஸ்மாக்... மதுவிலக்கு... படிப்படியாக!

என்னங்க சார் உங்க சட்டம்... என்னங்க சார் உங்க திட்டம்!

‘‘பூரண மதுவிலக்குதான்  . எப்பொழுதும் நான் கொண்டுள்ள கொள்கை. தேர்தலில் வெற்றி பெற்று மீண்டும் ஆட்சி அமைத்தவுடன், மதுவிலக்குப் படிப்படியாக அமல்படுத்தப்பட்டு பூரண மதுவிலக்கு என்ற நிலை எய்தப்படும்.’’ - சட்டமன்றத் தேர்தல் பிரசாரத்தில் ஜெயலலிதாவின் புதிய முழக்கம் இது. மதுவிலக்கு திகில்தான் இப்படி வார்த்தைகளாக வந்துவிழுந்திருக்கின்றன.

‘‘டாஸ்மாக் கடைகளின் நேரம் முதலில் குறைக்கப்படும். பிறகு கடைகளின் எண்ணிக்கை குறைக்கப்படும். பின்னர் பார்கள் மூடப்படும். குடிகாரர்களை மீட்பதற்கு மீட்பு நிலையங்கள் ஏற்படுத்தப்படும்’’ என்றெல்லாம் கலர் மத்தாப்புகளைக் கொளுத்திப் போட்டிருக்கிறார் ஜெயலலிதா. ஐந்தாண்டுகள் சும்மா இருந்த அம்மாவின் தேர்தல் வாக்குறுதி பலிக்குமா? பல் இளிக்குமா?

‘‘கேளுங்கள் வாக்காளப் பெருமக்களே, உண்மையைக் கேளுங்கள். வரலாறு மக்களுக்குத் தெரியாது என்று கருணாநிதி நினைக்கிறாரா? நடந்த பழைய வரலாறுகளை மக்கள் மறந்துவிட்டார்கள் என்று நினைக்கிறார்களா?’’ - இதுவும் தீவுத்திடல் முழக்கம்தான். மதுவிலக்குக்காக இந்த ஆட்சி காட்டிய அக்கறையின் வரலாற்றை பார்ப்போம்.

டாஸ்மாக்கிற்கு பிள்ளையார் சுழி!

1991, 2001 மற்றும் 2011 என மூன்று முறை ஆட்சிக் கட்டிலில் தமிழக மக்கள் ஜெயலலிதாவை அமர வைத்தார்கள். அப்போதெல்லாம் ‘மதுவிலக்கு’ பற்றி சிந்திக்காமல் இப்போது ‘தேர்தல் போதி மர’த்தில் ஞானோதயம் பெற்றிருக்கிறார் ஜெயலலிதா. தனியார் விற்று வந்த சில்லறை மது விற்பனையை மாற்றி அரசே நடத்தும் டாஸ்மாக் கடைகளை 2003-ம் ஆண்டு நவம்பர் 29-ம் தேதி முந்தைய அ.தி.மு.க. ஆட்சி காலத்தில் ஜெயலலிதாதான் கொண்டு வந்தார்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்