“அதாவது கண்ணுங்களா!” - 5 - ‘‘சிட்டிங் ரெடி பண்ணிடலாம்...’’ | Series about Real life sexual harassments - Junior Vikatan | ஜூனியர் விகடன்

“அதாவது கண்ணுங்களா!” - 5 - ‘‘சிட்டிங் ரெடி பண்ணிடலாம்...’’

இத்தொடரின் மற்ற பாகங்கள்:
ஜான்ஸி ராஜா

யர்கல்வித் துறையின் அதிகாரிகளே, ‘சார்... ராணி மேடம் வந்துட்டாங்களா?’ என்று கேட்டு உறுதி செய்துகொண்ட பின்னர் தான், உள்ளே நுழைவார்கள். ‘‘மேடம் வந்துட் டாங்கன்னா, குட்டிக்குரா பவுடர் நெடி ஒரு தூக்கு தூக்கும்ங்கறது தெரியாம இருக்காங்களே?’’ என்று சலித்துக்கொள்வார், முதல் சீட்டில் அமர்ந்திருக்கும் ஆவுடையப்பன்.

ராணி மேடம் என்ற கெத்தான அந்தக் கேரக்டரின் முழுப் பெயர் வேறாக இருந்தாலும், அவரை எல்லோரும் அழைப்பது அந்தப் பெயரில்தான். பி.காம்., டிஸ்கன்டினியூடுதான் கல்வித் தகுதி. ராணியின் வருகை குறித்து விசாரிக்கிற அனைவருக்கும் பதில் சொல்லக்கூடிய முதல் இருக்கையாகத் தன் இடம் அமைந்துவிட்டதில், ஆவுடையப் பனுக்கு ஒரு பக்கம் பேரானந்த மாகத்தான் இருந்தது. ராணியும் உள்ளே வந்ததும், “வணக்கம் மிஸ்டர் ஆவூ... என்னைத் தேடிட்டு யாராவது வந்தாங்களா?” என ஆவுடையப்பனிடம் கேட்டு விட்டுத்தான், தன் கையிலிருக்கும் அரை அடி நீளக் குடையை அவரிடம் நீட்டுவார். பிரபலமான கோயிலில் கிடைக்கும் பிரசாதம் போல அதை மிஸ்டர் ஆவூ, பவ்யமாய் வாங்கிச் சிறு சத்தமும் வராதபடி டிராயரில் வைப்பார்.

அலுவலகத்தில் ராணியின் ‘ரேங்க்’ என்ன என்பதுகூட அங்கு வேலைபார்க்கும் பலருக்குத் தெரியாது. லேட்டஸ்ட் டிசைனில் ஒரு தோள் பை, கையில் குடை... இதுதான் ராணியின் அடையாளம். உதடு நிறைய லிப்ஸ்டிக்கும் உடம்பு தெரிய வெங்காயச் சருகு சேலையுமாக அவர் உள்ளே நுழையும்போதே, தலைநகரத்தின் அந்தப் பல்கலைக்கழக அலுவலகம் பரவசமாகிவிடும்.

ராணி உள்ளே வரும்போது பின்னாலேயே வரும் ஊழியர், அர்ஜென்ட், ஆர்டினரி என்று அடையாள ரிப்பன் கட்டிய ஃபைல்களைத் தூக்கிக்கொண்டு வருவார். ராணி சொல்கிற இடத்தில் அந்த ஃபைல்களை இறக்கி வைத்துவிட்டு, ஓர் அதிகார சல்யூட்டை அடித்துவிட்டுக் கிளம்பிப் போய்விடுவார். இது அன்றாடம் நடக்கிற காட்சி. ராணிக்குக் கல்வி வட்டாரத்தில் இருக்கும் செல்வாக்கு, எவரையும் மிரட்டும்; அவர் அணிந்திருக்கும் ஸ்லீவ்லெஸ் ஜாக்கெட்டின் கச்சிதம், முனிவரையும் மயக்கும்.

Do you like the story?

Please Appreciate the Author by clapping!

Editor’s Pick