ஆவின் மீது கண் வைக்கும் ஓ.பி.எஸ். தம்பி! - குறுக்கு வழியில் நுழைவதாகப் புகார்...

துரை ஆவின் நிர்வாகக் குழு இயக்குநர் தேர்தலில் போட்டியிட துணை முதல்வர் ஓ.பன்னீர்செல்வத்தின் தம்பி ஓ.ராஜா மனு தாக்கல் செய்துள்ளார். அவர் தேர்தலில் போட்டியிடுவதற்கு அ.தி.மு.க-வுக்குள்ளேயே கடும் எதிர்ப்பு கிளம்பியுள்ளது. மேலும், இத்தேர்தலில் போட்டியிடுவதற்காக, போலியாக ஒரு கிராமத்தை ஓ.ராஜா உருவாக்கியுள்ளார் என்ற குற்றச்சாட்டும் கிளம்பியுள்ளது.

இதுகுறித்து மதுரை அ.தி.மு.க-வினர் கூறுகையில், “அண்ணன் ஓ.பி.எஸ் துணை முதல்வராக இருந்தும், எந்தப் பதவியும் இல்லாமல் இருக்கிறார் தம்பி ஓ.ராஜா. அதனால், ஆவின் தலைவர் பதவியைக் கைப்பற்ற வேண்டும் என்பது அவரது திட்டம். அதன் முதல்கட்டமாகத்தான், அக்டோபர் 11-ம் தேதி நடக்கும் ஆவின் இயக்குநர்கள் பதவிக்கான தேர்தலில் போட்டியிடுகிறார். இது தினகரன் அணிக்கு மட்டுமில்லாமல், அ.தி.மு.க-வுக்கு உள்ளேயும் புகைச்சலை ஏற்படுத்தியுள்ளது. குறிப்பாக, பால்வளத்துறை அமைச்சர் கே.டி.ராஜேந்திர பாலாஜிக்கு இது சுத்தமாகப் பிடிக்கவில்லை. அதனால்தான் இவர் வேட்பு மனு தாக்கல் செய்ய வந்தபோது, கட்சியின் முக்கியஸ்தர்கள் யாரும் வரவில்லை” என்றார்கள்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்