நான் ரம்யாவாக இருக்கிறேன் - 25 | Tamil Magan series - Junior Vikatan | ஜூனியர் விகடன்

நான் ரம்யாவாக இருக்கிறேன் - 25

இத்தொடரின் மற்ற பாகங்கள்:
தமிழ்மகன், ஓவியம்: ஸ்யாம்

தீபா இரண்டு பேரையும் பார்த்தாள். பேராசிரியர் ராகுலுக்கு உடம்புதான் பலவீனமே தவிர, முகத்தில் முறுக்குக் கம்பி உறுதி. கவின், அவர் சொல்வதை ஏற்றுக்கொண்டதுபோல நின்றிருந்தான். இவ்வளவு பெரிய அதிர்ச்சியை அவளால் தாங்கமுடியவில்லை. ‘பேரலல் யூனிவர்ஸ்’ என்பது பிக் பாங் தியரி உருவான காலத்திலிருந்து இருக்கும் ஒரு தியரி. ‘‘1,400 கோடி ஆண்டுகளுக்குமுன் இந்தப் பிரபஞ்சம் உருவான அடுத்த மைக்ரோ செகண்டில் இன்னொரு பிரபஞ்சம் உருவானது. அது இணைப் பிரபஞ்சம் மட்டுமல்ல, எதிர் பிரபஞ்சமும்கூட’’ என்றெல்லாம் சயின்டிஸ்ட்டுகள் சண்டை போட்டுக்கொள்ளும் விவகாரம். இன்னமும் பிக் பாங் சமாசாரத்தையே சில சயின்டிஸ்டுகள் ஏற்றுக்கொள்வது இல்லை என்பது சைடு ட்ராக்.

‘உலகம் உருண்டை என்பதையே ஏற்றுக்கொள்ளாத கூட்டமும் இருக்கத்தான் செய்கிறது’ என மறுப்பவர்களை ஒதுக்கிவிட்டு பிக் பாங்காரர்கள் வெகுதூரம் வந்துவிட்டார்கள். ஆக, பிக் பாங் தியரி போட்ட குட்டிதான், பேரலல் யூனிவர்ஸ். கொஞ்சம் பயமுறுத்தலான தியரியும்கூட.

‘‘எதைவெச்சு இந்த முடிவுக்கு வந்தீங்க டாக்டர்?’’ - தீபா கே?ட்டாள்.

‘‘சிம்பிள்மா. ஒரே மாதிரி இன்னொரு பெண். அசாதாரண நடவடிக்கைகள்.’’

‘‘இது போதுமா?’’

Do you like the story?

Please Appreciate the Author by clapping!

Editor’s Pick