“இரஞ்சித் சினிமாவிலிருந்து விலகி அரசியலுக்கு வந்து பேசட்டும்!”

தடதடக்கும் தலைவர்கள்

‘வரும் நாடாளுமன்றத் தேர்தலில், தமிழகத்தில் உள்ள தலித் கட்சிகள் எல்லாம் ஒன்றிணைந்து, ஏழு தனித் தொகுதிகளிலும் போட்டியிட வேண்டும்...’ என்று திரைப்பட இயக்குநர் பா.இரஞ்சித் பேசிய பேச்சு, தமிழக அரசியல் களத்தில் அதிர்வை ஏற்படுத்தியுள்ளது. அவரது பேச்சுக்கு ஆதரவாகவும் எதிராகவும் பெரும் விவாதம் எழுந்துள்ளது. இரஞ்சித் பேச்சு குறித்து கட்சிகள் மற்றும் அமைப்புகளின் தலைவர்கள் சிலரிடம் கருத்து கேட்டோம்.

ஜான் பாண்டியன், (தமிழக மக்கள் முன்னேற்றக் கழகத் தலைவர்):

‘‘திரைப்பட இயக்குநரான பா.இரஞ்சித், மக்களுக்கு வேண்டிய நல்ல கருத்துகளைத் திரைப்படங்களின் மூலமாகவே எடுத்துச் சொல்வதுதான் நல்லது. மற்றபடி, இப்படி அவர் அரசியல் பேசுவது நல்லதல்ல. வேண்டுமானால், சினிமாத் துறையை விட்டுவிட்டு அரசியலுக்கு வந்து அவர் பேசட்டும். அவர் கூறுவதுபோல பட்டியலினத் தலைவர்கள் அனைவரும் ஒரே அணியாக இணைவதற்கு முயற்சி மேற்கொள்ளப்பட்டால், இங்குள்ள திராவிடக் கட்சிகளே அந்த முயற்சியை உடைத்தெறிந்து விடும். எனவே, ஒடுக்கப்பட்ட மக்கள் ஒன்றுசேர வேண்டும் என்ற அவரது கருத்து, நடைமுறை அரசியலில் சாத்தியமில்லாதது.’’

 

Do you like the story?

Please Appreciate the Author by clapping!

Editor’s Pick