“அவமானப்பட வேண்டியது மத்திய அரசுதான்!”

டெல்லியைக் கலங்கடித்த விவசாயிகள் போராட்டம்... - டெல்லி பாலா

24 மாநிலங்கள்... 207 சங்கங்கள்... லட்சக்கணக்கில் விவசாயிகள்... நவம்பர் 29, 30 தேதிகளில் டெல்லியை அதிர வைத்தனர். இரண்டு மாதங்களுக்கு முன்பு உத்தரப்பிரதேசம், பஞ்சாப், ஹரியானா, ராஜஸ்தான் ஆகிய வட மாநில விவசாயிகள் டிராக்டர்களுடன் டெல்லியை முற்றுகையிடப் புறப்பட்டனர். அப்போது போலீஸார் அவர்களை டெல்லியின் எல்லையில் தடுத்து நிறுத்தியதால் மோதல் வெடித்தது. தடியடி நடத்தியும், தண்ணீரைப் பீய்ச்சியடித்தும், கண்ணீர்ப்புகை குண்டுகளை வீசியும் விவசாயிகள் தடுக்கப்பட்டனர். மத்திய விவசாயத் துறை இணை அமைச்சர் டெல்லி எல்லையில் சென்று சமாதானம் பேசிய பின்பு கலைந்து சென்றார்கள் விவசாயிகள். அதன் பின்பும் விவசாயிகளின் பிரச்னைகள் மீது மத்திய அரசு பாராமுகம் காட்டிவருகிறது. இதன் எதிர்வினையாகத்தான் ஒட்டுமொத்த இந்திய விவசாயிகளும் ஒன்றுதிரண்டு தங்கள் பலத்தை மீண்டும் ஒரு முறை காட்டியிருக்கிறார்கள்.

இந்த முறை, நாட்டின் நாலா பக்கங்களில் இருந்தும் விவசாயிகள் டெல்லிக்குள் அனுமதிக்கப்பட்டனர். அவர்கள் முதல்நாள் போராட்டத்துக்காக, ராம் லீலா மைதானத்தைப் பதிவுசெய்திருந்தனர். ரயில்களிலும், பிற வாகனங்களிலும் வந்த விவசாயிகளை டெல்லி எல்லை முதல் ராம்லீலா மைதானம்வரை போலீஸார் பாதுகாப்பாக வழிநடத்தினர். வழிநெடுகிலும் கோஷங்களை முழங்கிச் சென்றவர்கள், ராம்லீலா மைதானத்தைப் போராட்டக்களமாக மாற்றினர். அவர்கள், மறுநாள் காலையில் நாடாளுமன்ற முற்றுகைப் போராட்டம் நடத்துவதற்குக் கிளம்பினர். அப்போது, இரும்புத் தடுப்புகளால் போலீஸார் அவர்களைத் தடுத்தனர். பிறகு, ‘நாடாளுமன்றச் சாலைவரை மட்டுமே அனுமதி. அங்கு மாலைவரை தர்ணா போராட்டம் நடத்திக் கொள்ளலாம்’ என்றனர் போலீஸார்.

Do you like the story?

Please Appreciate the Author by clapping!

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்