பட்ஜெட் வரை போன பத்தி எழுத்து! - ஜூ.வி-யுடன் நாங்கள் - ரவிக்குமார்

‘ஒரு செய்தி தோன்றும்போதே கரைந்து விடும் இன்றைய தொடுதிரை யுகத்தில், இதழியலின் இடம் என்ன’ என்ற கேள்வி நமக்கு எழுகிறது. அறம், மதிப்பீடு என்பவை பிழைக்கத் தெரியாதவர்கள் பயன்படுத்தும் பொருளற்ற சொற்களாக மாறிவிட்ட இன்றைய சூழலிலும், ஊடக அறத்தி லிருந்து வழுவாமல் ஒரு புலனாய்வுப் பத்திரிகையை நடத்தமுடியும் எனச் சாதித்துக் காட்டுகிறது ஜூனியர் விகடன். 

1990-களிலிருந்தே அவ்வப்போது நாளேடுகள், வார இதழ்கள், இணைய இதழ்கள் எனக் கட்டுரைகளை எழுதிக்கொண்டிருந்தாலும், ஜூனியர் விகடனில் தொடர்ந்து பத்தி எழுத வாய்ப்பு கிடைக்குமென நான் கற்பனைகூட செய்து பார்த்ததில்லை. அந்த சந்தர்ப்பம், நான் சட்டமன்ற உறுப்பினராகத் தேர்ந்தெடுக்கப்பட்டு சில வாரங்களிலேயே வாய்த்தது. 2006 மே மாதத்தில் கூடங்குளம் அணு உலைகள் குறித்த பொதுவிசாரணை திருநெல்வேலியில் நடந்தது. அந்தத் திட்டம் ஆரம்பித்த காலத்திலிருந்தே அதை எதிர்த்த பிரசார இயக்கத்தில் ஆண்டன் கோம்ஸ் முதலானவர்களுடன் பங்கேற்றிருந்த அனுபவத்தில், அணு உலைக்கு எதிரான என் கருத்துகளை ஆங்கிலத்தில் ஒரு மனுவாகத் தயாரித்து எடுத்துக்கொண்டு நெல்லைக்குப் போயிருந்தேன். மக்களின் கடும் எதிர்ப்பால் பொதுவிசாரணை ரத்து செய்யப்பட்டது. அதைப்பற்றி ஜூனியர் விகடனுக்கு ஒரு கட்டுரை எழுதும்படி கேட்டார்கள். அப்படித்தான் எனது ‘பத்திப் பயணம்’ ஜூ.வி-யில் ஆரம்பித்தது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்