என்ன செய்தார் எம்.பி? - எஸ்.ஆர்.விஜயகுமார் (மத்திய சென்னை)

இத்தொடரின் மற்ற பாகங்கள்:
சட்டவிரோதக் கட்டடங்களால் திணறும் போக்குவரத்து!

#EnnaSeitharMP

#MyMPsScore

தி.மு.க-வின் கோட்டை, மத்திய சென்னை தொகுதி. முரசொலி மாறன், தயாநிதி மாறன் எனத் தொடர்ந்து ஐந்து முறை நாடாளுமன்ற உறுப்பினராகத் தேர்ந்தெடுக்கப்பட்டு, மத்திய அமைச்சரவையிலும் இடம் பெற்றார்கள். வி.வி.ஐ.பி தொகுதியாக இருந்த மத்திய சென்னையில், கடந்த நாடாளுமன்றத் தேர்தலில் முதன்முறையாக அ.தி.மு.க வெற்றி பெற்றது. அ.தி.மு.க-வின் எஸ்.ஆர்.விஜயகுமாருக்கு வாக்களித்த மக்கள் மாற்றத்தைக் கண்டார்களா? தொகுதியில் கடந்த நான்கரை ஆண்டுகளில் என்ன மாற்றங்கள் ஏற்பட்டுள்ளன?

தலைமைச் செயலகம், உயர் நீதிமன்றம், ரிசர்வ் வங்கி, நேரு விளையாட்டு அரங்கம், சேப்பாக்கம் கிரிக்கெட் மைதானம், மெரினா கடற்கரை, ராயப்பேட்டை அரசு மருத்துவமனை,  ராஜீவ் காந்தி அரசு மருத்துவமனை, கீழ்ப்பாக்கம் அரசு மருத்துவமனை, ஓமந்தூரார் பல்நோக்கு மருத்துவமனை, எழும்பூர் மற்றும் சென்ட்ரல் ரயில் நிலையங்கள் என முக்கியக் கேந்திரங்கள் மத்திய சென்னை தொகுதியில்தான் அடங்கியிருக்கின்றன.

எழும்பூர் ரயில் நிலைய ஆட்டோ ஓட்டுநர் முத்துக்குமாரிடம் பேசினோம். “போக்குவரத்து நெரிசல்தான் முக்கியமான பிரச்னை. சாலையைக் கடந்து எழும்பூர் ரயில்வே ஸ்டேஷனுக்குள் செல்வதற்கும், வெளியே வருவதற்கும் நடைமேம்பாலமோ, சுரங்கப்பாதையோ இல்லை. இதனால், ரயில் நிலையம் வரும் பயணிகள் சிரமத்துக்கு ஆளாகிறார்கள்” என்றார்.

சமூக ஆர்வலர் டிராஃபிக் ராமசாமியிடம் பேசினோம். ‘‘அரசியல் கட்சியினரும் அவர்களின் பினாமிகளும் சாலைகள், பூங்காக்கள் உள்ளிட்ட அரசின் பொது இடங்களை ஆக்கிரமிப்பு செய்து, கட்டடங்களைக் கட்டியிருக்கிறார்கள். தொகுதி முழுக்கவே சட்டவிரோதக் கட்டடங்கள் அதிகம். இதனால்தான் மத்திய சென்னை போக்குவரத்து நெரிசலால் திணறுகிறது. நடைபாதைகள் இல்லை. லாட்ஜ், ஹோட்டல் எனப் பெரும்பாலான மக்கள் வந்துபோகும் இடங்களில் பார்க்கிங் வசதிகள் இல்லை. குடிநீருக்குக் கட்டணம் வசூலிக்கிறார்கள். ஆனால், குழாயில் தண்ணீர் வருவதில்லை. தொகுதி மக்களின் பிரச்னைகளைக் கண்டுகொள்ளாமல் ஆளும் கட்சியினர் நடத்தும் நிகழ்ச்சிகளில் பங்கேற்பதில் மட்டும் எம்.பி தீவிரம் காட்டுகிறார்” எனக் கொதிக்கிறார்.

Do you like the story?

Please Appreciate the Author by clapping!

Editor’s Pick