கழுகார் பதில்கள்!

பி.மணி, வெள்ளக்கோவில்.

‘விவசாயிகளின் வருமானத்தை 2022-ம் ஆண்டுக்குள் இரட்டிப்பாக மாற்றுவதே என் இலக்கு’ என்று பிரதமர் நரேந்திர மோடி அறிவித்திருக்கிறாரே... இது நடக்கக் கூடியதுதானா?


முதலில் இம்மாதிரியான விவசாயிகளுக்கு அனுகூலம் செய்யும் முயற்சியைப் பாராட்டுவோம். கடினமான இலக்குதான். ஆனால், செய்யமுடியும். நாடு முழுக்க என்ன பயிரிடுகிறார்கள்... எப்போதெல்லாம் பயிரிடுகிறார்கள்... எவ்வளவு பயிரிடுகிறார்கள் உள்ளிட்ட அனைத்துவிதமான தரவுகளும் திரட்டப்பட வேண்டும்; தேவையைக் கருத்தில்கொண்டு விளைபொருள்களின் உற்பத்தி பரப்பைக் கூட்டவும் குறைக்கவும் விவசாயிகளுக்கு வழிகாட்ட வேண்டும்; சந்தையில் நிகழும் சிண்டிகேட் மோசடிகளைக் கட்டுப்படுத்த வேண்டும்; நெல், கோதுமை போல அரசாங்கமே நேரடிக் கொள்முதல் மூலமாக விற்பனை செய்வதற்குரிய ஏற்பாடுகளைச் செய்ய வேண்டும். விலை நிலவரம் நாடு முழுக்க ஒரே மாதிரியாக இருப்பதற்கான வழிமுறைகளைக் கண்டறிய வேண்டும். இடுபொருள்களின் விலை கூடியவரை அதிக வேறுபாடு இல்லாமல் செய்யவேண்டும். இப்படி ஏகப்பட்ட ‘வேண்டும்’களை உள்ளடக்கியது இது. ஏற்கெனவே தனியார் அமைப்புகள் சில, சிறிய அளவில் இந்த முயற்சியை மேற்கொண்டு வெற்றிகரமாக இயங்கவும் செய்கின்றன. அவர்களின் அனுபவத்தைக் கேட்டறிந்தால்... 2022-ல் சாத்தியமே!

Do you like the story?

Please Appreciate the Author by clapping!

Editor’s Pick