அம்மா பூங்காவாக மாறிய அரசுப் பள்ளி!

ன்னியாகுமரி மாவட்டம் மேலசங்கரன்குழி ஊராட்சியில் மூடப்பட்ட அரசுத் தொடக்கப் பள்ளியை மீண்டும் திறக்கும் முயற்சியில் பொதுமக்கள் ஈடுபட்டிருந்த நிலையில், ‘அம்மா பூங்கா’வாக அது உருமாற்றப்பட்டுள்ளது.

நாகர்கோவில் தொகுதியில் மேலசங்கரன்குழி பேரூராட்சிக்கு உள்பட்ட சடையால்புதூர் பால்டானியேல்புரம் சர்ச் அருகே 85 ஆண்டுகளாகச் செயல்பட்டுவந்தது ஓர் அரசுத் தொடக்கப்பள்ளி. 2011-ல், கோடை விடுமுறைக்காகப் பூட்டப்பட்ட அந்தப் பள்ளி, எந்த முன்னறிவிப்பும் இல்லாமல் நிரந்தரமாக மூடப்பட்டது. பள்ளியை மீண்டும் திறக்குமாறு கல்வித்துறை உயர்அதிகாரிகளிடம் மனு கொடுக்க அலைந்துதிரிந்தனர் மக்கள். இந்த நிலையில், பள்ளி வளாகத்தில் சுற்றுச்சுவர் எழுப்பப்பட்டு ஊஞ்சல், சறுக்கு, நடைபாதை என ரூ.20 லட்சம் செலவில் அங்கு பூங்கா உருவாக்கப்பட்டுள்ளது. ‘அம்மா பூங்கா’ என்று பெயரிடப்பட்டுள்ள இந்தப் பூங்காவை கன்னியாகுமரி மாவட்ட ஆட்சியர் திறந்து வைத்துள்ளார். அங்கு பள்ளி இருந்தது என்பதற்கு அடையாளமாக, புதர்கள் மண்டிய வகுப்பறைக் கட்டடங்கள் உள்ளன.

Do you like the story?

Please Appreciate the Author by clapping!

Editor’s Pick

மாதத்திற்கு 7 பிரீமியம் கட்டுரைகள் படிக்க பதிவு செய்யுங்கள்அனைத்து பிரீமியம் கட்டுரைகளையும் படிக்க சந்தா செய்யுங்கள்