களைகட்டும் கோஷ்டி மோதல்... குற்றாலத்துக்கு குஷி டூர்!

விஜயபாஸ்கரின் புதுக்கோட்டை வியூகம்

புதுக்கோட்டை மாவட்ட அ.தி.மு.க-வுக்குள் அதிகாரப் போட்டியும் கோஷ்டி மோதலும் களைகட்டிய சூழலில், அமைச்சர் விஜயபாஸ்கர் தங்களைப் பழிவாங்குவதாக ஒரு தரப்பினர் குமுறிவருகிறார்கள்.

ஜெயலலிதா மரணத்துக்குப் பிறகு சசிகலா - ஓ.பன்னீர்செல்வம் என அணிகள் பிரிந்தபோது, முன்னாள் எம்.எல்.ஏ கார்த்திக் தொண்டைமான், முன்னாள் அமைச்சர் சுப்பிரமணியன், அறந்தாங்கி ராஜநாயகம், புதுக்கோட்டை முன்னாள் நகர்மன்றத் தலைவர் ராஜசேகரன் உள்ளிட்டோர் ஓ.பி.எஸ் அணிக்குச் சென்றார்கள். இரு அணிகளும் இணைந்த பிறகும், புதுக்கோட்டை அ.தி.மு.க-வில் கோஷ்டி மோதல் நீடித்துவருகிறது. இன்னமும் ஓ.பி.எஸ் ஆதரவாளர்களை விஜயபாஸ்கர் ஓரங்கட்டுவதாகக் குமுறுகிறார்கள்.

ஜூலை 5-ம் தேதி, ராஜசேகரனுக்கு எம்.ஜி.ஆர் இளைஞர் அணி மாநில இணைச் செயலாளர் பதவியும், கார்த்திக் தொண்டைமானுக்கு இளைஞர் அணி மாவட்டச் செயலாளர் பொறுப்பும் அறிவிக்கப்பட்டன. அதனையடுத்து, பதவிகள் வழங்கியதற்காக முதல்வர் எடப்பாடி பழனிசாமி மற்றும் துணை முதல்வர் ஓ.பி.எஸ் ஆகியோருக்கு நன்றி தெரிவித்து மாவட்டம் முழுக்க போஸ்டர்கள் ஒட்டப்பட்டன. போஸ்டர் ஒட்டிய ஈரம் காய்வதற்குள், ராஜசேகரனிடமிருந்து புதிய பொறுப்பு பறிக்கப்பட்டது. இதன் பின்னணியில் அமைச்சர் விஜயபாஸ்கர் உள்ளதாகவும், தனக்கு வேண்டாதவர்களை விஜயபாஸ்கர் பழிவாங்குவதாகவும் புதுக்கோட்டை அ.தி.மு.க-வில் ஒரு தரப்பினர் குற்றம்சாட்டுகிறார்கள்.

Do you like the story?

Please Appreciate the Author by clapping!

Editor’s Pick