கொதிக்குது கரூர்... வேலூரைத் தாண்டும் வெயில் மாவட்டம்!

வேலூரில் ஜெயில் மட்டுமல்ல, வெயிலும் பிரசித்தி பெற்றது. ஆனால், இப்போது வேலூரைப் பின்னுக்குத் தள்ளி அதிகம் வெயில் அடிக்கும் மாவட்டமாக கரூர் மாறிவிட்டதாக சமூக ஆர்வலர்கள் ரெட் அலெர்ட் கொடுக்கிறார்கள். சென்னை வானிலை ஆராய்ச்சி மைய அதிகாரிகளே வந்து கரூரில் வெயில் பற்றி ஆய்வு செய்துவிட்டுப்போகும் அளவுக்கு நிலைமை மோசமாகியுள்ளது.

தமிழகத்தின் மையப் பகுதியான கரூர் மாவட்டத்தில் காவிரி, அமராவதி, நொய்யல் உள்ளிட்ட ஆறுகள் ஓடினாலும், அந்த ஆறுகளை நம்பி செழுமையான விவசாயம் நடப்பதில்லை. இயற்கையாகவே இங்கு மானாவாரி நிலங்கள் அதிகம். இங்கு பல தொழிற்சாலைகள் உள்ளன. சுண்ணாம்பு மண் நிறைந்த மாவட்டம் என்பதாலும், இங்கு வெப்பம் அதிகம். சமீபகாலமாக, இங்கு குறைந்தபட்சம் 100 டிகிரியில் தொடங்கி அதிகபட்சம் 110 டிகிரி வரை வெயில் வாட்டி எடுக்கிறது. குறிப்பாக, இந்த மாவட்டத்தில் உள்ள க.பரமத்தி ஒன்றியப் பகுதிகளில்தான் அதிக வெப்பம் பதிவாகிறது. இதனால், மக்கள் வெளியில் செல்லவே அச்சப்படுகின்றனர். அதீத வெயிலினால் பலர் சுருண்டு விழும் நிகழ்வுகள், தலைச்சுற்றல் போன்ற பிரச்னைகள் அடிக்கடி ஏற்பட ஆரம்பித்துள்ளன.

Do you like the story?

Please Appreciate the Author by clapping!

Editor’s Pick