கான்ஷியஸ்... அன்கான்ஷியஸ்?

சிகிச்சைஓவியம்: கார்த்திகேயன் மேடி

செப்டம்பர் 22-ம் தேதி அப்போலோ மருத்துவமனையில் அனுமதிக்கப்பட்டார் ஜெயலலிதா. அக்டோபர் 22 முடிந்து நவம்பரும் தொடங்கிவிட்டது. ஆனால் ஜெயலலிதா நலம்பெற்று எப்போது அழைத்துவரப்படுவார் என்ற குழப்பம் அ.தி.மு.க. நிர்வாகிகள் மத்தியில் இப்போதுதான் தொடங்கி இருக்கிறது. சில வாரங்களுக்கு முன்பு, ‘‘ஜெயலலிதா நன்கு பேசுகிறார்” என்று அப்போலோ மருத்துவமனை அறிக்கை வெளியிட்டு பீதியை அதிகப்படுத்தியது. ‘‘நன்கு பேசுகிறார்” என்று மருத்துவமனை இப்போது அறிவிக்கிறது என்றால் இதுவரை அவர் பேசாமல் இருந்தாரா? என்ற கேள்வி கிளம்பி தொண்டர்களை இன்னும் குழப்பத்தில் ஆழ்த்தியது. தஞ்சை, அரவக்குறிச்சி, திருப்பரங்குன்றம் ஆகிய மூன்று தொகுதிகளுக்கான இடைத்தேர்தலில் போட்டியிடும் அ.தி.மு.க. வேட்பாளர்களுக்கு சின்னம் ஒதுக்கும் அங்கீகார விண்ணப்பத்தில் கையெழுத்துப் போடாமல் கைநாட்டு வைத்தார் ஜெயலலிதா. இது அ.தி.மு.க. தொண்டர்களிடம் அதிர்ச்சியையும் குழப்பத்தையும் இன்னும் அதிகப்படுத்தியது. ‘‘அம்மா பேசுகிறாரா, உத்தரவுகளைப் போடுகிறாரா, பேசுகிறார் என்றால் தீபாவளி வாழ்த்து ஏன் சொல்லவில்லை?” என்றெல்லாம் சந்தேக ரேகைகள் பலராலும் பரப்பி விடப்படுகின்றன.

‘‘இரண்டு நாளில் வந்துவிடுவார்” என்று அ.தி.மு.க. செய்தித் தொடர்பாளர்கள் தொடர்ந்து சொல்லி வருகிறார்கள். எப்போது வேண்டுமானாலும் சிங்கப்பூருக்கோ, லண்டனுக்கோ அவரை அழைத்துச் செல்ல இருக்கிறார்கள் என்றும் செய்தி பரவி வருகிறது. ‘‘நவம்பர் 15ம் தேதிக்குள் போயஸ் கார்டன் வீட்டுக்கு அழைத்து வந்துவிடுவார்கள். ஆனால் முன்னைப் போல ஆக்டிவாக அவரால் இருக்க முடியாது. முழு ஓய்வில் அப்படியே இருப்பார்” என்று இன்னொரு தரப்பு சொல்ல ஆரம்பித்து உள்ளது. இந்த செய்திகள் அனைத்தும் தொண்டர்களை அதிகமாக குழப்பம் அடைய வைத்துள்ளது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்