மிஸ்டர் கழுகு: வருகிறது மேலவை... நுழைகிறது பி.ஜே.பி! - டெல்லி நெக்ஸ்ட் பிளான் | Mr.Kazhugu - Politics & Current affairs - Junior Vikatan | ஜூனியர் விகடன்

மிஸ்டர் கழுகு: வருகிறது மேலவை... நுழைகிறது பி.ஜே.பி! - டெல்லி நெக்ஸ்ட் பிளான்

ழுகார் வந்ததுமே அலுவலக நூலகத்துக்குள் போனார். பழைய ஜூ.வி ஃபைல்களுடன் வந்தவர், ‘‘தமிழகத்தில் மீண்டும் சட்ட மேலவையை அமைப்பதற்கான ஏற்பாடுகள் சத்தமில்லாமல் நடந்துவருகின்றன. சட்டமன்ற அலுவலகத்தில் சீனியர் அதிகாரிகள் சிலர் இதற்காகத் தனியாக உட்கார்ந்து வேலை பார்க்கிறார்கள். எல்லாம் சரியாக நடந்து முடிந்தால், அநேகமாக இந்தச் சட்டமன்றக் கூட்டத்தொடரிலேயே ‘சட்ட மேலவையை மீண்டும் அமைப்பதற்கான மசோதா’ அறிமுகம் செய்யப்படலாம்’’ என்றார்.

‘‘அவ்வளவு வேகமாகவா வேலை நடக்கிறது?’’

‘‘ஆமாம். ஜெயலலிதா உறுதியாக எதிர்த்த சட்ட மேலவையை, பி.ஜே.பி-க்காக மீண்டும் கொண்டு வரும் முயற்சிகளில் இறங்கியிருக்கிறது எடப்பாடி அரசு. சட்டசபைக்குள் பி.ஜே.பி கால் பதிக்க முடியாத நிலையில், மேலவை வழியாக உள்ளே நுழைய டெல்லி மேலிடம் பிளான் செய்திருக்கிறது.’’

‘‘ஓஹோ!’’

‘‘மேலவையின் வரலாற்றை முதலில் சொல்லிவிடுகிறேன். இப்போதும் சில மாநிலங்களில் மேலவைகள் இருக்கின்றன. தமிழகத்திலும் முன்பு இருந்தது. மேலவையில் ராஜாஜி, அண்ணா, ம.பொ.சி, கருணாநிதி, எம்.ஜி.ஆர் என்று நிறையப் பிரபலங்கள் இடம்பெற்றிருந்தனர். 1986-ம் ஆண்டு வரையில் செயல்பட்டு வந்த இந்த மேலவைக்கு, அப்போது முதல்வராக இருந்த எம்.ஜி.ஆர் மூடுவிழா நடத்தினார். திவால் நோட்டீஸ் கொடுத்திருந்த நடிகை வெண்ணிற ஆடை நிர்மலாவை மேலவை உறுப்பினராக அவர் நியமித்தது சர்ச்சையை ஏற்படுத்தியது. அதனால், மேலவையைக் கலைத்தார். மேலவையைக் கலைக்க வகை செய்யும் தீர்மானம் 14.5.86 அன்று சட்டசபையில் கொண்டுவரப்பட்டு, ஜனாதிபதியின் ஒப்புதலுக்குப் பிறகு 1.11.86-ல் மேலவை கலைக்கப்பட்டது. மேலவை கலைக்கப் பட்ட நேரத்தில், அதன் தலைவராக ம.பொ.சி-யும் எதிர்க்கட்சித் தலைவராகக் கருணாநிதியும் இருந்தனர். இதன் பிறகு இரண்டு திராவிட கட்சிகள் காட்டிய வேகம் ‘ஏட்டிக்குப் போட்டி’தான்.’’

Do you like the story?

Please Appreciate the Author by clapping!

Editor’s Pick