“என் மீதான குற்றச்சாட்டு உள்நோக்கம் கொண்டது!” - சொல்கிறார் விக்கிரமராஜா | Vikrama raja Disclaimer on his Scam complaint - Junior Vikatan | ஜூனியர் விகடன்

“என் மீதான குற்றச்சாட்டு உள்நோக்கம் கொண்டது!” - சொல்கிறார் விக்கிரமராஜா

‘கோடி ரூபாய் ஊழல்... பெண் சகவாசம்... அடியாள் மிரட்டல்... விக்கிரமராஜாவுக்கு எதிராக வரிசை கட்டும் புகார்கள்’ என்ற தலைப்பில், 22-10-17 தேதியிட்ட ஜூ.வி-யில் கட்டுரை வெளியிட்டிருந்தோம். அதில், வணிகர் சங்கப் பேரமைப்பின் தலைவரான விக்கிரமராஜா ‘நெல்லை நாடார் மெட்ரிக் பள்ளி’யில் தாளாளராக இருந்தபோது பல கோடி ரூபாய் ஊழல் செய்துள்ளதாக எழுந்த புகார் குறித்து எழுதி, அவரின் கருத்தையும் வெளியிட்டிருந்தோம். இந்த நிலையில் விக்கிரமராஜா நம்மைத் தொடர்புகொண்டார்.

 ‘‘என்மீது சுமத்தப்பட்டுள்ள குற்றச்சாட்டுகள் அனைத்தும் உள்நோக்கம் கொண்டவை. 1,300 பேர் படித்துவந்த பள்ளியை, 4,500 பேர் படிக்கும் பள்ளியாக மாற்றினேன். புதிய கட்டடங்கள் கட்டினேன். புதிய சி.பி.எஸ்.இ பள்ளி தொடங்க, மாநில அரசிடம் அனுமதி வாங்கத் தேவையில்லை என்றும், ஆனால், அனுமதி வாங்கிய வகையில் பல லட்சங்கள் செலவானதாக நான் கணக்குக் காட்டியிருப்பதாகவும் புகார் கூறியிருக்கிறார்கள். அது தவறு. சி.பி.எஸ்.இ பள்ளி தொடங்குவதற்கான ‘தடையில்லா சான்றிதழ்’ இப்போதும் மாநில அரசிடம்தான் பெற வேண்டும். சங்க விதிகளுக்கு மாறாக நான் ரொக்கமாக வரவு - செலவு வைத்துக்கொண்டதாகச் சொல்கிறார்கள். பழைமை வாய்ந்த நெல்லை நாடார் மகமை பரிபாலன சங்க விதிப்படி, 1000 ரூபாய்க்கு மேல் ரொக்கமாக செலவு செய்யக்கூடாதுதான். ஆனால், இன்றைய விலைவாசியில், இந்த விதி எந்தளவுக்குப் பொருந்தும்?

Do you like the story?

Please Appreciate the Author by clapping!

Editor’s Pick