குளிருது கோவை... ஊட்டி போல ஸ்வெட்டர் தேடும் மக்கள்! | Coolness increase in coimbatore - Junior vikatan | ஜூனியர் விகடன்

குளிருது கோவை... ஊட்டி போல ஸ்வெட்டர் தேடும் மக்கள்!

க்களின் குணத்துக்கு அடுத்த படியாக கோவையை எல்லோரும் விரும்புவது இங்கு நிலவும் குளிருக்காகத்தான். பருவநிலை மாற்றம்... தொழில்பெருக்கம்... சுற்றுச்சூழல் மாசு... இயற்கை அழிப்பு... இத்தியாதி இத்தியாதி காரணங்களால் பல வருடங்களாகத் தன் இயல்பை இழந்து ‘கொதித்த’ கோவையைப் பார்த்துத் துடித்த நெஞ்சங்கள் ஏராளம். கோவையில் வசிப்பவர்கள் மட்டுமல்லாது, அவ்வப்போது இங்கு வந்துபோகிறவர்களும் கூட, ‘கோயம்புத்தூர் முன்ன மாதிரி இல்லப்பா...’ என்று மனதுக்குள் ‘புழுங்கிச்’ சென்றனர். பல வருடங்களாக அவுட் ஆஃப் ஃபார்மில் இருக்கும் ஆஸ்தான கிரிக்கெட் ப்ளேயர் திடீரென்று மீண்டுவந்து பந்துகளை விளாசுவதைப்போல, இந்த ஆண்டு ஜில் குளிரில் நடுங்குகிறது கோவை. அதிகாலையில் ஸ்வெட்டர் போட்டுக்கொண்டு வாக்கிங் போகிற மனிதர்களை வீதிகளில் பார்க்க முடிகிறது. மலையேறி ஊட்டிக்குப் போக வேண்டிய அவசியமே இல்லாமல் போய்விட்டது.

கோவையைப் பற்றி பல புத்தகங்களளை எழுதியுள்ள சி.ஆர்.இளங்கோவனிடம் பேசினோம். ‘‘60 வருஷங்களுக்கு முன்பெல்லாம் கோவையில் வாழ்றவங்களுக்கு பெரும்பாலான மாதங்களில் கண்டிப்பா ஸ்வெட்டரும் மப்ளரும் தேவைப்பட்டுச்சு. அந்த அளவுக்குக் குளிர் இருக்கும். பாலக்காடு கணவாய் வழியா வீசும் அரபிக்கடல் காற்றால இங்கிலாந்துக்கு இணையான க்ளைமேட் இருந்துச்சு. ஏ.சி இல்லாத அந்தக் காலத்துலேயே இங்கே பஞ்சாலைத்தொழில் வளர்ந்ததுக்குக் காரணம் அந்த க்ளைமேட்தான். காற்றில் உள்ள ஈரப்பத்தை வைத்தே பஞ்சு ஒட்டி நூலா மாறுச்சு.

Do you like the story?

Please Appreciate the Author by clapping!

Editor’s Pick