வதந்திக்காக கைதா? கைதுக்காக வதந்தியா?

அடக்குமுறை

முதல்வர் ஜெயலலிதாவின் உடல்நிலை மற்றும் சிகிச்சை குறித்து டீக்கடை பெஞ்சுகளில் ஆரம்பித்து சமூக வலைதளம் வரை பரபரப்பான விவாதங்கள் நடைபெற்று வருகின்றன. இந்த நிலையில், முதல் அமைச்சர் ஜெயலலிதா உடல்நிலை குறித்து வதந்தி பரப்பியதாக ஏழு பேரைக் கைது செய்திருக்கிறது தமிழகக் காவல்துறை.

அ.தி.மு.க-வின் ஐ.டி. பிரிவைச் சேர்ந்த ராமச்சந்திரன், ராஜ்கமல், சந்துரு மற்றும் சென்னை திரு.வி.க நகர் பகுதி அ.தி.மு.க பிரமுகர் எபிநேசன் ஆகியோர் போலீஸில் கொடுத்தப் புகார்கள்தான், இத்தனைக் களேபரங்களுக்கும் அடிப்படை. மேலும், சென்னை மத்தியக் குற்றப்பிரிவு போலீஸில் இது சம்பந்தமாக 50-க்கும் மேற்பட்ட வழக்குகள் பதிவுசெய்யப்பட்டு, குற்றம்சாட்டப்பட்ட நபர்களைக் கைது செய் நடவடிக்கையிலும் போலீஸார் இறங்கியுள்ளனர்.

கோவையில் தனியார் வங்கி ஒன்றில் பணியாற்றும் ரமேஷ், சுரேஷ் ஆகிய இருவரும், வங்கியில் இருந்தபோது முதல்வர் ஜெயலலிதாவின் உடல்நிலை குறித்து தங்களுக்குள் சகஜமாக பேசியுள்ளனர். அந்த உரையாடல் குறித்து, தொண்டாமுத்தூர் பேரூராட்சி 9-வது வார்டு உறுப்பினர் பதவிக்கு அ.தி.மு.க. வேட்பாளராக அறிவிக்கப்பட்டுள்ள புனிதாதேவி என்பவர் போலீஸில் புகார் அளித்துள்ளார். உடனே, ‘முதல்வர் உடல்நிலை குறித்து அவதூறு பரப்பினர்’ என்று ரமேஷ், சுரேஷ் ஆகிய இருவரையும் போலீஸார் கைது செய்து ‘கடமை’யை நிறைவேற்றியுள்ளனர். நம்மிடம் பேசிய வங்கி ஊழியர்கள், ‘‘வங்கியில் இருந்தபோது, முதல்வர் உடல்நிலை குறித்த மெசேஜ் வந்தது. அது தொடர்பாக பேசிக்கொண்டிருந்தார்கள். யாரும் வதந்தியை பரப்பவில்லை. கைது நடவடிக்கையில் அரசியல் காரணங்கள் இருக்கின்றன’’ என்றனர் பதற்றத்துடன்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்