11 வயது சிறுமி... 17 மனித மிருகங்கள்! | 11 year old girl sexual harassment in chennai apartment by 17 persons - Junior Vikatan | ஜூனியர் விகடன்

11 வயது சிறுமி... 17 மனித மிருகங்கள்!

வெட்ட வெட்டத் துளிர்க்கும் விஷ விருட்சம்!

குற்றம் சாட்டப்பட்டவர்களில் வயதில் மூத்தவருக்கு 65 வயது. அவர்களில் ஐந்து பேர் 55 வயது கடந்தவர்கள். அவர்களுக்கு மகன்வழியிலோ, மகள்வழியிலோ பேத்தி இருந்தால், இந்த வயதில்தான் இருப்பார். ஆனால், இந்த முகத்தில் மழலையையோ, இந்த உடலில் தங்கள் பேத்தியையோ அவர்கள் உணரவில்லை. 11 வயது சிறுமி... 17 மனித மிருகங்கள்... நாம் அடைந்திருக்கும் நாகரிகம் இவர்களின் மனங்களை இப்படியா மாற்றியிருக்கிறது என்று வெட்கித் தலைகுனியச் செய்யும் கொடூரம் சென்னை அயனாவரத்தில் நிகழ்ந்திருக்கிறது. பெண் குழந்தையைப் பெற்றவர்களை மட்டுமல்ல, மொத்த தமிழ்நாட்டையும் இது அதிர்ச்சிக்கு உள்ளாக்கியிருக்கிறது.

‘வட இந்தியர்கள் வசிக்க மட்டுமே’ என்று தீர்மானித்து 350 குடியிருப்புகளுடன் உருவாக்கப்பட்டிருக்கும் அடுக்குமாடிக் குடியிருப்பில்தான், அந்த சின்னஞ்சிறுக் குழந்தைக்கு எதிரான பாலியல் வன்முறை ஆயுதத்தை இந்த மிருகங்கள் கையாண்டுள்ளன. செவித்திறன் இல்லாத, ஓரளவே பேச முடிந்த, சரியாகச் சொல்வதென்றால், ‘சிறப்புக் குழந்தை’க்கான தகுதியுடனே அவள் இருந்திருக்கிறாள். அந்த அப்பார்ட்மென்டில் வேலைபார்க்கும் லிஃப்ட் ஆபரேட்டர்கள், பிளம்பர், வாட்ச்மேன் என்று 17 மிருகங்கள் இணைந்து ஒரு நாள், இரண்டு நாள் அல்ல... தொடர்ந்து ஏழு மாதங்கள் இந்தக் கொடூரத்தைச் செய்திருக்கின்றன. வெட்ட வெட்டத் துளிர்க்கும் விஷ விருட்சமாக இதுபோன்ற சம்பவங்கள் தொடர்கின்றன.

Do you like the story?

Please Appreciate the Author by clapping!

Editor’s Pick