காவு வாங்கிய கந்துவட்டிக் கொடுமை!

கழுத்தை நெரிக்க நைலான் கயிறு... காரில் பயணித்த பிணம்...கொலை

திருச்சியில் நடந்திருக்கும் ஒரு கொலை பல்வேறு திடுக்கிடும் செய்திகளைச் சொல்கிறது. தமிழகத்தில் சட்டரீதியாகக் கந்துவட்டி தடை செய்யப்பட்டு இருந்தாலும், நடைமுறையில் கந்துவட்டிக் கொடுமைகள் நடந்துகொண்டுதான் இருக்கின்றன. கந்துவட்டிக்குப் பணம் கொடுத்துவிட்டு அதைத் திருப்பிக்கேட்டவர் கொலை செய்யப்பட்டு இருக்கிறார். சாதாரண கொடுக்கல், வாங்கல் தகராறு கொலை வரைக்கும் போகிறது. கொலைகள் மிகச் சர்வசாதாரணமாக மாறிவிட்டன. இன்னும் பல அதிர்ச்சிகள் இருக்கின்றன. மேலும் படியுங்கள்...

கந்துவட்டிதான் காரணம்!

திருச்சி மேலசிந்தாமணி சுப்பிரமணியசுவாமி கோயில் தெருவில் வசித்து வந்தவர், செந்தமிழ்ச்செல்வன். பால்கோவா, ஊறுகாய் போன்ற உணவுப்பொருட்களை மொத்தமாக வாங்கி, கடைகளில் விற்பவர். அதுபோக, கந்துவட்டிக்குப் பணம் கொடுத்துவந்தார். இவரது தம்பி மணிகண்டன். இவர், தனது அண்ணன் செந்தமிழ்ச்செல்வனை கடந்த 14-ம் தேதியில் இருந்து காணவில்லை என்று கடந்த 29-ம் தேதி திருச்சி கோட்டை காவல் நிலையத்தில் புகார் கொடுத்தார். செந்தமிழ்ச்செல்வன் கொலை செய்யப்பட்டார் என்பது போலீஸ் விசாரணையில் தெரியவந்தது. கொலைக்குக் காரணம் கந்துவட்டி.

இதுகுறித்து திருச்சி மாவட்ட காவல் துறை வட்டாரத்தில் விசாரித்தோம். “மணிகண்டன் கொடுத்த புகாரின் அடிப்படையில் இன்ஸ்பெக்டர் சீத்தாராமன் வழக்குப்பதிவு செய்து விசாரணை நடத்தினார். செந்தமிழ்ச்செல்வனும் திருச்சியில் ஹோட்டல் மற்றும் பார் நடத்திவரும் அரியாவூர் கண்ணன் என்பவரும் நெருக்கமாகப் பழகியுள்ளனர். கண்ணனுக்கு செந்தமிழ்ச்செல்வன் 10 லட்சம் ரூபாய் கடன் கொடுத்துள்ளார். செந்தமிழ்ச்செல்வன் தன் மனைவியைப் பிரிந்து தனியாக வசித்ததால், கண்ணனின் ஹோட்டலில்தான் மூன்றுவேளையும் சாப்பிட்டு வந்துள்ளார். அந்த ஹோட்டல் அருகே செந்தமிழ்ச்செல்வனின் மோட்டார் சைக்கிள் நிறுத்தப்பட்டு இருந்தது. அதனால், ஹோட்டல் மேனேஜர் ஹரி உள்ளிட்ட சிலரிடம் விசாரித்தோம். விசாரணையின்போது முன்னுக்குப்பின் முரணாக ஹரி பதில் சொன்னார். அவர் மீது எங்களுக்குச் சந்தேகம் வந்தது. அவரிடம் தொடர்ந்து விசாரித்த போதுதான், செந்தமிழ்ச்செல்வனை ஹரி கொலை செய்திருப்பது தெரியவந்தது” என்று சொல்கிறார்கள்.

திட்டம் போட்ட அ.தி.மு.க பிரமுகர்!

ஹரி வாக்குமூலம் படுபயங்கரமாக இருக்கிறதாம். ‘‘முதலாளி கண்ணன் மூலமாக செந்தமிழ்ச்செல்வனுடன் எனக்குப் பழக்கம். ஹோட்டலில் வேலை பார்த்து கிடைக்கிற வருமானத்தைவைத்து வாழ்ந்து வந்தேன்.  குடும்ப  கஷ்டம் காரணமாகச்  செந்தமிழ்ச்செல்வனிடம் கடந்த சில மாதங்களுக்கு முன் 11.50 லட்ச ரூபாய் வட்டிக்கு வாங்கினேன். வாங்கிய பணத்துக்கு வட்டி கட்ட முடியவில்லை. அதனால், அவர் கடைக்குச் சாப்பிட வரும்போதெல்லாம் என்னிடம், ‘உன்னால பணம் கட்ட முடியாது. மொத்தப் பணத்தையும் கொடு. இல்லைன்னா நடக்கறதே வேற’னு அசிங்கமா திட்ட ஆரம்பித்தார். இதை முதலாளி கண்ணனிடம் சொன்னேன். அவர் தனது நண்பரும், உறையூரில் பார் நடத்திவரும் சிவா என்பவரிடம் சொல்ல, சிவா கொலைக்கான திட்டம் போட்டு கொடுத்தார். இந்த சிவா அ.தி.மு.க-வைச் சேர்ந்தவர்.

நைலான் கயிற்றால் இறுக்கினார்கள்!

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்