‘‘சலுகை அல்ல... அடையாளமே முக்கியம்!’’ - டாக்டர் கிருஷ்ணசாமி

ண்டதேவி தேர் விவகாரம், மாஞ்சோலை தோட்டத் தொழிலாளர் பிரச்னைகளில் கவனம் ஈர்த்த ‘புதிய தமிழகம்’ கட்சித் தலைவர் டாக்டர் கிருஷ்ணசாமி, தற்போது, ‘தாழ்த்தப்பட்டோர் பட்டியலில் இருந்து தேவேந்திரகுல வேளாளர்களை வெளியேற்றி, பிற்பட்ட சாதியினராக அறிவிக்க வேண்டும்’ என்று வலியுறுத்தி வருகிறார். பி.ஜே.பி-க்கு ஆதரவாக வும் பேசிவருகிறார். ‘பெரியாரியம் பேசிய டாக்டர், இப்போது சங் பரிவாருடன் நெருக்கமாக இருக்கிறார்’ என்றெல்லாம் அவர்மீது விமர்சனங்கள் அனல்பறக்கின்றன. இப்படியான சூழலில் கிருஷ்ணசாமியைச் சந்தித்துப் பேசினோம்.

“ ‘கிருஷ்ணசாமி சொல்லும் பெயரை எல்லாம் படத்துக்கு வைக்க முடியாது. அவர் எதையாவது சொல்லிக்கொண்டுதான் இருப்பார், அவருக்கு இந்த பஸ்ஸில் இடமில்லை’ என்று கமல் பேசியிருக்கிறாரே?’’

“அவர், முதலில் வைக்க நினைத்த பெயரை வைக்க வில்லை என்று கூறியிருக்கிறார்... அது போதும். மற்றபடி, அவரைப் பற்றிப் பேச ஒன்றுமில்லை”.

“தாழ்த்தப்பட்டோர் பட்டியலில் இருந்து விலகுவது தேவை இல்லாதது என்று சிலர் கூறுகிறார்களே?”

“வேளாண் சமூகமான தேவேந்திரகுல மக்களை ஆங்கிலேயர் ஆட்சியில் சலுகைகள் வழங்குவதற்காக பஞ்சமர், ஆதி திராவிடர் என்கிற பெயர்களில் தாழ்த்தப் பட்டோர் பட்டியலில் சேர்த்து விட்டார்கள். அதே பட்டியலில் சேர்க்கப்பட்ட இன்னொரு சமூகத்தினர் லண்டன் சென்று முறையிட்டு, அதிலிருந்து விலகிவிட்டார்கள். ஆனால், லண்டன் சென்று முறையிடு வதற்கு அப்போது எங்கள் மக்களிடம் பொருளாதார வசதி இல்லை. இதனால் 90 வருடங் களாக இந்தச் சமுதாயம் பின்தங்கிவிட்டது. பட்டியலில் இருந்து வெளியேறக் கூடாது என்பவர்கள், சலுகை போய்விடும் என்கிறார்கள். உலகம் முழுவதும் பல்வேறு இன மக்கள் போராடுவது சலுகைக்காக அல்ல; தங்களது அடையாள மீட்புக்காக”.

Do you like the story?

Please Appreciate the Author by clapping!

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்