கடிதம் எழுதியும் கனியாத ஸ்டாலின்... யோசிக்காமல் சேர்த்துக்கொண்ட ஜெயலலிதா...

‘கானா’ கட்சி மாறிய கதை!அரசியல்

தொடங்கிய இடத்திலேயே போய் கரைந்துவிட்டார் ‘கானா’. தி.மு.க தலைமையுடன் ஏற்பட்ட கருத்து வேறுபாடு காரணமாக கட்சியில் இருந்து நீக்கப்பட்ட கருப்பசாமி பாண்டியன், கடந்த 6 மாதங்களாக மீண்டும் தி.மு.க-வில் சேரப் பேச்சுவார்த்தை நடத்திக்கொண்டே அ.தி.மு.க-வில் சேருவதற்கும் தூதுவிட்டார். ‘அது இல்லாட்டி இது’ என்ற அவரது அரசியல் யுக்தி இந்த முறையும் அவருக்குக் கைகொடுத்திருக்கிறது. இப்போது ‘கானா’ எனப்படும் கருப்பசாமி பாண்டியன் மீண்டும் அ.தி.மு.க-வில் ஐக்கியமாகிவிட்டார். 

அவரது அரசியல் பாதை தொடங்கியது அ.தி.மு.க-வில்தான். எம்.ஜி.ஆர் மீது கொண்ட ஈடுபாடு காரணமாக அ.தி.மு.க-வில் சேர்ந்த இவர், 25-வது வயதில் ஆலங்குளம் எம்.எல்.ஏ ஆனார். ஒருங்கிணைந்த நெல்லை, தூத்துக்குடி மாவட்டத்தின் மாவட்டச் செயலாளராகக் கோலோச்சிய அவர், பாளையங்கோட்டை, தென்காசி தொகுதிகளின் எம்.எல்.ஏ-வாகவும் இருந்திருக்கிறார். அ.தி.மு.க-வில் அசைக்க முடியாத சக்தியாக விளங்கிய அவர், திடீரென தி.மு.க-வில் சேர்ந்தார். மு.க.ஸ்டாலினின் தீவிர விசுவாசியாக கருப்பசாமி பாண்டியன் இருந்தார். தி.மு.க-வின் தென் மண்டல அமைப்புச் செயலாளராக மு.க.அழகிரி நியமிக்கப்பட்டதும் அவர் ஓரங்கட்டப்பட்டார். அழகிரிக்கும் கருப்பசாமி பாண்டியனுக்கும் ஒத்துப்போகவில்லை. அழகிரி நெல்லைக்கு ‘விசிட்’ அடிக்கும்போதெல்லாம் இவர் கண்டுகொள்ளமாட்டார். ஸ்டாலின் வருகையின் போது ஏற்பாடுகளைத் தடபுடலாகச் செய்துவிடுவார். இதனால் வெறுப்பான அழகிரி, ஒருமுறை கட்சியினர் முன்பாகவே கருப்பசாமி பாண்டியனை திட்டியதுடன் அவர் கொடுத்த சால்வையைக்கூட வாங்கவில்லை. அழகிரி கட்சியைவிட்டு ஓரங்கட்டப் பட்டதும் ‘கானா’ நிம்மதி அடைந்தார். 

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்